大家對一啲問題球，球証喺咪有需要睇番慢鏡重播！？

yamamoto

估唔到阿根廷對墨西哥呢場又係咁
野獸呢球應該係越位啦

方有自來財

有科技唔用 成日誤判

hong25

原帖由 逗利是佛 於 2010-6-28 00:18 發表
美國佬好耐以前已經提出過睇重播(好似美式足球同ＮＢＡ咁）,但被一句維護球證的絶對尊嚴和權威而拒絶。美國佬呢方面真係肯改好佢，國際足栛／歐洲果邊死都唔肯改，重下令美國的ＭＬＳ也不可以睇重播去重判，可能係方便以球證去左右球賽結果 ...

我都系口甘认为方便球證去左右球賽結果，毕竟现在足球已经唔系一项运动口甘简单
整个亚洲英格兰D票数百亿计

benny2

如果引入 absolute science 去足球, 自然又有其他 debate. 例如:

越位. 唔通全部球員著晶片貼身衫? 場邊逐寸裝感應器?
俾牌. 又重播片段, 揾十個八個球證投票?

又或者, 同科技有關嘅設備有 bug (如重播唔到)又或者壞咗, 唔通大家乾等佢修理好至開波??
又或者, 事後至知感應器有誤差, 唔通重賽?

唔科學有唔科學嘅好處, 最起碼就係多咗好多 gossip !

[ 本帖最後由 benny2 於 2010-6-28 07:28 編輯 ]

估我唔到

梗係認同啦
明明有哂咁多科技可以翻睇都唔睇
仲話咩有錯誤先係足球
國際足協真係痴鬼左

逗利是佛

美式足球都行左睇重播咁多年,再加上真係用多幾個球證,佢地分工好細....吹罰左一般主球證會同吹停的球證"開會"再判罰.....咁美式足球咪一樣打PLAY同得分....至少唔好出現D入左又當唔入,唔入又當入的情況出現先得架......如果"橋"成咁出事片段所有鏡頭都出晒事,咁咪由個球證判,依家普遍聲音都係要求科技協助球證,唔係取代球證....唔通真係咁出現一次半次重播都分唔出都唔俾球證判咩.....普遍球迷都唔係咁偏激O既

我們斷唔能夠用咁既理會擔心電眼會壞而叫馬會唔好用電眼判決而改回用肉眼吓?

大家都係只求"盡量"公平姐

German69

原帖由 逗利是佛 於 2010-6-28 11:50 發表
美式足球都行左睇重播咁多年,再加上真係用多幾個球證,佢地分工好細....吹罰左一般主球證會同吹停的球證"開會"再判罰.....咁美式足球咪一樣打PLAY同得分....至少唔好出現D入左又當唔入,唔入又當入的情況出現先得架... ...

贊同！！

German69

原帖由 benny2 於 2010-6-28 07:26 發表
如果引入 absolute science 去足球, 自然又有其他 debate. 例如:

越位. 唔通全部球員著晶片貼身衫? 場邊逐寸裝感應器?
俾牌. 又重播片段, 揾十個八個球證投票?

又或者, 同科技有關嘅設備有 bug (如重播唔到)又或者 ...

1.感應器 ~ good idea....印像中Tennis比賽都有用。
2.黃/紅牌，而家我覺得唔睇番慢鏡重播都o.k.喎，因為佢哋賽後會睇反，
跟住對有冒犯嘅球員揪後算章。
3.科技有關嘅設備有 bug (如重播唔到)，我就未聽過，除非大停電，咁場
比賽都會postphone.

以上都喺其次，我只想focus on 問題球，如越位、有無手球(我意思喺特登用手，
唔係波打手個種)、明入咗白界都唔當。亨利就你用手球踢走咗Ireland.

normalguy

我覺得成日出現問題球, 球証仲無尊嚴~!
FIFA成日話乜撚野,fair play,仆你個街, d球証就play, 場波就unfair

當然,英隊係踢得唔好, 心理質素比唔過德軍, 但其實實力差無幾, 如果2-2,結果肯定會更精彩

antipole

布拉特是一個真正的豬頭

xiaobunbun

原帖由 逗利是佛 於 2010-6-28 00:18 發表

美國佬好耐以前已經提出過睇重播(好似美式足球同ＮＢＡ咁）,但被一句維護球證的絶對尊嚴和權威而拒絶。美國佬呢方面真係肯改好佢，國際足栛／歐洲果邊死都唔肯改，重下令美國的ＭＬＳ也不可以睇重播去重判，可能係方便以球證去左右球賽結果 ...

