大家樂加時薪卻扣飯鐘錢, 工會轟陳裕光帶頭剝削 !

fox123

大家樂 VERY PK

roadmanz

政府當然做錯, 應該接受市場供求, 而不是搞什麼最低工資. 如果說大公司剝削員工, 那麼首先要說呢班員工又值不值呢個人工呢?

PK-BOY

原帖由 火馬 於 2010-10-30 23:59 發表

乜大雞六以前唔係時薪制？就算有；都唔係所有員工都係掛？豆月薪果D例如：店經理、會計；或其他文職；總有月薪制掛？咁就有古講；事關話就食飯果一粒鐘；話就話lunch time；唔駛你做兼有人工；但你上工果陣；評估要比幾多人工你果陣；已經衡量 ...

文職就緊係有食飯果粒鐘啦！不過，唔理係時薪、日薪同月薪，而係做飲食行業 (即係大堂經理、樓面、洗蜿、廚師、收銀) 根本係無食飯時間   而且因為係鋪面食飯，所以食完就要做野   辛苦呢   未捱過呢   
其實唔只係飲食行業無食飯時間，保安、電車司機 (邊開車邊食飯)、巴士司機 ... 等等都係無食飯時間

大雞六呢鑊野唔係扣一粒鐘飯錢   而係做幾多粒鐘野，計翻幾多粒鐘錢
如果以咁既思維諗落去，遲 d 痾屎、痾尿、上電，都唔當工時計，要扣起，咁就該煨咯

午餐獄

原帖由 PK-BOY 於 2010-10-30 22:45 發表

錯晒   應該係跛手跛腳既唔請，太老既都唔請，生得踒既都唔請，殘缺既更加唔請   做生意既人，只有計錢同利用價值，咩野叫社會責任   
工人唔係無要求，而係飲食行頭太過峽窄，勞工市場被壟斷 :beautyeye ...

係你地以為自己走在時代尖啄姐

四台特工

而家有一粒鐘食飯時間比你叉叉電 , 食完又可以落咗格小休片刻 , 唔計錢有乜所謂 , 好過d狗巴車長得果15分鐘食飯時間 , 食飯如倒屎咁 , 你估好健康咩

四台特工

我都係講果句 : 建議設立最低工資30一個鐘 , 仲要建立最高工時為每日8小時 , 超時當OT計算 .

午餐獄

原帖由 四台特工 於 2010-11-1 10:36 發表
我都係講果句 : 建議設立最低工資30一個鐘 , 仲要建立最高工時為每日8小時 , 超時當OT計算 .

ot係咪1.5先

intermezzo

New logo:

四台特工

原帖由 午餐獄 於 2010-11-1 11:42 發表

ot係咪1.5先

1.3~1.5都OK喇 ,

午餐獄

原帖由 四台特工 於 2010-11-1 11:54 發表



1.3~1.5都OK喇 ,

咁E家做開12粒鐘個D點算

四台特工

原帖由 午餐獄 於 2010-11-1 12:44 發表

咁E家做開12粒鐘個D點算

照計返比D工人 , 人工高咗生活都可以改喜

午餐獄

原帖由 四台特工 於 2010-11-1 12:50 發表



照計返比D工人 , 人工高咗生活都可以改喜

好囉,大家都搵多左,物價唔升就最好

PK-BOY

原帖由 午餐獄 於 2010-11-1 09:28 發表

係你地以為自己走在時代尖啄姐

知你係 出土文物 嘞

PK-BOY

原帖由 roadmanz 於 2010-10-31 15:09 發表
政府當然做錯, 應該接受市場供求, 而不是搞什麼最低工資. 如果說大公司剝削員工, 那麼首先要說呢班員工又值不值呢個人工呢?

問題係而家行頭峽窄，大公司壟斷市場，之後就係壟斷經濟！自由經濟既惡果
你話而家香港仲有咩產業？
以前就有工業，而家就只有地產獨大 上年曾凸狗既六大產業去左邊？
而且你果句﹕那麼首先要說呢班員工又值不值呢個人工呢 ? 係錯架
衡量人工，係以果份 job 既價值黎計，唔係以果個人黎計架   例如﹕大雞六請個洗廁所，唔係大學生做洗廁所人工就高 d，呀婆洗廁所人工就低 d。

PK-BOY

原帖由 四台特工 於 2010-11-1 10:33 發表
而家有一粒鐘食飯時間比你叉叉電 , 食完又可以落咗格小休片刻 , 唔計錢有乜所謂 , 好過d狗巴車長得果15分鐘食飯時間 , 食飯如倒屎咁 , 你估好健康咩 ...

