一世一阿仙奴俱樂部~~續篇一

joeiemok

原帖由 lemonhead 於 2010-4-7 16:05 發表
乜嘢叫捉隻老鼠入自己米缸 依家一清二楚啦 貪平唔使錢簽d過氣奸細返嚟 又一次出事 頭兩球都係朱維朱0既問題 上季簽佢返黎之後都知貨不對辦啦  我令願雲加一開始用伊保或者沙格拿打中堅 好過 唔係 ...

非常同意 Lemonhead 兄所講：知道連桑治都落唔到場就真係個心都已經涼了一大截！如果有氣有力量既佢今場可以師職代中堅泊住華美倫再利用番中場迪那比做第一道屏障作掃簜！就算真係輸都唔會輸咁大比數！要用到豬維豬達做中堅....唉....果頭眼見老賓射入作客入球，我地班友開心到粗口都未講撚完，就見到豬維豬條粉腸居然解圍變咗撞牆比美斯射咗記咁鬼靚既入球！挑......! 咁都未撚算慘，最慘係見到華美倫佢地報越位作鳥獸散既時候...伊保條柒頭又喺呢個時候犯埋d最致命既低級錯誤：佢一條友包洒成條越位防線！吊佢老味！眼見華美倫要即刻飛番轉頭同艾蒙尼亞要出迎去截擊美斯！咁近距離門將出又死唔出又死！擋到美斯第一野都擋唔到第二野啦！呢兩球就真係輸得好冤枉！都已經唔計路斯基空洒唔知射咗去邊度？拿斯利就過份的盤摟！你真係當對方丹尼爾死既咩？禾確特...我冇野講了！落番U21啦！踢乜鬼野歐聯啫！

雲加都有責任㗎！次次都係到七十幾分鐘至肯換人！明知伊度阿度達施華已經唔係狀態好㗎啦！佢重要係果種需要在場上多一點時間去投入比賽節奏既球員！你雲加放佢出嚟踢果十鳩幾分鐘！即係擺明投降啦！作為兵工廠球迷有乜辦法唔失望吖！？

唉....講失望其實我地球迷只能夠排第二！最失望係隊長費比仔呀！上場踢斷腳打甩比幫球隊追和等你班友可以係魯營球場一拼！點知輸得咁鬼肉酸！
歐聯已經喪屍於西班牙！聯賽你都未必過到車仔！下季你雲加都好難有籌碼去留費比仔喇！唉............FxxK It!

LGK1號

下季再來. 加油.

rick0613

c hing 唔好怒啦， 唔输都输咗。 期望下季再来啦。唔好怒气

Tommy232

原帖由 joeiemok 於 2010-4-7 22:17 發表


非常同意 Lemonhead 兄所講：知道連桑治都落唔到場就真係個心都已經涼了一大截！如果有氣有力量既佢今場可以師職代中堅泊住華美倫再利用番中場迪那比做第一道屏障作掃簜！就算真係輸都唔會輸咁大比數！要用到豬維豬達做中 ...

Joeiemok兄。 歐聯8強出局。阿仙奴迷一定失望。
不過事實真係唔夠人踢。主場打和2；2加上3名主將受傷。
無埋桑治。作客希望贏巴菜。 真係需要奇跡。
法比仔去留。視乎球會夏天買人誠意。
球會年年賺錢有盈利。 球迷永遠入場支持球隊。
連主場對狼隊都可以全場爆滿。
阿仙奴高層和雲加應該拿成績來報答球迷。
今日在XX日報看到下面文章.
唔多唔小對雲加買人方針有意見。
我對阿仙奴的愛，情深、緣淺。我認識兵工廠，我欣賞阿仙奴盲目地低調地愛上槍手，然而，低調不等於愛得不夠深，我同樣會隨着球隊的戰績起落而心情跌盪、茶飯不思。
同是豪門、同為 4-3-3，阿仙奴在巴塞面前，實在有班門弄斧、小巫大巫之嘆；看着愛隊慘遭施暴、美斯扭施維斯達易過扭雪糕筒，實在覺得兵工廠太不自愛。個人認為，問題出在我欣賞的領隊雲格身上。
多年來，雲格被冠以「教授」名銜，除以美麗足球掛帥，主要還是讚賞其在球會經營上的支出與成績取得平衡；我不知道「教授」是否沉醉於此名銜，或是「花小錢辦大事」的自我感覺良好，只是他對守財的偏執，確令我摸不着頭腦。
前幾年阿仙奴起新球場令經濟拮据沒錯，但近年董事局已多次表示有錢讓雲格增兵，去季的艾沙維、今季的華美倫，沒錯都是上佳收購，卻只是小修小補。正選易傷、後備兵弱、嫌棄老將、小「兵」久扶不起，不花錢擴軍，如何滿足一隊豪門的雄心？
愛之深、恨之切；愛一隊波，就像愛一個人。只要有愛，無論優點、缺點，我都會義無反顧地接受。儘管阿仙奴近年不斷令我等「粉絲」失望、痛苦，但我不會放棄希望；我會默默等待着、守護着，期盼昔日美好回憶重來。

