|
|
本帖最後由 albertchow 於 2011-7-16 20:58 編輯
【iMoney智富雜誌—保你大】
我一口氣講解了市場上保障最全面的醫療保險給芳姐和她的伙計阿蘇聽之後，本來以為可以打蛇隨棍上，乘機向他們推銷一下，誰知阿蘇突然想起一件事，令到我的如意算盤要暫且打住。
「咦，森哥，我突然間醒起，我有個friend話俾我知，醫療保險的保費係唔保證的，即係話，除每年按歲數調高保費之外，還會無端端加你幾個巴仙，咁咪好難預算？」阿蘇這一提，令到芳姐也驚覺起來。
「係呀，我都好似聽過，唔知係因為通脹還是咩理由，隔幾年又加一次，好似肉隨砧板上，任你話點就點咁喎，森哥，呢單野你點拆呀？」芳姐和阿蘇一唱一和，真係好有默契。
────────────────────
加保費多數會調高保障
「芳姐，不要話拆唔拆，我地都係講道理！你地都明白，醫療保險的保費，最主要是跟年齡調整。但另一方面，醫療費用每年加幅也高於通脹，我想問下你地，假設是傳統醫療保險，即係每個項目都有上限那種，今年你有張住院單要Claim，結果有部分已經要自付；到下年你又有張一模一樣的單要Claim，但由於醫療費用加了，張單貴了一成，即係話你要自付的錢又多了一成，你會高興嗎？」
「咁即係點呀，加價就有得賠呀？」阿蘇不明所以。
「你都可以咁講，大部分情況下，如果保險公司要加醫療保險的保費，佢地都會相應調高保障範圍或者索償金額。我記得，四、五年前我地大房的房錢同膳食上限係600幾蚊，依家已經調高到700多蚊，主要就是因應私家醫院的大房價錢變化囉！」
「你意思係，保險公司加醫療保費，會同一時間調高保障額同保障範圍，令我地可以Claim多些？」芳姐認真地問。
────────────────────
近年門診手術也可索償
「對呀，妳講起保障範圍，我醒起，近年好多手術都可以在私家診所做，所以近年保險公司都接受門診手術的索償；又或者，近年患癌症的人多了，而醫治癌症主要方法係化療同電療，呢方面的開支可以好大，以前的醫療保險，呢方面的費用好多都在雜項裏面Claim，但如果出院之後，在門診做手術是不能Claim的，但保險公司為提供更多保障給投保人，現時部分公司已開始將這種支出獨立成一個項目讓客人Claim，但就沒有調低原來雜項的索償上限，咁即是變相賠多了啦！所以話，保險公司因整體醫療費用上升而輕微調高保費，其實是正常情況，而且，好多時客人的得益仲大了添！」
「你咁講都有道理！」芳姐好像頗認同我的解釋。
「不過，芳姐如果妳買我剛才所講那種全保的醫療保險，在賠償方面就完全不用擔心啦！」我開始藉機「攝位」。
「森哥，無問題，我會認真研究，如果真係咁好，我一於幫襯你，甚至叫多些朋友幫你買，因為買醫療保險最重要係服務，因為有病那時已經好慘，如果有人雪中送炭，真係好溫暖！」芳姐有這種想法真是最好不過，也不枉我經常毫無保留地給她解說保險的原則。
────────────────────
羅國森
資深財經編輯，現任保險理財顧問，擁有認可財務策劃師資格，曾出版《讓你富起來》及《逆市淘金》等暢銷著作。
---------------------------------------------------------------------------------------------------------------------------------------------------------------
沒有錯,醫療保費的確會跟隨通脹。更進一步,本人敢說,有可能隨時超越通脹。為什麼這樣說？原因很簡單,因為不但遂年的醫療成本上升,而有增加保費的必要,而且還有其他成本的存在。例如：要計算有關保險公司的利潤,經記佣金,手續收費等等,都是一種成本,而有關收費,必要列入保費之內。當然,大家會明白,遂年的醫療開支會上升,保費增加,勢必難免。不過,除了此增加外,保險公司秩風險,同樣會增加。為什麼？因為人口會逐漸老化,索取賠償的人必會增加。到時,在賠償開支增加下,增加保險收費,是有必要的。
|
|
在線雷達
發表於 2011-7-16 20:47:59
廣播
置頂
推舊帖
收嗲鳥
油顏色
發表於 2011-7-16 23:58:51
