到此一遊系列 - 九洲 (極多相)

kingkong_hk

到此一遊系列 - 九洲 (1)


交通:新幹線品川 => 博多



上年11月訂咗東京飛, 6月企圖改九洲已經冇位, 唯有座車, 朝早8點幾飛東京, 2點出羽田, 座3點車, 21:47到博多, 仲可以宵夜


今日機場特別好景, 又特別好訓

        
        


出羽田好爽, 3個字左右過晒關, 拖行李上車, JR綠色窗口好長龍, 排到龍頭先知換PASS要去對面INFORMATION度搞, 蠢咗

        

同JR姐姐研究咗成個字, 東京大阪呢程冇晒指定席, 我話吸煙車都照殺, 原來吸煙車好多位, 又冇乜人吸煙


沿途影風景打發時間


        




3小時多少少車程到大阪, 等20分鐘轉九洲新幹線





人地玩電話有咩好睇呢?



肚餓, 買咗車站便當, 1000YEN一件, 呢件野性價比唔得



到咗博多, 成功於車站會合朋友, 一齊去宵夜, 呢餐抵食過車站嗰件飯, 吃完去訓覺

kingkong_hk

到此一遊系列 - 九洲 (2)


交通:博多 => 門司



8點出發去門司港, 起初冇諗會玩足一日, 去到先知原來可以玩埋下關市(最後冇去)


幾多人返工, 不過唔夠香港人山人海

        

博多駅則求其搵間朝食
        






每個車站都設有吸煙區

        

開車冇耐就見到稻田

        

玩過電車GO嘅朋友, 都知車長會一路行車一路講野, 仲要手指指, 與團友研究一輪, 估計車長為咗警惕自己要做到足, 例如見綠燈就要指一指, 再講通過, 開車前指後鏡, 冇人上落, 再指車門, 先可以關門, 見到路軌上工作人員要響號, 等等.... 所以要咁搞法



        






COSMO遊樂場拍緊烏蠅



到達門司駅, 今日行程第1個景點, 據聞門司係九洲第1個車站



        







        






(洪)潮風號, 來回門門橋與門司駅, 收費300YEN, 似荔園小火車, 幾受歡迎




第2景點係車站則, 鐵道博物館, 制作幾好, 起碼好過大埔好多, 從SL車到近期電車都有, 由JR出錢搞, 收費300YEN, 人唔太多, 蝕本設施



        


SL車, 個轆仲大過人









        












遊人可進入車廂參觀



        







        




館內設有列車模型, 模擬駕駛室, 退役用品, 如人手打飛機, 水煲, 電話, 風扇, 等等...



        




用來量度路軌弧度及水平嘅工具





訊號燈
        




一般用品



        






列車模型



        




全場最熱鬧原來係駕駛室




室外有小電車玩, 收費300YEN




夏日炎炎, 最好就係咁




不知不覺行到條橋, 每日定時會打開俾船過, 遇到呢啲情況就要兜圈行, 其實條橋可有可冇, 純粹為起而起



        




好多舊式建築物已經被改成商店, 以今日來講, 睇唔出有商店入面多過5個客人



        


再行前少少, 見到有單車出租, 呢個就係去玩下關市主要交通工具, 電動輔助車都只係500YEN一全日, 5PM前交車就得




租車店負責人以日文為主打, 同佢講乜文, 佢都係用日文答你, 不過唔驚, 佢有幾份萬能溝通文件, 可應付大部份顧客


搞野位, 中國語(光), 英語(WHAT CAN I DO FOR YOU), 韓語係咩呢?
        


踩單車暢遊門司





        






潮風號中間站












呢件嘢都係景點之一




門門橋








呢位施主訓橋底曬太陽咁嘆, 唔好嘈醒佢




過左橋底有一神社, 唔記得個名, 黑沉沉咁, 單車唔俾入, 冇行入去睇




到達關門隧道前, 有團友投降, 亦都係冇去下關市關鍵所在




隧道連接下關同門司, 約1公里長, 上層行車, 下層為通氣井, 見有位多出來, 改為行人隊道, 不許可踩單車, 要推車過去

kingkong_hk

隧道中間係山口同福岡分界, 一邊本洲, 另一邊九洲




於下關端合照後回程




分界線




團友比較守法, 一路推車




回程了




交車後閒逛


高樓為住宅大廈, 頂層係展望室, 安排上有啲怪









門司港蕉人



呢個佈景好搞鬼, 4個人玩好正



餘下時間去小倉城埋一埋洲, 拍下到此一遊照片, 穿過商場就到





消暑時間




小倉城外(已收工, 明天請早)







小倉城外則, 有1個神社, 但冇行入去望, 於外圍行2圈鬆人







行返出來就係大商場, 做乜起得咁近?






