阿仙奴打油詩(轉貼)

tse6088 · 發表於 2011-2-13 19:35:20

五年無冠兵工廠，FAN屎自然不太爽，
雲加每季不停講，阿記強勁不能擋。
主場失分唔識停，仍排英超第二名，
何等奇怪的情形，槍迷自己都唔明。
見到勁敵狂失分，阿迷肯定好歡欣，
今屆英超好繽紛，阿記誓要NUMBER ONE。
門將位置最可悲，艾蒙利亞已被飛，
縱有法比「瘟」斯基，今季收咧滿危機。
再講阿記的後防，基治略嫌唔夠狼，
野獸格拿的身旁，美倫總不慌不忙。
可惜眾衛傷不停，復出狀態冇十成，
總沒完整的隊型，隊醫質素或平平。
「神丹」傳球的威力，令他退居後備席，
傳波路線從不直，永遠只會分兩翼。
前途無限韋舒亞，膽前顧後無有怕，
就算只有一條罅，照樣傳到球迷「嘩」。
要數陣中的靈魂，肯定唔係丹尼臣，
法比級數確係神，傳球能人所不能。
法國阿記超新星，拿斯利無一不精，
屢射金球人人驚，轉會肯定有排傾。
美女相伴禾確特，今季開始轉務實，
擁有速度如保特，多得雲加的提拔。
暑假簽入查馬克，教授絕無比人呃，
米八咁高好難mark，入波易到似碌卡。
阿記hea王艾沙雲，天價轉會費加盟，
融入球隊似不能，球迷教練都頭痕。
最後要講雲佩斯，每季必傷似施斯，
能傳善射人人知，搶到佢波屬good D。
阿記若想奪錦標，不如專心鬥英超，
巴塞進攻好鬼瀟，歐聯要羸冇乜feel。