rick0613

Tommy兄 对阿仙奴的爱， 就同全世界千千万万的球迷一样， 爱到茶饭不思， 爱到甚至有时睡唔着觉。 无一个球迷想睇到自己喜爱的球队输球，除了尽力咗，真是无办法就作罢。但是同是豪门， 踢出来的水准差一截，真是接受不到。 温加一直以来第买卖人方面其实都好令人摸不著头脑，卖Vierra，卖pires，卖伦伯格，放走Hleb 和 Flamini， 但是并没有签返第可以以实力补空缺的球员，坚持用队中第后生仔来顶上。可惜第后生仔经验没到家，导致球队战绩时常都起落不定，缺乏稳定。板凳深度浅，主力伤晒，替补第球员水准低半截，点样踢？

教授无可否认是公认的最佳主帅之一，签人一直都有自己一套哲学。但是这几年签的人除了Arshavin 和 华美伦， 其他第都达唔到独当一面第水准。全队感觉上是靠几个主力仗住，没咗他们，第波就踢到屎晒。试问如何可以赢个冠军给球迷睇?

Tommy 兄一席话， 说出全部球迷的心声，心服口服！

Tommy232

原帖由 rick0613 於 2010-4-8 13:04 發表
Tommy兄 对阿仙奴的爱， 就同全世界千千万万的球迷一样， 爱到茶饭不思， 爱到甚至有时睡唔着觉。 无一个球迷想睇到自己喜爱的球队输球，除了尽力咗，真是无办法就作罢。但是同是豪门， 踢出来的水准差一截，真是接受不到。 温加一 ...

RICK0613兄。 不好誤會。 上面文章我轉述今天一張報紙。
我無這樣好文筆。
每場阿仙奴比賽。我一定會看。 有時重复看多次。
每次輸波我一樣很失望。
愛之深，恨之切。 每一個球迷都喜歡自己愛隊拿錦標，有好成績。
看到阿仙奴擊敗曼聯拿足總杯冠軍。 我開心整晚都不想睡覺。
看到阿仙奴06年輸給巴菜歐聯夢破。我自己一樣很失落.
等了又等。今年很大机會會和過去一樣。失落任何賽事冠軍。
阿仙奴迷又要多等一年。

rick0613

原帖由 Tommy232 於 2010-4-8 14:26 發表

RICK0613兄。 不好誤會。 上面文章我轉述今天一張報紙。
我無這樣好文筆。
每場阿仙奴比賽。我一定會看。 有時重复看多次。
每次輸波我一樣很失望。
愛之深，恨之切。 每一個球迷都喜歡自己愛隊拿錦標，有好成績。
...

原来是报纸 等我以为Tommy兄第文采，好似再世唐白虎  (开玩笑）

oklaqua

原帖由 rick0613 於 2010-4-8 17:10 發表


原来是报纸 等我以为Tommy兄第文采，好似再世唐白虎  (开玩笑）

識欣賞刀 5 簡單

Dane

其實 阿記已經幾年 都連 盃仔都無 (聯賽盃又練兵) .但係 我地 仍然 忠心 去擁戴
不過  雲格  唔好再成日  話 我有錢 不過 我唔 "亂" 買 .....
我地 真係 唔夠 勁架 ..... ... 我地睇到, 唔信 雲生 你睇唔到
年年 都 一班頭 ; 頂班尾 ................. ...又要近 3張 當打都 唔想要 ,
............ ...... 點算呀

joeiemok

Joeiemok兄。 歐聯8強出局。阿仙奴迷一定失望。
不過事實真係唔夠人踢。主場打和2；2加上3名主將受傷。
無埋桑治。作客希望贏巴菜。 真係需要奇跡。
法比仔去留。視乎球會夏天買人誠意。
球會年年賺錢有盈利。 球迷永 ... [/quote]

