串流睇直播-身處室外都可以轉台追劇

wh2003 · 發表於 2011-7-28 09:21:49

好多時搭港鐵，都會見到有人用 iPhone或 iPad等手機或平板電腦來煲劇睇片，睇得雖然過癮，不過每天花在轉片過片嘅時間唔少得。最近試過這款 3BAYS Vulkano多媒體娛樂系統，就可以幫你慳番轉片時間，讓你拎住 iPhone或 iPad，都可隨時睇電視，最勁係仲可以隨時錄影！

Vulkano體形就好似一個黑色鍵盤，支援多種系統，與數碼電視機頂盒配搭使用，畫質最高能以 1080p輸出，並且有電視錄影及預校功能；儲存方面，可選擇 USB記憶手指、 e-SATA硬碟或 SD卡，不過暫時儲存時須使用專用格式，未能將影片分享欣賞，售價$1,980。

不過， Vulkano重點功能在於透過網絡分享，在接駁網絡後，用家就可從 iOS、 Android、 BlackBerry、 PC及 Mac上連接 Vulkano收看機頂盒上電視頻道，試看時大約只有 5秒左右延遲，完全可以接受。而使用不同平台時，只要安裝專屬 App以及軟件即可，軟件都係免費下載。最方便係只須輸入賬號及密碼，連 IP網址都不用輸入，簡單不過。