香港 Apple Store 你不知道的事 - 商店篇

siukeung141

今個禮拜六在中環 IFC 的香港 Apple Store 分店終於開幕啦，今朝我串哥因為做零售的關係，被邀到 Apple Store 預先參觀，unwire 網站一早就登了好多相，所以我都不打算在裡面拍太多了，今次主要問了 Apple 負責人關於些香港 Apple Store 數據調查及背後的故事，現在跟各位分享一下 ...



為何選址 IFC ？
有好多人估點解首家Apple Store 會選擇中環 IFC，原來背後有段故。話說當Apple 總部高層來香港時，搭乘天星小輪遊覽。其中一名老外突然一問，果楝咁搶眼咁高的係乜來？"What the duck is that tall building?" (設計對白)。 其後得知原來 IFC 是中環甚至是港島區的地標，本身會有大量遊客人流。而且位置交通四通八達，又位處碼頭，本身又是港鐵上蓋，相當方便。

Tim Cook 不會來港主持開幕
訪問了現場的蘋果負責人，已証證 Tim Cook 不會來港主持開幕禮，職員說屆時開幕其實不會有特別的儀式，不過我們員工會並列於門前向首批進入的顧客鼓掌鼓勵。



百人店舖 1 對 1 服務
一入店舖，就受到 Apple Store 員工「英雄式」拍手歡迎，個一下真是十分開心，好有自豪感喎！入到去，成間舖頭有兩層，夾埋應該有大約 100 個員工左右，Apple 員工表示他們希望做到對顧客「一對一」服務，可以盡情解答他們的疑難，認真體貼！負責人話原來呢批員工只是其中一部分，夾夾埋埋成間店舖有成 300 名以上員工。





男女比例 7：3
另外，入得去舖頭，在睇機前一於睇睇老表既同事入面有沒有美女員工！……也難怪的，如果員工太靚仔靚女，大家的注意力就會由產品轉移到員工身上了，不難理解。

8 成本地員工
講起員工，不如就等我串哥講多少少吧，員工入面其實 8 成左右都是本地香港人員工，剩低 2 成就是非本地員工，有些操國語，有些是外國 ABC，認真咩客人都肯定 serve 到。但不論員工國籍，通通都去左美國總部做 Training，所以服務風格會同美國度一樣咁舒適。

開店冇優惠但有 Tee 送
之前有傳Apple Store 開張會有特別優惠，但香港員工已向我地講左，開頭冇特別優惠。不過，頭 3,000 位 客人就會送一件滿江紅版限量 Tee，但就唔使特登排隊搶平機了。


滿江紅限量 Tee, 做過實驗，放在街上 3 分鐘冇人執。


只見賺錢產品‧Mac Mini‧Mac Pro、Thuderbolt Display 失蹤！
好了，講完員工，都是講番產品實際一點。整間店舖只見 iPhone、iPad、MacBook Air、MacBook Pro，全部也是 Apple 現時最賺錢的產品，反而較冷門的產品，包括 Mac Mini、Mac Pro、Thunderbolt Display 就影都唔見！不過都難怪的，正常店舖都是將最賺錢及熱賣的產品放在最當眼的位置，但是冷門產品連放也不放，就連做了賣機咁多年的我，都覺得好奇怪呢！

iPhone 即買即上台
講開熱賣的產品，Apple 最熱賣的產品肯定是 iPhone，在 Apple Store 自然可以即時買走現貨 iPhone 4 啦，如果大家想上台，仲可以即刻搞埋手續添！不過台就無得你揀，只可以揀 CSL 1010，要揀其他台，唔該買部淨機之後再出番去中環自己 Join！

即時信用咭付費
每張桌上都有一台信用咭機，俗稱「碌咭機」，客人使用信用咭付費時更方便。付現金的話，可到二樓 Cashier。有趣的是上海 Apple Store 的「碌咭機」旁附有一台驗鈔機，用來防止收到假人民幣，香港則沒有這個。


上海 Apple Store 會設有驗鈔機



HP 地位超然
雖然店內有售各類 Apple 產品，但周邊類都是放置在周邊專區。唯一例外係是HP Printer 可以放在展示枱，相信係同要示範 AirPrint 有關
(Canon 也於早幾個星期前宣佈支援AirPrint ，將來會出現於 Apple Store 嗎?)。



維修專區
店面內有維修專區，如果購買產品有問題的話，可以帶回來進行維修。店員話一般來講，24 小時可以拎返。

昂貴 iPad 做價錢牌
每件產品側都有一部 iPad，用來顯示價錢之餘，又可以讓用戶比較不同產品。而且有呼叫功能，可以即Call 店員到來服務。每位員工會有一部 iPod Touch，可以顯示要協助的顧客。而客戶的 iPad 會顯示即將協助自己的店員名。



玻璃樓梯會走光嗎？
通常每有反光，玻璃建築時，香港傳媒都會炒作邊度邊度成為新走光黑點。而  Apple Store IFC 店中央的玻璃樓梯會否成為重災區？其實樓梯採用磨砂玻璃設計，向上望只會見到「黑影」。當然有心要看都可以在梯級間的空位看得到，但如此明目張膽的話我不相信冇人阻止。


這個位置如此空曠，你夠膽駐足看春光嗎？



參觀一樓 ...

