譚兆偉沉淪賭海悔悟人生

Wandererjc

【明報專訊】

香港足球壇「魔鬼教練」黎新祥上周日肺癌病逝，有青訓之父之稱的黎sir曾經教出不少本地足球名將，其中最疼惜的可說是一手提拔的前香港足球先生譚兆偉。黎sir對人稱「偉仔」的譚兆偉管得特別嚴厲，寄望甚高，可惜這個天才橫溢、曾是本港身價最高的球星，卻不聽恩師勸告，沉迷賭博，最終妻離子散，欠債纍纍。

如今恩師病逝，譚兆偉留下永遠的遺憾：「我令黎sir好失望……我會生性，我會改，希望他在天之靈可以看得到。」在南非世界盃    熱戰之際、城中掀起賭波潮的今天，譚兆偉一毛錢也沒有下注。

1981年，譚兆偉11歲，在一場青年賽事中嶄露頭角，被到場「揀蟀」的黎新祥看中，偉仔自此便加入銀禧體育學院跟隨黎sir，「是黎sir令我認識足球，好慶幸跟到黎sir，如果沒有他，我或者對足球沒有這麼熱誠」。當年黎新祥帶領的港隊青年軍成員，差不多個個都說黎sir最疼惜偉仔，偉仔也說當年無線節目《體育世界》要找體院的小朋友示範，黎sir也推薦他，「當時我也不明白為何選我，可能覺得我踢波有點天分，比較突出，對我要求高一點吧。練波時和其他球員傾偈，他都是鬧我的多」。

難忘出賽貪玩 黎sir出拳教訓

愛之深、責之切，魔鬼教練對愛徒特別嚴格，譚兆偉憶述曾被黎sir打了一拳：「十四五歲那年，青年軍出外比賽，黎sir叫我們回到房後要休息，不要玩撲克。當時年紀小，當然不理他，躲在房裏照玩。怎料黎sir有後備匙，他衝進來就立即打了我一拳，『叫你不要玩你還是要玩？』我好記得他只是打了我一個，哈哈！」嚴師出高徒，偉仔在青年軍愈踢愈好，更在樸茨茅夫    U17賽事獲得最佳青年球員獎，「我知道他很開心，我覺得他比我更開心。他對我說，很少本地球員可以在外地得這個獎」。黎sir提拔偉仔，帶著他南征北討，偉仔說已當黎sir是親人，「始終很小時就跟他，我當他好似爹口地一樣，可算是『半邊老竇』」。

離開體院，譚兆偉18歲踏入甲組聯賽，展開輝 的足球事業。回想起自己的足球生涯，偉仔都顯得非常滿足，常常重複著：「足球方面沒什麼挫折，完全無低落過，什麼都拿過。」事實上，偉仔1992至95年助東方建立3連冠王朝，95年榮膺香港足球先生，同年更以破紀錄的50萬元年薪轉投流浪。在YouTube    鍵入「譚兆偉」，就會找到當年銀牌準決賽，偉仔倒戈出戰，以一個入球兩次助攻協助流浪反勝東方的經典賽事。「入波後球場的歡呼聲，高呼你的名字，你未做過球員是感受不到的。4萬幾人看你踢波，8000幾人迫爆旺角    場，感覺真的很震撼」。偉仔說，足球對他來說很重要，「我無法想像沒有足球，我的人生會變成如何，名成利就什麼的都帶了給我。」

可惜，這個曾被譽為最具天分的本地球星，在綠茵場上贏盡榮譽，步出球場後，卻在賭海裏輸掉家庭。譚兆偉10多歲時受朋友影響，開始賭博，當上甲組球員後平步青雲，年薪破紀錄，愈賭愈大，「一日可以輸幾萬蚊」。結果欠債20多萬，妻子兩年多前決意分開，偉仔只能搬返舊居與母親同住；去年一時鑽牛角尖，酒後仰藥，偉仔強調不是自殺，但承認「諗埋一邊」，「睡不著時會想，究竟我賭來為了什麼？以前明明一切都很好的，突然間好像什麼都沒有了……」

恩師勸戒賭 「他很失望很傷心」

黎新祥曾經勸戒譚兆偉「不要賭，要生性」，但偉仔卻當耳邊風，「當時我感覺不到賭錢有什麼問題，心想『玩玩也沒大不了啦』，幾日後又忘記黎sir說的話」。偉仔慚愧說：「雖然他沒有說出口，但我感覺到他對於這件事（沉迷賭博）感到很失望，很傷心」。說罷，偉仔沉默良久，一臉茫然。

譚兆偉憶述上周一早上知道黎祥去世，呆了幾秒，「知道他有這個病，但料不到這麼快。心情一定難過，不知是否心理作用，心口好像『乸住乸住』」。妻子離棄，恩師病逝，偉仔後悔之餘，決心戒賭，對黎sir許下遲來的承諾：「我會生性，我會做好口的，希望真的不要再賭。雖然他現在看不到，但希望他在天之靈都可以看得到。放心，我會改，一定會好過以前。」

