專一定花心(我的愛情故事)

假波男

仲有一個原因,就系芸一向都知道我對個個人都好,
會好易有女仔誤會痴埋來,而且我又系一個隨遇而安的人,
佢比較內向,識人冇我咁易,容乜易等等下,我就拖住第個,
佢就人老乜都冇?
況且當日我話唔去讀書個陣,大家都未知將來點,所以冇承諾乜野,
所以既然有人中個頭埋來,就都殺住先,好過冇.

亦冇稔過我幾年來連散拖都冇拍過.一心一意得佢一個

假波男

知道事情後真系好嬲,不過唔發作得,
幾個原因:
1.既然當日冇承諾,今日又點可以怪佢?
2.放棄我的權利是我甘心命抵的事,而家話好唔抵?
3.更重要系發老脾只會即散,冇得救了.

於是盡量用最溫柔的聲氣同佢講:
"妳仲記唔記得我應承過妳乜呀?"
"乜呀?"
"我應承過妳,無論妳做錯乜我都唔會鬧妳嗎!"

攬住我喊得更利害了

假波男

我人有一樣野較為與眾不同,
平時可能會衝動,會好易扯火,有時亦會騰雞,
但遇到真系大鑊野,人反而會好冷靜.

送芸回她APARTMENT後, 我一路揸車,
一路話俾自己聽,總要定,要小心,慢慢稔清楚下一步點走,
呢單野唔系踢波,俾人趙左一野幾大都立即踢番佢一腳,
就算系踢,都要等球証唔在場或睇唔到至還拖啦!

假波男

芸仲有差不多一年先畢業,
即系我有差不多一年時間補鑊,
而家好在形勢調轉,條粉仔在加州做緊實習医生,
冇乜時間見芸,
我則在芸身邊,要搶番過來都唔系冇可能.
寫低二人優點弱點,然後度好STRATEGY還擊,
好,一於咁話!

假波男

ching cjer 們唔好意思,
寫到粗俗字眼"粉仔"都出埋,
不過冇辦法,到而家廿多年後稔起,
都仲有的扯火!

假波男

公司個GM真系好有料,教我SALES & MARKETING 之余,
也教我媾女之道,
事緣有次佢女友上來公司搵佢,我覺得好面善,但又稔唔起邊度見過,
問坐我隔離幫我打單個鬼妹仔,鬼妹仔好SURPRISED我唔識佢,
話佢咪就系BROOK SHIELDS 囉; 跟住一口氣講話佢系幫公司
拍廣告時識到老細既,跟住好快就打得火熱,俾老細上左,
嘩,我當時十分仰慕,也直接同GM講話可唔可以教下我追女之道,
開正佢個瓣,更加落力教,我則當正佢系偶像咁.

[ 本帖最後由 假波男 於 2010-1-30 21:59 編輯 ]

假波男

在我努力再加上GM教的必殺技,
芸真系漸漸回到我身邊,
有時在佢APARTMENT,碰到條友打電話來,
都系冇乜野講,一句唔該就丙條友;
反轉頭對我,就冇晒以前的千金小姐野蠻野,
在這方面,也FEEL得到我在芸心目中,
我地位系高過個條友.

[ 本帖最後由 假波男 於 2010-1-30 22:09 編輯 ]

假波男

不過我亦唔敢鬆懈,
心中知道這只是暴風雨前夕而已.

mastertim

原帖由 假波男 於 2010-1-30 21:01 發表
ching cjer 們唔好意思,
寫到粗俗字眼"粉仔"都出埋,
不過冇辦法,到而家廿多年後稔起,
都仲有的扯火!

正常,無問題,因為我肯定你係男人,話知你讀到博士,唔扯火就唔係男人,你話我大男人都係咁話.

mastertim

原帖由 假波男 於 2010-1-30 19:11 發表
找了一個較好機會,問芸.
芸一開始就喊,講來講去都系話對我唔住.
心中已估到九成系乜事.

慢慢同佢傾,終於知道詳情.
條粉仔在STANFORD讀医,大幾年,見到芸驚為天人,狂追,
此事發生在我決定唔過美國讀書時,當時芸十分失 ...

ching我記得你講過你的芸係上海人,如果無記錯的話,你就真係唔知上海阿媽响家庭中對仔女的影響力有幾大,我可以話你知大到想唔到.
係好大,好大,每人都有一個故事,我的遲d有機會話你知.

假波男

原帖由 mastertim 於 2010-1-31 00:23 發表
ching我記得你講過你的芸係上海人,如果無記錯的話,你就真係唔知上海阿媽响家庭中對仔女的影響力有幾大,我可以話你知大到想唔到.
係好大,好大,每人都有一個故事,我的遲d有機會話你知. ...

有機會一定要聽下ching的故事!

假波男

原帖由 mastertim 於 2010-1-31 00:15 發表
正常,無問題,因為我肯定你係男人,話知你讀到博士,唔扯火就唔係男人,你話我大男人都係咁話.

絕對同大男人主義冇關,
如果連自己所擁有最寶貴的都唔盡力保護,
就根本唔系人了.

