分享小弟既對另類恆指分析方法

good321

各位ching 你地好 今日想分享小弟對恆指分析既經驗 呢個係一個六角圖 我都沿用左好耐呢個圖 呢個圖對特定既時間裡面 我就用估計恆指行到咩方位 上升 阻力 支持 力度 都給予很好既方向感 恆指行到咩位置 大約去到咩週期 大約跌到咩位置 我咁耐以黎無咩點虧損 都係多得佢 跌到咩位置 會破咩位置有反彈 但要學懂輸入測試因子 懂得運行呢個圖既特性 仲配合一d能量指標 就可以一目了然 呢兩日跌市升市 呢幅圖有左一個好好既參考 例如9月27日 如圖中所見 9月26號17407點以因子計出黎就係174 即係圖中紅圈所示 當日臨收市既時侯 睇個指標 仍處於超賣區 同埋 低水平 還有從下向上既現象 加上歐股開市亦係上升 應該會升穿17700點 個阻力位 從而個日臨收市我就買入左恆指既購輪 就可以今日高開既市無耐就放出左 而睇呢個圖睇 如果破左18100點 且企穩既話 支持就應該係18100點 去到恆指結算既時侯 若果衝得破18500點的話 估計應該係19300 至19400左右係一個阻力 係19000點至20000點結算

希望小弟既經驗 分享可以幫到各位師兄可以係股市有大大既斬獲 但呢個分析出黎既阻力 支持點 有無力去衝破 仍然要靠其他分析指標同埋要配合其他股市新聞去做一個要綜合分析 先可以作出判斷 重要既係多學多睇多思考 如果我既分析有問題 可以大家一齊交流交流


祝大家係大市賺大錢  

cactuar

多謝分享....雖然我無咩研究...

good321

cactuar 發表於 2011-9-27 20:43
多謝分享....雖然我無咩研究...

哈哈 多d睇下 幾好 呢種分析方法 係比較少散戶會去學

劍劍2号

講明先............睇圖我唔識架,

吹水~就天花龍鳳, 日線圖,月線圖其實可以造的, 但係每日成交$ 就好難造

wongwah

可以風水師個羅庚咁，睇唔明喎？

cactuar

good321 發表於 2011-9-27 20:45
哈哈 多d睇下 幾好 呢種分析方法 係比較少散戶會去學

多謝指教...我有空研究下

庹宗康

我對呢樣冇研究 謝謝你分享

good321

wongwah 發表於 2011-9-27 20:47
可以風水師個羅庚咁，睇唔明喎？

呢個圖要輸入因子去定位 就可以劃出阻力線 支持線係邊 跟住就每個數就會有個代碼而去分析

good321

劍劍2号 發表於 2011-9-27 20:46
講明先............睇圖我唔識架,

吹水~就天花龍鳳, 日線圖,月線圖其實可以造的, 但係每日成交$ 就好難造{ ...

哈哈 大家交流下 無咩所謂 不過日線圖真係可以造 呢樣野係真

劍劍2号

good321 發表於 2011-9-27 20:50
哈哈 大家交流下 無咩所謂 不過日線圖真係可以造 呢樣野係真

所以, 要睇好多野,

靜係用把~間尺劃劃下就可以劃出彩紅, ...........就?

得罪

good321

劍劍2号 發表於 2011-9-27 20:57
所以, 要睇好多野,

靜係用把~間尺劃劃下就可以劃出彩紅, ...........就?

係呀 所以只係睇呢個圖都唔可以 但可以做參考 要睇埋其他因素 仲有波浪理論. 環境因素等

7叔

回覆 good321 的帖子

唔識睇喎
可唔可以深入淺出咁講解下

劍劍2号

good321 發表於 2011-9-27 21:01
係呀 所以只係睇呢個圖都唔可以 但可以做參考 要睇埋其他因素 仲有波浪理論. 環境因素等  ...

..........................每個人都有一套精於自己的理論,不作評語

自己覺得有利自己就可以, 我自己睇股以3個月為一段,

good321

7叔 發表於 2011-9-27 21:03
回覆 good321 的帖子

唔識睇喎

可以 呢個圖就要將個恆生指數既收市價乘以輸入左一個因子 就會係個羅庚出現左個數字 就係174 即係圖上面紅圈所示 而畫個角度就係個圖估計既阻力同埋支持點 而去估計阻力點同埋支持點會唔會被衝破或跌穿 就要靠其他分析指標 從而去估計個大約下個點係邊點 只係能係大約 唔一定係準確  

good321

劍劍2号 發表於 2011-9-27 21:08
..........................每個人都有一套精於自己的理論,不作評語

自己覺得有利自己就可以, 我自己睇 ...

我都係睇股以3個月為一段 我同意你講法 幾多方法都唔重要 最緊要有一套自己用得精既方法

劍劍2号

7叔 發表於 2011-9-27 21:03
回覆 good321 的帖子

唔識睇喎

佢用的是"英国的六角平均代數圖"鬼佬野?

日日都要抄成交$.,上下波福, 好煩的

good321

劍劍2号 發表於 2011-9-27 21:18
佢用的是"英国的六角平均代數圖"鬼佬野?

日日都要抄成交$.,上下波福, 好煩的 ...

六角平均代數圖 但要去計佢會唔會穿過呢d阻力 水平線 係比較麻煩 影響因素都比較多

7叔

嘩…你兩個都好醒喎

二缺一

內容豐富，大開眼界。

3ii

嘩！一堆數字，好難明