他說，現時賭債已清還近半，希望可以用行動證明自己決心戒賭，盼望妻兒可回心轉意。黎新祥將於下月5日設靈，翌日舉殯。

「我會生性 我會做好口的」

球員生涯短暫，譚兆偉逐漸轉型為教練，不過，去季在甲組球隊四海教了半季，就因對球會領隊的干預換人等事，「和平分手」。黎新祥也曾因為足總    及港隊領隊經常干預而辭去港隊教練，偉仔坦言在黎sir身上學到做教練應有的態度：「他不會讓老細干預，很多老細未必喜歡這種教練，但我覺得做教練應是這樣，不要讓其他因素影響你選人、排陣，因為只有教練才知道球員的狀態」。現時偉仔在一支業餘球隊當教練，還有一隊區隊正在與他斟介，「我會跟黎sir的教法教波，他的教法我一直都記在心裏」。

執教業餘球隊月入僅數千，與當年叱咤球壇時的收入相比差一大截，但偉仔說：「教兩隊一個月都有萬多元，只要不再賭，都夠生活啦！」對於角色轉換了，偉仔說自己喜歡當教練，但這個前度足球先生始終渴望再次落場，「如果有甲組找我踢波，我都會試試，操練一段時間，或者都可以踢到45分鐘。場內場外好大分別，球員贏波的喜悅感大過教練」。

中一輟學，跟隨黎新祥進入足球世界，眨眼近30年，譚兆偉坦言「除了足球，我都沒接觸過其他東西」。訪問當晚，偉仔到元朗踢一場業餘小型盃賽分組賽，中場指揮官威風不減當年，全場助攻助守，攻入一球並交出一個助攻。脫離賭海，穿上球衣，綠茵場依然是屬於偉仔的英雄地。

chumimi

wish Tam can turn over a new leaf

hang128

唉,偉仔係我遇像,當年拒係香港巴治奧,一傳一射好有星味架

hang128

陰公,搞到要教業餘隊

yamamoto

指球壇今非昔比 「陳肇麒不算突出」

(明報)2010年6月27日 星期日 05:10
【明報專訊】港隊在去年勇奪東亞運足球金牌，令人對香港足球刮目相看，但譚兆偉認為環顧當今球壇，沒有哪個本地球員特別突出，外援質素亦下降，直言「現時甲組比以前易踢」。他又批評，現時港隊中絕大多數都是南華    球員，對其他球會的球員不公平。

譚兆偉表示，自從體院足球部解散後，出色的華人球員少了，球會青訓方面又不甚落力，「環視現今球壇，沒有誰特別突出，陳肇麒是不錯，有身形，衝刺力好，但其實也不是很突出」。他說，以前隨口也可以數出廿多個獨當一面的球員，例如歐偉倫、丘健威、岑國培、李健和、蔣世豪等，現時卻缺乏這類出色的球員。

不看好未來足運發展

他又批評現時足總    選人偏重南華，「差不多整隊港隊都南華球員，如果球員踢其他球會的話，即是沒有機會？」不過，譚兆偉稱讚南華近年的包裝做得不錯。此外，現時有不少地區球隊湧現，例如和富大埔    、沙田    等，他認為是好事，有助在地區發掘具潛質的青少年，然而他仍不看好香港足球的前景，「我看不到將來有什麼好的發展」

yamamoto

我都想貼呢份文章
不過俾JC大佬貼左先
我細個讀書都幾鍾意譚兆偉
最記得佢係世杯外圍賽
對巴林射入1個靚罰球
估唔到佢會搞成咁
希望佢可以重新振作啦

Wandererjc

呢個係一個循環問題

球員薪酬低,要兼顧生活水平難高到那裡,

球員薪酬高,譚兆偉也經歷過,
安於現狀,不求再提升水平...

日韓有球員可外流,但香港的球員卻沒人要,
譚兆偉自己和口中的球星也一樣己矣,

有沒有一個香港球員是以"世界級水平"為奮鬥目標呢??

星唔星已經唔係重點

[ 本帖最後由 JC 君 於 2010-6-27 14:40 編輯 ]

Wandererjc

原帖由 yamamoto 於 2010-6-27 13:48 發表
我都想貼呢份文章
不過俾JC大佬貼左先
我細個讀書都幾鍾意譚兆偉
最記得佢係世杯外圍賽
對巴林射入1個靚罰球
估唔到佢會搞成咁
希望佢可以重新振作啦 ...

偉仔的確有一定質素,
其實可以再進一步,
如果我係梁守志一定盡力送佢外闖,
乙丙組都好呀
留係香港只係井底之蛙

yamamoto

原帖由 JC 君 於 2010-6-27 14:01 發表
呢個係一個循環問題

球員薪酬低,要兼顧生活水平難高到那裡,

球員薪酬高,譚兆偉也經歷過,
安於現狀,不求再提升水平...

日韓有球員可外流,但香港的球員卻沒人要,
譚兆偉自己和口中的球星也一樣己矣,

有 ...