小倉駅拉麵橫町(5間店), 入面有間叫(志X), 幾好味, 不過睇落間間都冇乜客人




食完座車返博多, 睇下啲人有幾咁眼瞓




去日本梗係要試下唔同清酒




瞓覺時間....

kingkong_hk

到此一遊系列 - 九洲 (3)


交通:博多 => 長崎



今日都係8點集合, 為咗座早一班車, 冇食早餐, 去到車站買便丼

        

都係一樣, 呢啲野性價比唔係好得, 為咗慳時間, 冇法

        
        




九洲城際鐵路, 列車叫SONIC, 比起一般車穩定同埋舒服, 外表同深圳來回廣州和諧號差唔多, 唔知邊個抄邊個

        

        

        

        


SONIC冇改錯名, 留意車頭血跡, 隻雀飛得唔夠快加上唔好彩...... 唯有追封佢為神獸卡系列-珍系撞死鳥

        

舊船模型放車站, 有啲九唔搭八感覺

        

一出站立即去抆紙仔計畫行程, 行咗3個字都冇乜資料, 索性行出去電車站撞下, 點知見到塊牌, 話行返去車站可以買DAY PASS, 原來個DAY PASS上面啲野,

就係我要嘅野, 好彩

        

        

        


        


拖行李嘅朋友唔駛擔心, 駅前有大量LOCKER


        

        

今日特別熱, 市電特別爆, 唔知點解









第1站係市電博物館, 展館不大, 但展品幾豐富, 好多資料, 有興趣耆可以玩半小時或以上













第2站係原爆記念館, 資料齊全, 但差咗啲好緊要嘅嘢冇展出

記念館前呢條街叫SAINT PAUL街(正POOR GUY), 個名改得唔錯

我哋冇行正門, 由上路入侵



呢舊嘢係全場主角之一





其他配角登場, 唔係面容扭曲就係燶口燶面(災民照片同名單我冇拍攝, 只拍死物)









時間停留於爆炸一刻







世界各國核武數量及禍害











參觀遇難者悼念館(呢個館應該最後先睇, 但我一開波就睇咗先, 所以後記稍為調整返個順序)

中間係書架, 9米高, 放咗好多記載死難者(好似19幾萬人)名單目錄



遠睇有少少MATRIX感覺





展館睇晒, 有少少資料唔齊(廣島原爆點都係), 日本一味話英美拍板曼克頓計劃, 用原子彈掉佢, 但佢冇講過任何侵中, 偷襲珍珠港事跡, 好鬼死茅, 唔知

嘅人以為日本無啦啦俾人掉好唔抵, 其實人地掉佢係有理由, 唔係隨便就掉.

參觀原爆中心點, 團友話, 可能當時有人跑埋來, 係咁易插支野落地話係中心, 就當係真, 不過我都唔知點測量邊度係中心





爆炸點則教堂遺跡



和平公園









呢度本身好似係監獄, 炸完得返地腳





順道參觀天主堂, 內部不可拍攝



之後座市電去眼鏡橋, 市電有好多款車型









請注意電車痴漢




眼鏡橋下好多小朋友玩水捉魚, 團友都忍唔住一齊落去玩













新地中華街, 個人覺得把鬼, 唔駛去





五柳魚賣5XXX YEN.... 無言

kingkong_hk

補給時間, 求其亂闖一間日式食店, 好抵食

先來3L生啤



團友話牛剌身好食



魚刺身都好食



燒最魚, 烏冬, 八爪魚丸, 燒雞翼, 好好食









飲杯~~~



4人食到飽, 埋單只係7000 YEN, 香港任食火窩都係咁上下價錢, 抵玩



食店外觀



時間尚早, 參觀舊滙豐銀行, 大浦天主堂(去到2間都已關門)