其實凡事都可從不同的角度看的

無錯的，球證的絶對尊嚴和權威是重要，
但是聖人都有錯，何況球證是普通人，看錯也不足為奇的，他們體能亦有限，不可能100%跟貼那個圓圓的波。。。
重播只是用來輔助球證更公平地去在球賽中執法，
不單止沒有損害球證的尊嚴，相反地，重播可挽回球證『看漏眼』的面子，
我相信勇于承認錯誤反而更值得別人尊敬

另外，為防止濫用重播，可以效法網球的鷹眼規則(好像是六次)；
又或者效法美國的美式足球，教練可提出三次紅旗CHALLENGE。。。

唉，其實國際足協人才濟濟。。。如果他們要實行的話，總有無數的可行方案的
如果他們不想實行的話，亦總有無數的『莫須有』或藉口的。。。

或者真的是用來方便。。。哈哈，那就強迫他們都無用

xiaobunbun

原帖由 yamamoto 於 2010-6-27 23:56 發表

如果係2-2比賽結果又可能唔係咁打法
助理裁判同球證都好有問題
雙特係中場始終都發揮唔到作用
不過德國今場表現的確係好過英格蘭

我承認德國今場表現的確係好過英格蘭
但是如果2-2的話，打法不同，結果也有可能不同啊

German69

世盃頻誤判 國際足協捱轟

2010年6月28日 星期一 09:25

世界盃一連兩場16強賽出現誤判，英德大戰的「世紀誤判」更被指是英格蘭大敗關鍵，國際足協飽受批評。首個問題球，是英格蘭對德國時的林柏特入球。德國在開賽後先入2球，但「三獅軍團」作出極具威脅的反撲，36分鐘厄遜接應謝拉特的傳中球頂入。英格蘭乘勢再上，1分鐘後林柏特在禁區邊笠射中楣底反彈，明顯越過白界線，烏拉圭球證拿利安達卻「走漏眼」判不入，令英格蘭冤枉地半場落後1比2。德國足總會長史雲斯格在半場休息接受訪問時亦認同皮球已越過白界，並對英格蘭球迷表示感同身受；英國有博彩公司表明會為林柏特的入球派彩。

接下來在本港凌晨進行的墨西哥對阿根廷，亦一開始就出現問題球。阿根廷於25分鐘，乘墨西哥門前混亂，前鋒泰維斯半單刀射門被救出，美斯於禁區頂補射，身處越位位置的泰維斯加一頭頂入。墨西哥球員雖群起向球證及旁證投訴，但未能推翻入球。雖然阿根廷向為強隊，但評論指，墨西哥隊此後士氣受挫，最終以1比3敗北。阿根廷雖然贏波，但該國《民族報》指，同日世盃兩場比賽，球證均出現了重大誤判，這天的世界盃比賽可以說是球證的「恥辱日」。在互聯網上，不少球迷群起對國際足協口誅筆伐。有本港網民批評，在這麼重要的足球賽，國際足協卻只安排3個球證：「呢條龍門線咁重要，點解唔係搵專人牛咁眼睇實？點解唔用天眼鏡頭？一場排球賽，只有12人，仲要D人唔會四圍走無身體接觸，總共有6個球證！網球，7個球證，仲有電腦重播。國際足協，你去死吧！」

新華社評論文章指，錯判已成為南非世界盃的標簽。兩場球賽的兩位來自烏拉圭和意大利的主球證，比球員更搶風頭。
該篇署名樹文的文章指：「國際足協一直在對待球證的科技裝備上十分謹慎，耳機都是幾經波折才勉強裝備上，別說什麼電視手段、鷹眼之類。他們甚至連多加幾位司線裁判都不肯幹，到底是為什麼，是為了他們堅持的『錯判』也是魅力，還是在故意設置一個裁判的高門檻，以方便自己的統治。」「要知道，在皮球的高科技上，國際足協可是毫不含糊。Adidas一屆一次新球，從飛火流星，到團隊之星，到今日的普天同慶，號稱是科技愈來愈先進，哪怕球員對此叫苦連天。」

