我又唔覺喎, 法國渣就預左架勒,在施丹第一次退休已經見到,少了施丹的法國隊完全缺乏創造力,及後他在上一屆世界盃復出才見中興,施丹再次退休令法國再次變番二線球隊。法國隊由保魯斯建立強隊地位,再由施丹發揚光大,但未能出現新一代接班人,今屆連後防也褪了色(上一次後施丹時期後防不失都尚可立於不敗,但今屆已做不到)
英國隊就更不用說,在世界盃歷史除了他們主辦那一屆之外,他們充其量都只是與墨西哥同級,小組出線率高,到十六強尚可能遇到次一級的對手打入八強,但到了八強便再很難找到魚腩球隊,頂多偷多一場雞入四強,但餐士唔大,歷史可以說明這一點。誠然擁英躉可能唔認同以上觀點,但也要等英國出番個真球王帶領他們走向光榮先說服到我。
巴西向來唔會太差,男男女女都識踢波,今屆只係少了些世界級前鋒。無辦法,羅賓奴係好前鋒,但係我地對巴西前鋒要求唔止咁。
阿根廷被另一強豪德國收伏,無話可說,非戰之罪(不要忘記阿根廷外圍賽也是尾班車出線,馬勒當拿到好遲先執好個陣)
唯一失望是意大利,傳統強隊突然失色,十字聯防不見了,失波奇多,完全唔似意大利。
其他陪跑的繼續陪跑,日韓也交出成績。
世界盃不是世界最強三十二隊會戰,而係五大洲共同參與之盛事,強弱懸殊對戰是常見之事,伍晃榮話齋:"波係圓既",弱隊可以爆冷門,強隊未必必勝,否則足球便索然無味了。 |
在線雷達
發表於 2010-7-5 02:52:19
廣播
置頂
推舊帖
收嗲鳥
油顏色
