田北辰陳偉業隔空對罵論警長殉職互發炮

jj99 · 發表於 2011-6-20 11:35:24

商台節目《政經星期六》邀請立法會議員陳偉業和涂謹申、警察員佐級協會主席黃程和警務督察協會主席曾昭科接受訪問，討論劉玉棠事件。
其間田北辰致電節目表示，有人為惹人注意，做出危險行為，結果令其他人危險，是非常不負責任。他重提劉玉棠上次企跳﹕「他（劉玉棠）有前科，汀九橋試過一次（企跳），接着同議員搭膊頭影相。今次是第二次，他應該要檢討。」
與劉搭膊頭拍照的正是陳偉業，他立即批評田北辰單憑一張照片，扭曲和誤解事件﹕「你咁有影響力，應該上一次見他（劉玉棠）自殺就幫手，馬後炮和講風涼話是好容易。」田北辰想插嘴還擊，被節目主持人陳淑薇制止。陳繼續發砲﹕「田北辰你有錢，可以用幾十萬派單張。你有錢有權，政黨強大，應該用權力去幫助弱勢社群，而非透過這些機會譴責。」田北辰回應說，香港是法治社會，市民有不滿可提出訴訟，議員應協助市民循正當途徑申訴。
近年警方屢被指打壓示威者，曾昭科稱前線警務人員從無收到命令或指引要打壓示威者。對於有市民質疑為何一些數十人的集會，要出動近200警員，他解釋即使是和平示威，也可能有人忽然做出激烈行為，例如言語謾罵警員，甚至以身體接觸挑釁，警方在示威前會作詳細評估。

想講幾樣野：
1。陳大舊有無教唆、鼓勵他人用激烈或不合法方法抗議？
2。傳媒的公正、不偏不倚還存在嗎？
3。如果數十人的集會突然不守法，係人多既閙市衝出馬路、走上天橋頂，危害他人，阻塞交通二百警察夠唔夠？

政棍妖言、傳媒低能化會害死人架！

takkeung.m · 發表於 2011-6-20 12:10:14

1.就算冇教唆都會有認同,2.香港已經搵唔倒不偏不倚的傳媒,3.如果個個集會人仕好似運雞佬咁玩嘢,多二百個警察都唔夠啦.

午餐獄 · 發表於 2011-6-20 12:16:54

本帖最後由午餐獄於 2011-6-20 12:19 編輯

與劉搭膊頭拍照的正是陳偉業，他立即批評田北辰單憑一張照片，扭曲和誤解事件﹕「你咁有影響力，應該上一次見他（劉玉棠）自殺就幫手，馬後炮和講風涼話是好容易。」

大舊都痴痴地嘅,唔知兵個係議員呢,田2少係議員咩

艾朗西 · 發表於 2011-6-20 12:37:15

午餐獄發表於 2011-6-20 12:16
與劉搭膊頭拍照的正是陳偉業，他立即批評田北辰單憑一張照片，扭曲和誤解事件﹕「你咁有影響力，應該上一次 ...

大舊根本就冇言以對，唔通叫佢去認咩，而家佢死都唔會答，講多錯多，邊個行埋去，佢就按對手情況而辯。你估佢真傻咩！

除非叫番佢Ｄ同類，好似顛狗郁掹，長毛，呢Ｄ人去佢，都幾難！

艾朗西 · 發表於 2011-6-20 12:41:57

本帖最後由艾朗西於 2011-6-20 15:37 編輯

回應 jj99 的帖子

1. 唔會有人出嚟指証，有都會比佢話誣告。

2. 傳媒從來都沒有過不偏不倚。

3. 示威出咗事，有人過激受傷，１個或1000個譥察在塲處理都會比人吊，因示威人士性命安危大哂，公職人員殉職也可，最多深表憒憾。