官斥搞事無悔意 示威者襲警罪成

AOSGC

示威一件事, 但經常都無厘頭咁衝撞差人, 老爺呢一句"明顯係搞事、全無悔意" 好!  

如果係做反對派做激進派咪認囉, 何以成日做完之後又話自己無做, 話人地抹黑? 咁即係又要威又唔想付出?


社民連成員等去年國慶日前往中聯辦示威，其中「女長毛」雷玉蓮及成員曾浚瑛，昨分別被控刑眦鐵馬及襲警罪成候判。裁判官怒斥二人「明顯係搞事、全無悔意」，又罵「長毛」梁國雄是始作俑者，不遵守示威安排並出爾反爾。

怒瞪兩被告 斥長毛始作俑者

被告雷玉蓮（48 歲）及曾浚瑛（22 歲）均無案底，案件押後至下月12日等候社會服務令報告再判刑，二人獲准保釋。曾浚瑛代表律師指被告現從事廣告業，月入七八千元，無預謀犯案，請求判處非監禁式刑罰。裁判官謝沈智慧反駁說：「我點解要判非監禁式刑罰」，指錄影片段清楚見到二人蓄意犯案，證據確鏧，直斥他們「砌詞狡辯、毫無悔意」。

裁判官怒瞪兩被告，指曾浚瑛犯下襲警案，非常嚴重，又指雷玉蓮「第一個搞事」，更稱「長毛」梁國雄是事件始作俑者，指他有份在事前與警方開會商議遊行安排，清楚知道不可帶棺材等大型物品至中聯辦門外，卻出爾反爾。案情指出，去年10月1日示威期間，雷玉蓮扯爛鐵馬上的一條鐵欄，曾浚瑛則用肩膊撞向警員胸口。

梁非凡

個官鬧得好
呢班政棍, 佢地做乜永遠都話自己岩, 衰左比人告就話白色恐怖, 其實最恐怖佢地

seaking112006

       近年D示威，有部分真係過左火位。果班人有權示威，不過，唔好影響到其他人。為搏出位，佢地衝出馬路示威，我地全日做餐死想趕返屋休息下既，就要被迫响巴士等，幾無奈!
       冤有頭，債有主，唔好難為香港警察同市民。佢地有本事就上北京天安門示威，佢地就真係有吉屎啦!

takkeung.m

應該將兩個被告判監啦,咪俾班憤青以為示威大晒,可以隨便阻塞交通,衝擊警察,擾亂香港法治

AOSGC

回應 梁非凡 的帖子

"佢地做乜永遠都話自己岩, 衰左比人告就話白色恐怖, 其實最恐怖佢地"

講得好! 永遠都以為自己岩晒! 同佢地唔同意見既就係"唔民主", "無政治道德"! 最可悲係有班細路被佢地影響佐...

另外, 你個頭像好頂癮!

AOSGC

回應 takkeung.m 的帖子

"咪俾班憤青以為示威大晒,可以隨便阻塞交通,衝擊警察"

同意!! 郁d就訓馬路, 有無諗過巴士, 電車, 小巴上面有人返緊工? 有無諗過差人要封路時留一條線其實係被緊孓車輛 (救護車) 用?

逗利是佛

呢位謝沈智慧法官眉清目秀,好靚女架,近日單韓國籍男童非禮案都係佢主審架,越來越欣賞佢添希望佢唔會因此受到狙擊啦。

op1b

襲警  何必呢..................     人地都係打份工

AOSGC

回應 op1b 的帖子

咪就係...一係就推撞, 一係就不停謾罵.....人地都有阿媽生架....

谷村富郎

歷史真系好諷刺,以前英治時代,左派D激進份子青年咪又係好似而家咁樣衝擊港英政府和差佬對打,做其反政府派擾亂治安秩序,而家輪到中國人自己當家作主治港,反共反港的人又做左反政府反對派衝擊差佬,歷史永遠重覆,地位互換而已。

bigfatdog

逗利是佛 發表於 2011-6-30 14:58
呢位謝沈智慧法官眉清目秀,好靚女架,近日單韓國籍男童非禮案都係佢主審架,越來越欣賞佢添希望佢唔會 ...

真係要好好保護呢個鐵面無私嘅「謝沈青天」

梁非凡

AOSGC 發表於 2011-6-30 14:21
回應 梁非凡 的帖子

"佢地做乜永遠都話自己岩, 衰左比人告就話白色恐怖, 其實最恐怖佢地"

獨裁民主係佢地專利, 再係咁, 真係怕影響到下一代: 非友即敵

嘻嘻, 個頭像係反映特區政府班高官

你有意見咩? 當你唱歌, 聽唔到, 聽唔到

梁非凡

其實都有好多人討厭政棍

king3kkklee

AOSGC 發表於 2011-6-30 11:25
示威一件事, 但經常都無厘頭咁衝撞差人, 老爺呢一句"明顯係搞事、全無悔意" 好!  

如果係做反對派做激進派 ...

c hing.  立論精景, 一針見血.  且 資料詳盡做  back up.   實令讀當讚服

impotence

AOSGC 發表於 2011-6-30 14:21
回應 梁非凡 的帖子

"佢地做乜永遠都話自己岩, 衰左比人告就話白色恐怖, 其實最恐怖佢地"

其實 , 佢地等同 '獨裁' !

AOSGC

回應 谷村富郎 的帖子

但分別之一, 是以前的差人, 真係拎警棍堅打....返到去差館, 繼續"下半場"! 而家邊敢...

白羊座o穆o

靚女法官 WELL-DONE!

谷村富郎

AOSGC 發表於 2011-6-30 23:22
回應 谷村富郎 的帖子

但分別之一, 是以前的差人, 真係拎警棍堅打....返到去差館, 繼續"下半場"! 而家邊敢 ...

AOSGC兄
而家真系比英治時代自由同善良得多,小弟有個己退休差人朋友說;以前搞事者被抓進去真系好大wock,當時做差佬都不敢回大陸旅行,如果去左返來,上司不高興會直接影响前途,嚴重的政治部會列入黑名單。而家班示威者威過同惡過警察好多。
照我觀察;經過近年來多次示威衝突,雙方做成的牙齒痕,加上剛剛發生的警長天橋事件的激化,警察與示威者的分化己越趨白熱化,內心己成水火,天氣又熱,大家心火燥,班激進派又刻意搞事,看来想和平示威,平安無事有點難度,希望天佑HONGKONG。

AOSGC

回應 谷村富郎 的帖子

師兄你講得非常非常好, 希望今日七一, 唔好又搞到警民衝突, 其實只要班細路同埋政棍遊行後, 集會一陣就走啦, 次次都係咁遲早有鑊大既, 得益既只係政棍 - 11月又選舉啦!