香港球員要外流都幾難架
先唔好講歐洲聯賽
日韓聯賽基本上都唔會搵香港球員
係個陣傳過日本有J2球隊想搵鄭兆聰
最後又係未能成事
就算中超都係得1個吳偉超踢緊

yamamoto

原帖由 JC 君 於 2010-6-27 14:05 發表



偉仔的確有一定質素,
其實可以再進一步,
如果我係梁守志一定盡力送佢外闖,
乙丙組都好呀
留係香港只係井底之蛙

偉仔真係唔差
如果當時肯去d二線國家
好似比利時，奧地利踢乙組都唔係唔得

Wandererjc

原帖由 yamamoto 於 2010-6-27 14:32 發表


香港球員要外流都幾難架
先唔好講歐洲聯賽
日韓聯賽基本上都唔會搵香港球員
係個陣傳過日本有J2球隊想搵鄭兆聰
最後又係未能成事
就算中超都係得1個吳偉超踢緊 ...

難就當然,
開荒牛喎!
日本保送球員外流,
自己球會貼錢,出埋人地份人工都有,
仲少個主力TIM,
真係只問耕耘不問收穫

阿羅生咁多$$,
恨捧杯恨到發燒....

大佬,人才係緊要過獎杯架,
呢D咪目光如斗law

[ 本帖最後由 JC 君 於 2010-6-27 14:41 編輯 ]

yamamoto

原帖由 JC 君 於 2010-6-27 14:40 發表



難就當然,
開荒牛喎!
日本保送球員外流,
自己球會貼錢,出埋人地份人工都有,
仲少個主力TIM,
真係只問耕耘不問收穫

阿羅生咁多$$,
恨捧杯恨到發燒....

大佬,人才係緊要過獎杯架,
呢D咪目光如斗law:nogood ...

係香港培養年輕球員
一向都係流浪啦
南華成績差d都俾人鬧
好難搞青訓
學日本保送球員外流
中國球會都做唔到
香港更加做唔到

hang128

原帖由 yamamoto 於 2010-6-27 13:48 發表
我都想貼呢份文章
不過俾JC大佬貼左先
我細個讀書都幾鍾意譚兆偉
最記得佢係世杯外圍賽
對巴林射入1個靚罰球
估唔到佢會搞成咁
希望佢可以重新振作啦 ...

招重文都唔差,果時好多勁人,山度士,李健和,巴貝利,偉君龍

hang128

原帖由 yamamoto 於 2010-6-27 13:44 發表
指球壇今非昔比 「陳肇麒不算突出」

(明報)2010年6月27日 星期日 05:10
【明報專訊】港隊在去年勇奪東亞運足球金牌，令人對香港足球刮目相看，但譚兆偉認為環顧當今球壇，沒有哪個本地球員特別突出，外援質素亦下降，直言「 ...

歐偉倫就麻麻啦,射又唔得,衝又唔得,反而龍仔就得啦,又有樣,唉,可惜啦

hang128

原帖由 JC 君 於 2010-6-27 14:01 發表
呢個係一個循環問題

球員薪酬低,要兼顧生活水平難高到那裡,

球員薪酬高,譚兆偉也經歷過,
安於現狀,不求再提升水平...

日韓有球員可外流,但香港的球員卻沒人要,
譚兆偉自己和口中的球星也一樣己矣,

有 ...

現實d講,係香港踢波,餓你唔死就算架啦,你講d目標,發夢就得,你睇連姚學文,同阿邊個都做消防就知啦

hang128

係香港玩體育邊有前/錢途架,d老豆老母叫d靚仔去玩體育只係用來入d名校架ja

hang128

話送就送咩,你肯放拒出去,人地肯唔肯要先,呢個要稔啦,第2,香港足總同球會支唔支持先,唔支持人地要你都冇用,唔通d當地洗費要偉仔貼咩,第3,唔好話足球,好多時香港人對於離開香港都好唔願意,例如話反大陸做野,反ja,唔係叫你長駐,都已經聽到d唔願意既聲音,肯去既,就問你d伙食ar,住宿ar,嘩,你唔稔下你為我付出d咩,就要求多多,你估你係邊個ar

Wandererjc

原帖由 hang128 於 2010-6-27 18:58 發表

現實d講,係香港踢波,餓你唔死就算架啦,你講d目標,發夢就得,你睇連姚學文,同阿邊個都做消防就知啦

咁低水平o既波,送飛俾你都唔睇啦,咁又憑乜振興球市先

發夢,都要肯發至得架

yamamoto

原帖由 hang128 於 2010-6-27 18:54 發表

招重文都唔差,果時好多勁人,山度士,李健和,巴貝利,偉君龍

招重文都好勁呀
記得有次南華對沙地球會
佢既罸球命中目標
緊緊俾艾迪耶亞救出
依家仲有邊個香港球員射到呢d波

yamamoto

原帖由 JC 君 於 2010-6-27 19:41 發表




咁低水平o既波,送飛俾你都唔睇啦,咁又憑乜振興球市先

發夢,都要肯發至得架

旺角場未裝修個陣
我都有入場睇波架
家陣真係冇囉
要我去到大球場或者新界睇波
我呢d九龍人真係懶去球場囉