吊頸都要抖氣啦！講到有食飯時間好似皇恩大赦咁   我十幾才出黎做工廠既時候都有粒鐘食飯時間啦！俾翻伙記應有既權利，駛唔駛要 跪拜 同跳 阿里郎 感恩呢   
而且最大獲既係政府通過 "時薪" (背後既意義係 "非工時不計錢" )，教精左 d 無良老細左扣右扣

PK-BOY

原帖由 四台特工 於 2010-11-1 10:36 發表
我都係講果句 : 建議設立最低工資30一個鐘 , 仲要建立最高工時為每日8小時 , 超時當OT計算 .

沒有民主，那有民生   
特狗 同 立法會 唔係由市民選出黎既，邊會為人民服務   又點會順從民意呢

午餐獄

e家話攪罷食喎 大怪活,美金多謝晒你地

intermezzo

吳志森

究竟香港的空氣和土壤有甚麼問題，培植出大家樂這種無良僱主？如果大家樂對即將公佈的最低工資時薪廿八大元提出異議，表示太高無法接受，老闆陳裕光憤而辭去「臨時最低工資委員會」委員之職以示抗議，像張廿蚊一樣厚着臉皮硬着頭皮堅持到底，擺明車馬要做無商不奸的真小人，相信港人還會對你保留三分尊敬。但大家樂卻用「配合最低工資政策實施」為藉口，名義加薪實質減糧，但做了又不敢承認，諸多理由，死不認錯，做偽君子也做得鬼鬼祟祟，除了使人不屑之外，剩下的，甚麼都沒有了，就只有公眾的涎沫。

大家樂管理層要求屬下員工簽署「僱聘資料變動確認書」，時薪增加兩元至三元半，但清楚寫明「用膳時間不計算在有薪工作時數內」。連小學程度的算術都能準確無誤的計出來：加薪兩元，由二十二元增至二十四元，八小時工作，扣減四十五分鐘飯鐘錢，每日減薪兩元。由二十五元增至二十七元，每日減薪四元二角五分。如果加薪兩元五角，由二十五元增至二十七元五角，每日減薪六角二分五。要加薪至三元，才有機會出現正數，每日增薪三大元。

輿論鋪天蓋地譴責這種為富不仁的無良僱主，大家樂的高層管理人員出來澄清，對「明加實減」含糊其辭，對玩弄數字巧言令色，還猛拖同業落水。他們也扣飯鐘錢，如果我們不扣，還會失去競爭能力。說話的高級行政人員，像小學生犯了錯，老師要罰，他就哭喪着臉，兩行眼淚一把鼻涕：「小國、小強都有做，點解淨係鬧我小明，唔鬧佢哋？」如此回應，如此水平，實在丟人現眼。

過去十二年，大家樂集團都有強勁的盈利增長，除了二○○三年沙士期間稍為回落，即使○七、○八金融海嘯，盈利都穩步上升。二○一○年，更勁賺五億一千三百萬元。扣減員工飯鐘錢，如果中間落墨當三元計算，每月廿六日，三千員工，一年約慳了二百八十萬元，不足盈利的百分之零點五五，亦遠低於老闆和行政總裁的一年董事酬金。

最低工資，是為了照顧最弱勢，最無競爭能力的基層員工，二十八元一小時已經低得無可再低了，一天做足八至十小時，都不足他們養家餬口。打工的意義是甚麼？勞動的價值又是甚麼？廿八元一小時，不夠這些老闆級行政人員到高級酒樓吃一口蝦餃，呷一啖紅酒，但對基層打工仔來說，就可能是一餐飯餸的價錢。是甚麼邪惡念頭，驅使這些行政管理人才，坐在辦公室裏想壞腦袋，挖空心思，把基層員工盡情地逐分逐毫地剝削，把僅餘的勞動價值都搜刮淨盡。如果他們的子女有這種父親，可以抬起頭做人嗎？面對基層員工的痛苦，他們晚上可以睡得安穩嗎？

或許有人會說，資本家追求的是利潤最大化好向股東投資者交代，工資餬口養家並不是老闆的責任。這個說法在弱肉強食的森林資本主義裏可能沒錯，不如就這樣吧，當基層市民的工資被層層剝削，踐踏得比綜援還不如，就讓他們齊齊停工，集體申請綜援，到時如果因為社會福利不勝負荷而加重利得稅，無良的資本家們，你們又願意嗎?

intermezzo

江湖滾熱辣