（綜合報道）

dicky_pch

好慘......好慘
睇多十次八次都係o甘傷心
係2-1時英格蘭明明可追到平手2-2
怎知到個旁証........訓o左覺

如日後係世界杯可用高科技的話,o甘就最好不過.
落後的世界杯
今日行出一小步 就係人類未來的一大步_________-

German69

原帖由 dicky_pch 於 2010-6-29 01:00 發表
好慘......好慘
睇多十次八次都係o甘傷心
係2-1時英格蘭明明可追到平手2-2
怎知到個旁証........訓o左覺

如日後係世界杯可用高科技的話,o甘就最好不過.
落後的世界杯
今日行出一小步 就係人類未來的一大 ...

莫再悲 ~~~

以上影片乃youtube提供,與本站無關; 若無法觀看,可查看原網址。

xiaobunbun

再無野可講

-------------------------------------------------------------------------------

FIFA會長﹕人比科技可靠 退役球證﹕誤判重挫威信

(明報)2010年6月29日 星期二 05:10

【明報專訊】球賽引入高科技的議題出現多年，國際足協（FIFA）一直封殺，原因之一是設備費用昂貴難以普及，對落後地區不公平。然而FIFA所有自辯理由都不大站得住腳，包括英格蘭    退役球證普爾在內的各界人士稱，拒絕科技只會引發更多不公。

3月曾投票試用遭否決

負責訂立球例的是國際足球協會理事會（IFAB），當中FIFA擁有4票，英格蘭、蘇格蘭    、威爾斯和北愛爾蘭    足總    各1票，任何修例需至少6票才通過。數年前IFAB為引入鷹眼系統或晶片足球開出4個條件﹕只能用於判決入球、判決100％準確、球證可即時收到信號、只有執法裁判可接收信號。其實鷹眼已悉數符合，但今年3月IFAB會議上，僅英、蘇代表贊成試用，否決者的理由變回陳腔濫調「擔心比賽流程被窒礙」和「爭議是球賽一部分」，FIFA會長白禮達更謂科技不比人類可靠和會削弱球證威信。

普爾於報章專欄反擊白禮達，「周日烏拉圭『人』（英德戰球證）便錯了」，唯一損害威信的就是誤判，「值得阻延30秒看重播」。事實上，另一仗墨西哥為阿根廷    的越位入球爭拗了至少2、3分鐘。普爾指英德戰球證站位正確，不應把矛頭指向他們，罪魁是白禮達「自負地反對引入助判入球科技和增設額外裁判」。他又謂，世界盃    花在球證的資源遠比普通球賽多，不可能以對其他地區不公平為由而禁絕科技。

逗利是佛

對落後地區唔公平.....一派胡言.....美國呢度都係到NBA同NFL先用咁多儀器之麻....中學比賽無架,公園圍威喂開波更加連球證都無啦.....咁唔通會唔普及?!依家講緊世界盃呀....做少幾場波啦, 死鬼佬!!

睇有線新聞仲激鬼死...FIFA居然仲要求現場大電視唔可以重播問題球.....好似阿根廷球越位球....大電視重播緊,墨仔叫個球證睇重播佢都唔睇....假到咁可以媲美當年高比拜仁用手肘批對手塊面,球證仲吹佢俾人侵犯....有個球迷興到即刻寫左個大紙牌"塊面點侵犯個手肘呀?"笑Q死

dannis321

原帖由 逗利是佛 於 2010-6-28 00:18 發表
美國佬好耐以前已經提出過睇重播(好似美式足球同ＮＢＡ咁）,但被一句維護球證的絶對尊嚴和權威而拒絶。美國佬呢方面真係肯改好佢，國際足栛／歐洲果邊死都唔肯改，重下令美國的ＭＬＳ也不可以睇重播去重判，可能係方便以球證去左右球賽結果 ...

護球證的絶對收益 如果唔係..點比球証吹黑哨...點比球証收錢...

dicky_pch

晶片足球:

大家可否聽過或見過有無這一回事
如有這一回事又可唔可行o尼.........

dicky_pch

原帖由 German69 於 2010-6-29 11:29 發表



莫再悲 ~~~

w0FDFuO90Ys

愁和哀風與霜
                  不會天天來探訪

多謝C兄開解...............