Tommy 兄：唔好再講歐聯呢場慘烈之戰喇！現在小弟剛剛看著衛視體育台播番足總杯經典賽事回顧2002/03：阿仙奴 vs 車路士 八強重賽！
當年既陣容：有享利，龍格保，韋拉，韋托特，帕奴亞，皮利斯，蘇甘保，羅倫，伊度 及 高路托尼等等！對方當時有蘇拿，林伯特，泰利，辛頓，米知諾，古莊臣及赫索賓基等等！
看中場一個帕奴亞就踢到你林伯特一棟都冇！波都未掂到就一野趙低你！都未計當時後防重有好Fit 既蘇甘保加上羅倫同高路托尼！韋拉 vs 泰利 就直情好似大人教訓小朋友咁樣撼都冇得撼！當時咁強勁既兵工廠陣容在所有大賽都唔係一定贏硬啦！（呢場賽事兵工廠贏 3:1) 更何況現在的兵工廠！唉......!

雖然己隊有著光輝的歷史過去！但要面對歐州列強的體力化踢法！現在己隊的實力一定是不足夠的！在今屆歐聯便看得一清二楚了！就算 Full Team 上陣：如 雲佩斯十足狀態，沙皇同費比仔都冇事都一樣唔夠打！沒有一個強力中鋒去衝擊同破壞對方後防！自己揾到食同時亦比機會輔鋒作後上絕殺！己隊沒有呢一泛！而車仔就有渡奧巴！費sir 就有朗尼！利物蒲雖然今年唔得但不能否認：費蘭度托尼斯真的是一位很好的世界級前鋒！而巴塞擁有球技超凡的美斯...沒話好說了！

身形也是一個大問題：己隊除了門將，老賓 同 迪那比之外，差不多全部都係矮仔！論到數到糊的沙皇，拿斯利，達施華 及 費比仔 身形並不高大！盤球運球打小形球當然冇問題！但敵方打緊迫盯人，又或者用高佬去恰你矮仔破壞你角球又或者由得你喺禁區出面係咁盤球傳球但你就硬係冇得有機會去射門！咁就死啦！呢種情況喺呢一代既兵工廠差不多場場都會發生！你雲加真係當其他領隊唔去睇錄影去研究點樣對付你剩係識地面呢一泛牙！？由其是d 中下游比佢地入到你一粒就縮晒去後面企圖守死你！就算比你好辛苦入回一粒都和你累你失分！真係冇乜優勢可言！

再者就算今次過到巴塞都過唔到國米！未計身形很好的巴路迪利！欄捷很好的金比阿素同射得傳得的史坦高域！森美爾同捷和出咗名係國米既殺人王！老賓同達施華佢地真係太單薄！唔夠踢的！
真係：一個強力中鋒加一個中堅泊住華美倫！兩個人啫！雲加！來季真係要好好去物識喇！

加油兵工廠！加油艾朗藍斯！好好完成今季聯賽！

[ 本帖最後由 joeiemok 於 2010-4-9 01:49 編輯 ]

rick0613

真是希望Arsenal 第领导层可以感受到我地呢第忠实fans ge feeling， 能够打一篇gam 长ge作品来帖都需要时间。Joeiemok兄差唔多场场波都有一份报告，篇篇都gam 长， 可见真是用心良苦！ 如果阿记第球员和领导层识睇华语字， 真是应该给他们睇睇 一世一阿仙奴俱樂部 d 帖，给他们知道我地等个冠军等到颈都长晒！

一世一阿仙奴俱樂部

Tommy232

Joeiemok兄， 大家都係阿仙奴迷， 呢幾年一個冠軍都無。
再加上對住曼魚， 車路士輸多贏少。唔心痛就假。
謝謝你講返02-03 足總杯贏車路士陣容。
我敢講現在阿仙奴球員在個別質素一定輸給02年個班。
身体對抗性更加輸幾班。
雲加呢幾年好喜歡用/買一些身材矮細球員。
可能雲加覺得身材矮細腳法和技術好D适合他要求地面進攻。
仲有阿仙奴進攻太多短傳 和以前比較慢左很多。
我喜歡以前快速進攻。兩三下便入到禁區射門。
以Henry 和現在雲佩斯和賓仔相比。更加無可能比較。
賓仔現在表現最多好過利物浦尼哥少少。
雲加今個夏天唔買人。來季會和過去4年成績一樣。
我們阿仙奴迷靜心睇下雲加會點樣投放錢在轉會市場上

~celtics10~

原帖由 Tommy232 於 2010-4-9 10:57 發表
Joeiemok兄， 大家都係阿仙奴迷， 呢幾年一個冠軍都無。
再加上對住曼魚， 車路士輸多贏少。唔心痛就假。
謝謝你講返02-03 足總杯贏車路士陣容。
我敢講現在阿仙奴球員在個別質素一定輸給02年個班。
身体對抗性更加輸幾班 ...