假波男

原帖由 mastertim 於 2010-1-31 00:23 發表
ching我記得你講過你的芸係上海人,如果無記錯的話,你就真係唔知上海阿媽响家庭中對仔女的影響力有幾大,我可以話你知大到想唔到.
. ...

當年呀婆在生,有句口頭禪:
"愛妻莫如敬外母,愛兒識字敬先生"
而家回想,當年實在犯左個大錯,唔聽呀婆話,
家中唔算有,但醒目的,擦下鞋,lum下未來外母,
都可能冇死得咁慘,上海人都系人ger

[ 本帖最後由 假波男 於 2010-1-31 08:07 編輯 ]

假波男

有個心願,過年前埋左尾佢,
唔想大家新年流流睇的掟煲離婚失戀野
咁大吉利是.

假波男

我去妞約時是夏天,天氣很好,有假期都會到處走走,
芸比我早到,但因為治安唔好,兼顧住讀書,都冇去過邊度,
有我在身邊,都會一齊到處行下,staton island 啦,,自由神像啦,
算系唔錯既節目,自由神像上面,要行樓梯,一邊上一邊落,
對芸來說很疲勞的一件事.回到地面她腳很痛,
沒法,我又唔夠大隻,可以mer住佢行,
唯有叫佢除左對尖頭鞋,著我對,我就赤腳行,
仲要同佢挽鞋!
傍邊有個呀姆睇到,話"how sweet! reminds me of my first love"
芸笑得很甜.

假波男

夏天過去,秋天來,那裡唔似香港,
天氣也好,景色也好,變化都很明顯的,
看著樹葉變黃變啡,跟著落下來,
一入冬,樹都變得光禿禿,蕭索味很重,
而且一早,五點左右就天黑,人的心情也會低落的.

芸的手手腳腳又開始冰凍,好在室內都有暖氣,沒大問題,
只是練琴個度,由於系地宰改建,暖氣唔夠,有的問題,
所以閒日佢在校練,假日先在自己租琴個度練
捉埋我去,做暖手機,而家唔摸面,因為我塊面都凍了,
索性把手放在我衣服內肚皮度,
曾經語帶雙關講笑話我有度仲暖,
搵對眼"掘"下我,當堂申脷講sorry,以後唔敢再搵呢樣野講笑.

[ 本帖最後由 假波男 於 2010-1-31 08:47 編輯 ]

假波男

公司方面工作,還算順利,
office幾丁人,男男女女都系鬼,
warehouse方面,一個manager,一個鬼妹入數,幾個人做repair兼搬貨,
得我一個中國人,由於我是香港派過來的,也算對我客氣,
不過文化背景不一樣,亦不會同我埋堆,
有人可能會覺得系種族歧視,
但我只是覺得系道不同不相為謀而已

假波男

一日,合該有事,一早收到一個化驗室打來電話,
話我送過去的sample冇instruction manual亦冇spec.
我話唔好意思,等我查一下.
收線後問鬼妹仔,Katie(即鬼妹仔)話唔通倉攪錯,因為sample系由倉寄過去,
跟住打電話落倉,倉話系聽佢指示做.
都唔使聽落去,攞條車匙就走,先去lab攞番箱野,
跟住去另一個客度話,系自己錯,送錯左箱辦來,想換番,
客是老人家,企系度俾佢訓話左半個鍾,
好彩呀爸以前訓練有數,企直,唔駁咀,只答"sorry sir!" "yes sir"兩個版本,
終於放人,仲陪我行出門口,"young man, you are ok, keep it up"
再開車送番箱正確既辦去lab, 先至鬆一口氣.

後來聽人講,個客以前系軍官,惡到飛起,的人做錯野仲駁咀,
會俾佢攞支槍出來打死咁交關,我就真系好彩,
而且後來事業仲得佢幫助添,那是後話.

[ 本帖最後由 假波男 於 2010-1-31 09:19 編輯 ]

假波男

的野攪掂就算,都冇放在心,因為心只放得入芸一個,
過左幾日,落warehouse,
一行入去,個warehouse manager就大叫
"Here comes Katie's hero!"
成班人起身拍手,先稔起乜事,
"This China Guy is OK"
"Not bad, can be our friend"
....
的英文唔好,又唔知鬼佬習慣系點答,
只有用港式英文,"SMALL THING, SMALL THING!"
入數個十三點妹仔,學我口音
"士摩佬丁,士摩佬丁" 仲用手勢指住我jj位置,
成班友笑到PK!

mastertim

原帖由 假波男 於 2010-1-31 08:04 發表

當年呀婆在生,有句口頭禪:
"愛妻莫如敬外母,愛兒識字敬先生"
而家回想,當年實在犯左個大錯,唔聽呀婆話,
家中唔算有,但醒目的,擦下鞋,lum下未來外母,
都可能冇死得咁慘,上海人都系人ger ...

對於當年17,18歲的你來講,此要求未免太高,當年你腦內只有你的芸,總會去想其它.