再行上去唔知咩野公園, 要收錢, 冇入



仲有半小時就搭車, 行埋去魚市, 原來搵笨, 純商業性質, 商場來嘅, 即撇



趕得到7點半車鬆人, 有少少時間拍下長崎駅前黃昏一面







一睇就知係SONIC(和諧號)啦



車廂留影









團友無啦啦尾部發癢, 話要去久留米落一落車, 好... 立刻轉新幹線



拍下久留米駅一角就閃, 是否太無聊及賤格?





返到博多第一時間醫肚, 走入居酒屋







比較吸引就係呢張拯救東北嘅DRINK LIST, 立即支持



先叫一杯福島出品(大七)



團友又叫到成台都係







一杯唔夠, 再叫多杯宮城出產一之藏, 2款水質都好滑, 唔錯



5000 YEN有找



食店外觀





回酒店途中有檔屋台, 問准負責人後, 拍下照片留念





今日行程完結.... 待續

kingkong_hk

到此一遊系列 - 九洲 (4)


交通:博多 => 阿蘇山 => 鹿兒島



要同博多拜拜, 之後唔會再返來, 拖埋行李出發, 今日行程安排有啲唔合理, 但又有必要, 事關阿蘇經常發脾氣, 一著燈就冇得登頂, 所以決定住鹿兒島, 萬一阿蘇著燈, 都仲可以去櫻島頂住擋


晨早搵朝食, 都係日式

        
        




食店請人, 試用期都有780 YEN/小時, 唔知算唔算高?

        

博多駅前



先用新幹線去熊本

        

        

        

沿途睇風景打發時間

        

到達熊本, 先去搵大LOCKER

        

好彩搵到, 只得返一個大型LOCKER可用, 立即塞嘢入去

        

        

去COUNTER問ASO BOY已經FULL晒, 要座普通車慢慢淆, 繼續望街, 環境唔錯

先去肥後大津, 轉車宮地

        

        

        

        

住宮地列車轉行柴油, 路段改為單軌, 不設架空電纜, 唔知為咗保護環境, 定唔合成本效益, 唔去搞

因為冇電纜, 極適合欣賞, 拍攝風景, 唔駛驚影相中柱

        

要玩南阿蘇鐵路, 請於立野轉車

        

等咗15分鐘列車唔知點解會掉轉行, 以為到咗尾站返轉頭, 有啲驚, 走去問車長點解, 原來列車會2次掉頭, 換軌, 再向呀蘇進發

咁就可以放心拍攝風景

        



        



        



列車變身做ONE MAN車, 出動唱錢機, 開埋料金計算屏幕



到達阿蘇駅







行過隔離買登山巴士票, 540 YEN

kingkong_hk

準時開車, 已經中午12點



沿途風景超爽, 由於車窗係藍色玻璃, 嚴重偏色, 所以圖片色水略有改動, 不過都有啲怪



















草千里有馬騎, 可惜時間唔夠, 冇玩到



到達索道站, 表面好似冇乜人, 實際上都幾爆滿, 見到告示牌冇著燈, 放心晒













因排隊排得前, 爭取到窗口位, 那邊廂團友竟然要座位.... 立即叫返佢過來, 幾分鐘座乜鬼, 梗係睇嘢啦

吊車隨即出發

















阿蘇山號稱世界第一, 最大規模, 近距離接觸嘅活火山, 西索道上山(東索道停駛左好多年), 近觀5個火口, 分ABCD區, 邊區著燈就唔俾進入







留意咗佢幾個月, 之前直到7月中, 阿蘇都經常著燈, 風向唔啱著燈, 噴得太多二氧化硫著燈, 大霧著燈, 想爆又著燈, 好難觸摸



今日唔著燈真係好好運, 再加上天氣好到震, 開心死, 先參觀主要火口













一舊舊圓形建築物係火山噴發避難位, 可頂住由天跌落來嘅石







山上一帶環境



















另一個火口, 冇主火口咁活躍



參觀完火口, 與團友分道揚鑣, 佢哋搭吊車, 我哋行路落

kingkong_hk

途經砂千里, 拍攝一輪











繼續落山













車路要俾錢



行咗20分鐘左右, 到達下面索道站, 開始補給



活火山拉麵



火山灰拉麵



唔係太旺場



索道站則有一神社, 冇深入研究



等到巴士回程, 又再欣賞沿途景色, 今次係下午景, 靚過中午好多



























到站, 有班外國人唔知行去邊..