當年個陣同而家比差duck遠

joeiemok

rick0613兄！希望你不要嫌我每次都長篇大論！哈哈！
我很開心有這麼多兵工廠球迷朋友在這裡大家一齊看完球賽吹吹水！說點激勵說話對球隊作出無形的支持！
只是球隊去到這個世代好像到了某個極限！不能贏取賽事錦標！還要不只是一兩季的事！
這對球隊作為英超前四 somehow we call them: BIG FOUR! 是不可能服眾的！對我們世界上每一位兵工廠球迷而言更加是“失望！”

中森明菜

沒有球員喜歡30歲就好似過晒氣咁被賣走.....

享利都要走.....

點解加利佬,史高斯曼聯仲俾合約佢地....

你地成日話要賣邊個邊個....根本上好球員有選擇都唔會揀阿仙奴

joeiemok

Tommy232兄：當年的阿仙奴真係勁到可以將（一）隊分成 A B 兩隊去踢！人才真係好頂盛！
最令我地球迷自豪的是陣中的“星”級戰將每一位都是由球隊製造出來成長出來！而不是花大錢買回來的！
雲加呢個把戲由那時開始玩到依家！但開始有點失靈了！
我個人而言是很擁護他繼續帶領住兵工廠去同所有列強鍊過的！他始終是不二之選！
只是：每年總有球季完結同冬季一月轉會兩段時間比你去買人！給你機會所謂的重整球隊！
況且不是叫你去買明星吖！你寧願要豬維豬，蘇甘保 都唔要韋拉！人地之前都開到口講到明只要你雲加出到聲請我回猷長球場，佢跟本唔會去曼城！就算不是這些舊將，以教授在法蘭西的人面，都總會有d法國兵應該買得到用吧！
華美倫 - 一個咁成功既收購！你點都要買多個人同佢分擔吓啦！唔好次次都要玩死佢同艾蒙尼亞至得㗎！看車仔門神施治都要前面有泰利同卡華路一齊頂住至掂啦！加拿斯雖然經驗豐富但畢竟開始多傷患了並鮮有出場！要重回好狀態一點都不容易！
唉........只能又睇吓來季再看看雲加可以又點！？

~celtics10~

原帖由 中森明菜 於 2010-4-9 22:15 發表
沒有球員喜歡30歲就好似過晒氣咁被賣走.....

享利都要走.....

點解加利佬,史高斯曼聯仲俾合約佢地....

你地成日話要賣邊個邊個....根本上好球員有選擇都唔會揀阿仙奴 ...

G施華刀要走 人地E家仲係巴西國家隊長

Dane

希望下季  法比仔  留隊 , 再加D 醒神 收購 啦 .........

rick0613

Gallas都已经老咯，严格来讲根本是分担唔到华美仑ge重担，Campbell和只猪更加不晒讲，第速度慢到分分钟南华第前锋都可以轻易过他。所以一个实用又年轻d ge中卫搭档华美仑是势在必行。以前仲以为Senderos可以挑起中卫ge重任，点知？ Wenger总是喜欢捡d便宜货回来当宝。就比如只猪，话他d经验老到丰富，可以指点d后辈。但是踢出第水准真是连d后辈都不如，鬼要听你指点咯！呢几年都放左唔少近30ge好球员，都收返唔少钱，真唔明白点解唔用第钱来补一补队中ge弱点。Arsenal其实真是有实力拿冠军，每年都有好开始，往往到左半程就有第漏气，后程更唔晒讲，就好似以家gam主力受伤，d板凳后备实力唔掂，结果我地就睇住一个一个垂手可得ge奖杯，又入晒曼鱼和车仔袋。激到爆  之前听闻对Chamakh 有兴趣，唔知签唔签得成，希望今季可以幸运绞低车仔同曼鱼，拿个联赛冠军，下季签返少少才华之人补一补队中不足，再次建立返一队好似当年有杀错，没放过ge不败雄狮！

中森明菜

原帖由 ~celtics10~ 於 2010-4-9 23:49 發表


G施華刀要走 人地E家仲係巴西國家隊長

呢D球員可以壓場啊,根本上以老帶新係WORK......