小朋友要做烈士

smuck141 · 發表於 2011-8-31 00:22:42

後生仔即係後生仔，見有機會走出嚟做烈士，又加上有其他想政治抽水嘅人見又有機會挫政府一吓而煽風點火，咁梗係義不容遲就出嚟喊哂咁口話自己俾人禁錮。「佢屈我哋講粗口」，生果報清清楚楚寫低，呢位弟弟點話警察老屈佢。

啱啱聽新聞講，而家小朋友改口話當日佢地當中有人講過粗口，但係只係「對當時情況嘅宣洩」，而唔係辱罵警員。嗱，小朋友真係要實話實說，唔好煲到咁大跟住又改呢樣改嗰樣，如果唔係冇人會信你講野，唔好好似一哥講話差人唔知個黑影係記者同埋差人隻手叉咗喺個攝影機一樣咁低B同可笑。。

警員冇明示或暗示學生可離開，咁又算唔算係「禁錮」呢？差人唔俾你喺某個出口出去示威，你係都要喺嗰個出口出去，而唔肯行番上樓梯喺另外一個出口離開，咁又算唔算係俾人「禁錮」呢？你呢個法律學院院長，只係聽咗啲小朋友嘅講法，就話表面上係構成禁錮，從而直接或者間接令啲小朋友覺得自己真係又理由投訴話自己俾警察禁錮，咁又係咪適當呢？

唔係爭啲差佬，我都覺得佢地呢次真係過份大陣象，但係你又唔可以怪得哂佢地。新聞話同2003年溫總到訪嗰陣比較，呢次警察安排明顯係嚴緊好多，但係又有冇人諗過，比起2003年，而家啲人示威嘅方式同暴力程度同當年喺咪一樣呢？啲差佬都係打份工啫，又唔係殺人放火，目的都只係為咗保護國家政要，點解要將佢地做嘅野都要妖魔化哂呢？

jj99 · 發表於 2011-8-31 09:24:59

「小朋友真係要實話實說，唔好煲到咁大跟住又改呢樣改嗰樣，如果唔係冇人會信你講野，」
呢D 係政棍既本色！小朋友有潛質做政棍！
成單野係政治抽水！也反映香港人質素低！只把小事發大來講，大事就無人提！

大6 比香港既大禮點樣可以加快落實同令港人得益，呢D 影響全港民生既就無人討論！

唔好話係中國領導人訪問，國安驚香港有疆獨、藏獨、發亂輪公 ..... 等等發圍，所以要大陣象，如果換左係非律賓個笨7總統訪港，D 差人一樣大陣象，因為好多香港人都好撚憎佢！

午餐獄 · 發表於 2011-8-31 09:43:43

其實當時條屎片有揸住手機,點解唔公開影片

梁非凡 · 發表於 2011-8-31 16:19:09

大家都不段改劇本, 最後結果又係當毛事發生過, 再準備下一場舞台劇

99owl · 發表於 2011-8-31 17:33:22

港大竟然出個馬尿男
怕就咪做做就咪怕

處理唔到就喊住搵啊媽嗲
呢d 80后香港多幾個都死

smuck141 · 發表於 2011-8-31 17:36:10

如我所料，生果報今日隻字不提小朋友改口風，只係集中繼續砌一哥嘅「黑影論」，「謊話逐一擊破」；明報就有講小朋友個FRIEND向佢承認有爆粗。你生果報咁樣揀嚟報，點有資格投訴政府用官媒係唔恰當？簡直係五十步笑百步。

太空翔 · 發表於 2011-9-1 07:48:05

人不輕狂枉少年!
不經其事不懂事!

香港人對香港大學生要求為何?
不聽,不看,不說?

