美孚千人瞓街抗議建屏風樓

午餐獄

屏風樓問題激起滔天民怨。美孚新邨居民昨日發起千人「瞓街」兼「圍邨大遊行」，他們不滿發展商於第八期旁、距離民居僅數米的地皮上興建約二十層高大樓，對邨內住宅造成屏風效應，又批評政府批出圖則是偏幫發展商，計劃申請司法覆核，並打算於本周內到禮賓府、發展局局長林鄭月娥官邸，及發展商主席持有的珠寶店外瞓街抗議。
約一千名美孚新邨居民昨到涉事地盤外的百老匯街集會，他們高舉「美孚抗爭」的標語，又穿上寓意反對地產霸權的黑色上衣，集體瞓街約三分鐘，之後圍繞美孚新邨遊行一周，沿途高叫「打倒官商勾結」、「不要屏風樓」等口號，多名立法會議員，如涂謹申和梁國雄等及菜園村居民亦到場聲援。

遊行期間，部分示威者因遭警方警告，一度衝擊警方防線，幸無人受傷。大會估計有逾千人參與，警方則指有約五百人參與集會，約三百人參加遊行。

反對興建美孚新邨屏風樓工作小組負責人盧松昌稱，該地皮不足九千平方呎，原屬石油氣庫用地，九五年氣庫搬遷後，政府曾通過以地換地形式收回土地，但未能成事。發展商新世界後來利用該土地的剩餘地積比率，入則興建大廈獲批，更將該計劃轉售予另一發展商祥達發展有限公司，至動工時遭居民阻止，事件至今處於膠着狀態。

  屏乜風樓呀,驚影響景觀,拖低樓價就真

800men

其實有成千人「瞓街」都算係一種景觀。

mastertim

都係政府的錯,有麽理由原來係氣庫的地方可以批準起樓,簡直荒謬到極

lung.

乜野係屏風樓

午餐獄

mastertim 發表於 2011-4-4 12:37
都係政府的錯,有麽理由原來係氣庫的地方可以批準起樓,簡直荒謬到極 ...

係政府求人地搬油庫呀嘛,打完齋唔要告尚呀

mastertim

午餐獄 發表於 2011-4-4 17:17
係政府求人地搬油庫呀嘛,打完齋唔要告尚呀

每一块地都有其規劃用途,規劃好之後就唔可以随便更改用途,如果唔係就世界大亂了,政府要求搬氣庫係正確的,接受地產商申請更改土地用途,將危險物安置用地更改為住宅用地就唔安,因為當年如果块地大到可以用來起樓,就唔會變成危險物安置用地.當地產商申請時就必須與地產商商討換地,此地只能做為公園或民政設施用地,所以政府的失職導玫今日的局面.

午餐獄

mastertim 發表於 2011-4-4 17:36
每一块地都有其規劃用途,規劃好之後就唔可以随便更改用途,如果唔係就世界大亂了,政府要求搬氣庫係正確的, ...

問題係e家塊地可唔可以起樓先

午餐獄

  最緊要查清楚地契點寫,唔好聽d牛鬼蛇神亂講

assusys

政府話係可以起樓的

小蛇

唔起樓，可以點用？

MANHER

mastertim 發表於 2011-4-4 12:37
都係政府的錯,有麽理由原來係氣庫的地方可以批準起樓,簡直荒謬到極 ...

矛問題呀 , 賣到錢嘅地 ,攞泥起樓，應該矛樹架

mastertim

事情的源頭係由於全香港第一個大型私人屋邨美浮新邨起時發展商無用盡地積比率,而咁安啟德機場搬咗去東涌之後,政府增加咗九龍西起樓的地積比率,因此,造就咗發展啇可以打擦邊球,搬咗個儲氣站,並正式入紙向政府申請起高層住宅,查實發展商在程序上並無做錯,在商言商,錯在政府明知块地起高層住宅的後果,而政府有權唔俾更改土地用途,但事實係政府竟然批核同意發展商的要求.當然,補地價政府收一筆,而發展商得到一块可以賣15000元以上每平方呎樓面的土地.

mastertim

大家如果去到現場一睇就知當年政府為何將幅地做為輔助設施用地而非住宅用地,真係好細.
(利益申報:本人並非美孚居民,也無親戚住美孚)

hkskydog1982

ask the developer for a percentage of the profits once every unit is sold. It's a win win situation

弓長張

你地去過現場睇就唔會咁講...........

lung.

mastertim 發表於 2011-4-4 21:34
大家如果去到現場一睇就知當年政府為何將幅地做為輔助設施用地而非住宅用地,真係好細.
(利益申報:本人並非 ...

細極都夠起樓

lung.

弓長張 發表於 2011-4-5 08:12
你地去過現場睇就唔會咁講...........

以前美孚有海邊，可以釣泥鯭，家下搵個小氹都無
即係話發展就是硬道理，只要樓價不停升就唔係問題

lung.

午餐獄 發表於 2011-4-4 17:41
問題係e家塊地可唔可以起樓先

起機場都得，不過唔夠大之嘛

intermezzo

以上影片乃youtube提供,與本站無關; 若無法觀看,可查看原網址。

mc-01

地皮不足九千平方呎可以起屏風樓?