回程都係座普通車





















又返到立野, 列車又係掉頭2次









熊本轉新幹線去鹿兒島













繼續沿途風景

















到站後, 買生果, 食麵, 買飲品, 瞓覺, 因為成功登阿蘇, 鹿兒島可以講係冇行程

駅內酒吧, 專賣燒酎



買咗橙(其實係柑, 搵笨, 唔好食)同埋巨峰





見到鹿兒島盛產燒酎, 買支試下, 原來唔識欣賞, 難飲



今日行程完結

kingkong_hk

到此一遊系列 - 九洲 (5)






交通:鹿兒島 => 由布院 => 別府

今日主要目的玩溫泉, 因4點後先CHECK IN, 所以去由布院一遊, 當做中場休息

酒店包咗簡單朝食, 唔駛四圍搵, 行去車站唔駛1分鐘, 極方便







團友選擇瞓覺, 我堅持睇風景













久留米落車轉由布院の森1號列車















日本周圍都有稻田, 唔驚餓死



到詳由布院, 乘客紛紛行去車頭, 輪候拍攝車頭相, 團友都唔例外, 照排隊













行出去, 第1時間搵LOCKER





團友與幼稚園學生合照, 全部都好集中精神四圍望, 硬係唔想望鏡頭



是但走入一個補給點, 是但叫啲食嘢套餐, 味道只係一般











補給後再分頭行事, 部份團友去行街, 我就真係去行街, 兜返個細圈, 行咗2,3公里

唔願行可以座呢類觀光車, 另汽車同馬車可選擇





行到河邊, 企圖一睹由布岳風采, 可惜多雲嬲住晒





行行下見到超市, 入去兜一轉



日本人送禮真係有啲品味, 如果送呢啲俾世伯伯母, 死硬



食品好抵買





紅酒貴過百佳好多



臨走買咗支由布院CIDER, 車~~ 即係7UP, 以為有咩咁巴閉(事關呢支野喺由布院の森號列車餐卡大受歡迎, 賣到冇晒, 我想買都冇)



有多餘時間, 玩足湯, 個足湯好鬼鼠, 收埋月台入面最尾, 要收160 YEN先玩得









今次仲唔賺晒.... 1人票價, 玩5隻足湯(此乃非常賤格行為, 各位切勿模仿)



月台留影







開車向大分進發







轉車別府





別府駅前手湯





入往海邊溫泉酒店(唔知山上面好啲定近海好啲)

男士の浪漫





別府塔





於房間開餐, 飲杯~~~





餐後甜品..... 我食咗2個, 夜晚唔知點解肚痾, 團友冇事



出街行個圈, 附近有燒鳥檔, 食得太飽, 諗都冇諗過幫襯



今晚特別早瞓.. 晚安



今日行程完結

kingkong_hk

到此一遊系列 - 九洲 (6)



交通:別府 => 大分

行程主打別府地獄及和諧樂園, 但2者只能揀其1, 所以分頭行事, 團友自行參與, 我就揀左地獄行

零晨4點50分大堂集合, 人都冇個



咁早去地獄? 唔係, 只係去睇日出, 以下係別府日出, 前面係大分對出海面













別府有個小沙灘, 不過好屎, 最起碼吸引唔到我




睇完日出浸早湯




再食早餐, 我竟然可以食左大半兜納豆, 超難頂..






送團友去咗和諧樂園後, 團友忽然發現龜川駅月台有個牌, 寫住血池地獄1KM, 之後大家都信咗, 幾大就幾大, WALK過去


出站後, 又見到個牌, 原來唔止1KM, 中伏, 身為行山人士嘅團隊, 冇因為多左1,2KM而火滾, 反而享受過程, 繼續行上山




交滙點都影一餐










行咗15分鐘都冇, 真係見到龍卷地獄, 地獄負責人話12點3會噴發, 仲有20分鐘, 叫我哋去血池玩左先, 再返轉頭, 我哋又信咗...