800men · 發表於 2011-9-1 11:01:16

生果報嘛, 曾有ching話生果報有血性, 尼D咪就係所謂有血性嘅報紙質素囉！真係有血有淚呀！仲好識得揀野報導添！

谷村富郎 · 發表於 2011-9-1 15:47:18

阿翔哥開頭两句很有哲理,不過我們香港人很少這樣說的。
我們一般會講;

人不風流枉少年！
不經房事不懂事！

各位兄弟,大家說對不對？

seaking112006 · 發表於 2011-9-1 17:36:12

啊徐生真係無辜辜要咩隻鑊，佢食死貓而欲哭無淚既樣真陰功。

D小朋友要威，要出位，但佢地無諗清後果。佢地要做烈士，無人會阻止，但唔好要全香港人同佢地陪葬。

從最近國家既地方規劃政策，顯示出中央對香港已失去耐性，將發展重點轉移至橫琴，明益澳門，相反，沒有重要配套幫助香港發展。香港與中國的經濟發展越來越脫節及邊緣化，獨弧一味靠金融，早晚被上海取代。

二十年後，D八十後、九十後真係乞都無得食。

而其他人就要陪乞。

谷村富郎 · 發表於 2011-9-1 18:50:45

seaking112006 發表於 2011-9-1 17:36
啊徐生真係無辜辜要咩隻鑊，佢食死貓而欲哭無淚既樣真陰功。
D小朋友要威，要出位，但佢地無諗清後果。佢 ...

以前文革時期大陸社會凡事政治化,日日搞鬥爭,鬥個你死我活,而香港當時則凡事經濟化,搏命抓銀個個向上想發達。
現在相反,香港社會凡事政治化,全體不思經濟只顧政治鬧事鬥爭,恰恰大陸今天個個搏老命抓銀天天向上,日日想發達。
這些不知是否斑反對派所謂的"吊詭"？還是"鬼吊"？

bigfatdog · 發表於 2011-9-1 19:09:58

本帖最後由 bigfatdog 於 2011-9-1 19:10 編輯

中國的經濟發展越來越脫節及邊緣化，獨弧一味靠金融，早晚被上海取代。
二十年後，D八十後、九十後真係乞都無得食。
而其他人就要陪乞。
自食其果與人無尤

梁非凡 · 發表於 2011-9-1 21:30:17

後生仔未經社會磨練, 會以自我為中心, 等出黎做野後啦, 社會自然會教訓佢地啦

seaking112006 · 發表於 2011-9-1 23:15:47

回覆梁非凡的帖子

最弊連D主管同老闆都頂唔順佢地呢﹗佢地成日以為自己好醒，唔聽話，唔聽教，要人注意，要人遷就，重要時刻請假，問你死未。真係請新手中坑都做得好過佢地。
話時話，呢批八十後、九十後正正就係香港九十年代教育改革下產生既 '精品' 。

學習要以學生為中心，導致學生以自己為中心，個個都係小皇帝。政府可算係捉蟲

smuck141 · 發表於 2011-9-2 00:01:05

睇埋今日新聞，真係得一句：暴民。

最弊係啲靚仔夠膽做唔夠膽走出嚟，帶頭衝門嗰條友如果覺得自己係做得啱，帶乜野面具？遲早香港啲靚仔會同倫敦暴動嗰啲一樣，咪當聖誕節嚟早咗囉。

當啲小朋友俾啲好似長毛、癲狗嘅人煽動得多，變咗開始將暴力「理順化」，覺得理所當然嗰陣，你就真係可以睇到啲靚仔係幾咁幼稚：大佬，班議員食緊糧，同埋注定一世選議員嚟抗爭，生活無憂；另外有班冇錢但係真係豁咗出去街頭抗爭，淨係識抬住副棺材走嚟走去。你呢？廿歲出頭，係咪搞抗爭搞過世？你冇錢嗰陣，啲大佬係唔會照你架！咪咁傻俾人利用啦！

梁非凡 · 發表於 2011-9-2 00:14:10

seaking112006 發表於 2011-9-1 23:15
回覆梁非凡的帖子

最弊連D主管同老闆都頂唔順佢地呢﹗佢地成日以為自己好醒，唔聽話，唔聽教，要人注 ...

睇佢地講野都知啦, 同校長講野兇神惡煞咁, 只顧自己發洩, 個人修養已經係下等, 仲有, 邊個唔岩都好, 話晒都係校長, 連尊師重道呢d基本禮貌都唔識, 比d大公司老闆睇到, 肯請佢至奇, 唔好話我批死, 果位梁同學第時出黎搵工, 除左d細公司請佢, 大公司佢唔會有機會, 真係唔驚你攪攪震咩!! 所以話, 等社會教訓佢地啦