Lunch食乜好? 最近濕濕哋, 食啲辣的驅驅濕先~~於是去咗咖喱館搵食~~
打開menu, 點到你唔服? 地區代表, 味道代表, 鬼界的代表都有....最后揀咗干咖喱類的非洲雞~~
其實之前食過, 一試難忘...今次點咗要中辣, 上菜時已聞到好香的洋蔥味, 舖在雞面的炒洋蔥, 酸酸辣辣咁, 就足以可以送到半碟白飯~~
成碟雞的份量為半隻雞, 比一般的春雞大小小, 斬為三件上碟。喪食咗四份一碟飯之后, 就要試吓雞肉, 先食"下莊", 香煎后雞肉仍然唔嚡, 都算juicy, 勝在醃得夠味, 唔會話冇味冇道, 唔係話靠炒洋蔥的配料先食到味道: 跟住係雞翼, 一個字滑, 成隻雞翼放落口, 啜兩啜, 雞翼骨就可以唔散咁吐番出唻...
最后係雞助部份, 以前食雞梗要啖啖肉, 而家年紀大咗, 食雞都講求余韻, 食非洲雞就係最好的体現, 因為唔同多汁的咖喱, 干咖喱好靠用火力將醃料的味道, 迫入肉裡面, 雞助部分較薄, 就更容易入味, oh sorry, 算我失儀, 喺咁的情況下, 點會唔會用手拎住唻"算"呢~~
唔使汁就可以食哂成碟飯, 咖喱香而不辣, 今餐大滿足~ |