雖然係返工時間，但都唔少老外走來湊熱閙


門口是打開了，但閒人止步。好似右邊位外籍女士想入去，都被店員禮地截住。「Sorry Madam , VIP (串哥）only!」(設計對白)


其中一邊全放 iPad ，可見受歡迎程度。


大件的有 iMac，但就冇 Cinema Display、Mac Mini 等。

走上二樓 ...



Yo! Genius Bar


我一定會指名呢位翻版應采兒 Genius 指導我解決難題，我乜都唔識架!


這邊有一專區，用來幫客人自訂設定，例如裝軟件。以及平時 Workshop 之用。

呀吓

正想買部MBP! 等佢開張請教一下翻版應采兒先！

leelululee

多謝分享

siukeung141

我又要佢 1 對 1 幫我 ~

bell852

siukeung141 發表於 2011-9-23 01:37
我又要佢 1 對 1 幫我 ~

佢應該會係最忙果個

siukeung141

中環 IFC 蘋果商店外最新消息: 開始有人排隊



蘋果商店內的佈置，覺得硬件方面不算太特別。可是，對某些人來說，蘋果商店難得來港，當然要趁中排隊拿紀念品。商店於星期六才開幕，但發現在今日星期四的晚上，已經有人排隊。如此瘋狂的現象，相信明天可能會更嚴重。

呀吓

siukeung141 發表於 2011-9-23 01:59
中環 IFC 蘋果商店外最新消息: 開始有人排隊

Oh.... 真係.....每人都有唔同嘅價值觀....

bell852

siukeung141 發表於 2011-9-23 01:59
中環 IFC 蘋果商店外最新消息: 開始有人排隊

咁快就開始排... 星期五晚應該爆都似

bell852

lha 發表於 2011-9-23 09:13
Oh.... 真係.....每人都有唔同嘅價值觀....

唔知佢地係為左錢定為左apple.... 應該係為錢既多

呀吓

bell852 發表於 2011-9-23 12:09
唔知佢地係為左錢定為左apple.... 應該係為錢既多

仲有嘢炒？我呢D自用嘅唯有等道火過左先去買.....又唔係急。

3ii

lha 發表於 2011-9-23 01:20
正想買部MBP! 等佢開張請教一下翻版應采兒先！

想買幾多寸？

3ii

bell852 發表於 2011-9-23 12:09
唔知佢地係為左錢定為左apple.... 應該係為錢既多

件衫邊有得炒
不過我好想擁有

呀吓

3ii 發表於 2011-9-23 12:56
想買幾多寸？

Mainly 比老婆用，上下網，執下相，係有陣時比我用下少少photoshop.... 有咩建議？13＂定15＂？駛唔駛再upgrade options?

呀吓

3ii 發表於 2011-9-23 12:57
件衫邊有得炒
不過我好想擁有

自己印件好過啦！哈哈！

3ii

lha 發表於 2011-9-23 13:13
Mainly 比老婆用，上下網，執下相，係有陣時比我用下少少photoshop.... 有咩建議？13＂定15＂？駛唔駛再u ...

13" 就買macbook air
15" 只有macbook pro

13" air 比想像中快，3,4秒開機
吾駛upgrade任何野
更加吾好買ram
更加吾好買apple care
apple care 可以用到第360天時買

3ii

proletarian 發表於 2011-9-23 13:20
蘋果D電腦唔買 apple care

apple care佔部機既cost 1/5
用左一年，隨時佔部機既cost  1/3 - 1/4
不如買過一部，又有保養

還有一樣係，apple既維修服務有幾好，係人都知

3ii

proletarian 發表於 2011-9-23 13:20
典解唔即時買埋 apple care

如果呢一年內，你部機吾見左 or 比人偷左
apple care 米晒左羅

apple care 可以係買機一年內，隨時買都得！即係你用左364日，第365日買也一樣！干嗎要先比定$ apple賺，早買遲買一樣價

3ii

proletarian 發表於 2011-9-23 13:26
你估個個巧似你咁 ... ,
Furthermore, 無 apple care tech. support 得 90 days

用左10年mac
未打過上去

3ii

proletarian 發表於 2011-9-23 13:28
咁你唔見/比人偷過幾多部???...

lucky, 一部都無！！

3ii

proletarian 發表於 2011-9-23 13:34
佢地識講廣東話架喎,
Despite call centre 係上海,
溝通應該矛問題哦 ....

我只打過去買iphone
技術問題，上網問其他ching