血池足湯, 無料(其實入場套票已經俾咗料)




好.. 夠鐘返去龍卷地獄, 成堆人等緊...






噴喎, 真係12點3喎... 汗"








一如所料, 群眾只係為咗睇出嘅一刻, 一出咗就立即埋去影相, 再鳥獸散, 地獄啲水都未出晒, 人已經走得7788


之後得出結論, 邊有咁準, 預先知係12點3噴丫, 一定係有人開掣(估計)

kingkong_hk

KO呢2個地獄之後, 就真係要登山, 雖然係行馬路, 同埋只係上260米咁少, 不過都係享受過程, 前進~~


負責人講過, 可以座巴士去其他地獄, 不過團隊都堅持步行, 因為巴士要等25分鐘先有車














終於見到有人對頭行返落山










已經行咗成K幾2KM, 過咗2個巴士站, 都未見巴士






話口未完, 巴士就經過咗




經過十字路口, 俾1個路牌吸引咗, 400米外有溫泉展望台, 再信多佢1次, 行...


點知行到去, 竟然有另1個牌要行多300米, 焗信, 行...




住呢啲地方座巴士真係奶晒嘢








終於到達展望台, 成個停車場, 原來係為渣車來睇, 唔係步行...










就係為咗呢塊牌行多1.5KM




繼續行.. 沿途好多民宿都頂唔住執咗笠




地獄附近有好多洗衣店, 可考慮幫襯






終於到達










試下鬼山地獄蛋, 冇特別






繼續地獄行..












原來地獄唔止睇, 仲有得玩, 有得飲












團友親身示範正確玩法




又足湯








山地獄門口有啲臭, 原來係動物園














海地獄永遠都有抽蛋喺度烚緊








留意右手邊, 有擦鞋感覺




又足湯, 留意英文, 好正




唔記得呢個叫乜鬼主地獄, 好似地盤起緊樓咁








最後白池地獄




地獄後感: 所有都係千篇一律, 如果唔係買套票, 睇3,4個已經嫌多, 可以走人, 不過今次得著並非地獄, 而係步行過程, 男人の浪漫就係咁


以下圖片, 獻給巴士愛好者(由地獄去別府駅前時刻表)






我都係座巴士走




沿線見到回收場, 啲嘢好新喎, 咁快掉?




以下圖片, 獻給巴士愛好者(由別府駅前去地獄時刻表)








今晚有七夕(乞巧節)慶祝活動, 人多咗, 一地道具






朝早行到4,5點, 食拉麵餐充電

kingkong_hk

食完麵去大分參觀七夕活動, 志在感受, 今日開幕比較小型, 星期6更大, 星期日有火花大會, 可惜參與唔到


七夕慶典以牛郎織女故事為背景, 農曆7月時份望上天, 亦都可以見到牛郎星織女星分別位於銀河2邊, 傳說唔多講, 網站有太多資料





七夕慶典係全國慶祝, 商場通常會掛上七夕裝飾物(其實揼心口, 要讚助商科水), 見到成場都係, 相信都好少會有人托手爭


以下圖片比較重複, 會有啲悶


























無意中拍下反核電份子









店舖都借啲易, 搞埋啲唔啦更賺錢活動, 例如髮形屋走出門口賣啤酒





















中央通封閉, 用來巡遊, 最衰落雨, 團友濕晒


















感受完, 返酒店, 團友唔知點解捉咗個最後冇事合照




別府駅前





開餐時間都係例牌飲杯~






馬刺, 唔識欣賞, 感覺冇乜特別












都係佢地好味啲




7000 YEN唔駛埋單




食店外觀




成個別府得條大街撐得下, 橫街睇落冇乜人氣, 酒吧會好啲啲








沖涼都冇人... 真係幾靜, 可能星期5掛




瞓前又係試飲時間, 呢支嘢個名, 讀來讀去都係有啲嘢, 但又唔知咩嘢咁...





今日行程完結

完全自由

嘩!  呢個post......用來出旅遊指南都得呀!

kingkong_hk

到此一遊系列 - 九洲 (7)

        

交通:別府 => 品川

歡樂時光過得快, 要同團友講拜拜, 因為羽田走, 又要座車去東京, 車程又係7小時

9點出發, 別府早上冇乜人







駅前手湯每日有專人清潔









山陽線列車行得快過九洲線好多, 差唔多300



於新大阪轉車東京, 又係搭早一班車, 座咗自由席



冇食晏, 酒店早餐紫菜發揮功效



團友瞓咗覺, 我繼續睇風景

















呢本嘢幫咗好大忙, 今晚光榮退休



入住品川京急EX, 9000 YEN一晚, 環境相當滿意





要慳電, 冇乜冷氣, 超熱, 市面都仲係好熱鬧







去上野, 秋葉原望下, 好耐冇來過









食平價海鮮丼





再行下街









秋葉原除咗yodobashi比較涼爽同多嘢睇之外其他都一般, 價錢極之唔吸引, 混完吉, 手多多完就撇













呢台機唔覺香港有, GUNDAM對戰卡片GAME, 男士們都圍住來玩





入夜後去新宿, 行行下記起, 都廳展望室唔駛錢, 去望下都好, 點知去到排長龍





見咁多人排, 有啲想走, 不過排咗3個字排到中間, 走又好唔抵





終於都上咗樓, 第1次上都廳, 第1次睇熄燈東京, 冇醒起帶黑衫擋玻璃反光, 照片有鬼影











上樓要玩人龍, 落樓都一樣, 又要排3,4個字



都廳前留影





新宿駅東口, 大部分熄燈





歌舞妓町一帶都比住年暗















小肥羊唔知好唔好食呢? 又冇奶油去日本食小肥羊啫



行完街返去瞓, 東京啲小姐都有著新衫應節



品川駅前留影











月台啲水喉用來做乜呢? 好似好耐未有人用過咁款



月台吸煙區好OPEN



有日本人喜歡ASAHI做早餐



到達小倉, 同團友分開





本來出咗指定席車飛, 見到早一班車先由席冇乜人, 決定座早一班, 早半小時到



7小時車程, 都係睇風景多, 冇其他嘢搞

kingkong_hk

唔知香港SONY有冇得賣打邊爐嘢?



8點座京急線去羽田, 車站非常熱鬧







機場都有七夕吊飾





羽田國際線大樓搞得好好, 好似香港咁, 唔需要過X光先CHECK IN, 快好多方便好多









食嘢地方有WIFI, 方便遊客



上機了





全部行程完結

有人覺得而家YEN高(1000YEN=>HKD$100), 去日本玩好貴, 其實只係幻覺, 今次8日行程, 2個人又食又玩唔駛節制, 用咗90000 YEN現金唔夠, 非常抵玩, 大部份酒店大減價, 9000YEN左右就住到唔錯嘅房間, 唔駛瞓東橫, 唯獨交通費冇得慳, 真係貴咗

以下為過去8日行程駛費參考, 希望對大家計劃行程有幫助

酒店: ザ・ビー博多, 5000YEN
酒店: ザ・ビー博多, 5000YEN
酒店: ザ・ビー博多, 5300YEN
酒店: ホテルアービック鹿児島, 7500YEN
酒店: シーサイドホテル, 25600YEN
酒店: ホテル　エール, 9800YEN
酒店: 京急ＥＸイン品川駅前, 9000YEN
酒店: JRPASS: 28300YEN
酒店: 現金駛費: 90000YEN

總數: 185500 YEN(2人)

kingkong_hk

大分七夕祭, 好短短片

[youtubeHD=720,480]b6jL9khu62s[/youtubeHD]

kingkong_hk

追加阿蘇山360圖片, click圖放大

完全自由

kingkong_hk 發表於 2011-10-14 13:36
追加阿蘇山360圖片, click圖放大

好有趣wor, click入d圖會自己郁嘅!  係你自己整定你呢個網嘅function?

kingkong_hk

自己整(參考人地)， html 加入dd script 就得

完全自由

kingkong_hk 發表於 2011-10-14 14:40
自己整(參考人地)， html 加入dd script 就得

你講得咁容易......但我一d都唔識.......