King Castle 二巡

一燈大支

上次星期四去完KC1，口頭上應承咗條女星期六再落去。為方便起見，就叫囡囡做L啦。佢星期五已經問我落唔落去，我就因為係日按日，所以冇去到。

星期六食完晚飯，去到Patpong諗住去Badabing睇下，去到唔知佢係裝修定已經執鬼咗，我諗執鬼咗嘅機會大啲。嗰條街有間叫Virgin嘅，門口睇啲女都唔錯，或者今晚去巡一巡。之後喺夜市行咗個圈，冇乜嘢睇，跟住就入咗KC3。

一入到去，見有個貌似日本人、幾型仔嘅中佬已經開咗個24杯塔畀佢條女。不過入面其實都幾冷清，好似連埋我得四枱客。坐低之後媽咪認得我，即刻拉咗L過嚟。L離遠岳高頭望一望我，個樣仲好似「吓？你今日都搵我呀？」咁，都有啲戲。

L同我講話Patpong呢邊好靜。我自己就覺得KC3呢邊好大陣廁所味，DJ又屎，一號店好好多。加埋因為場靜，媽咪、經理可以完全擺晒所有attention喺你張枱度，飲你啲酒。我已經見親佢哋埋嚟玩都起身話出去食煙，但係佢哋面皮都幾撚厚，中段仲要玩猜輸飲兩杯。

今晚再去，一坐低都要同條女講明：我請媽咪飲兩杯唔係問題，但係買咗畀女啲酒，就等於買條女嘅時間，你飲晒佢即係Cut鳩我時間啫！我以前去過咁多次都冇咁樣嘅情形，最近兩次去都係咁！

我因為仲係好飽，所以嗌咗杯梳打水，循例兩杯lady drink起頭。坐低摸摸手、敍敍舊，兩杯眨眼就飲晒。叫媽咪攞menu嚟，媽咪笑笑口指住最低嗰一行：60杯，大塔，12,000泰銖。

我諗住十點都未到，係唔係都叫㗎啦，就佢啦。

條女好surprise，問我：「真㗎？」好似真係幾開心咁。之後又話做咗咁耐，都未試過有人買呢個畀佢。點都好啦，好過有啲女買埋個樣都好似唔在乎。

一燈大支

咁我哋咁多杯，啲媽咪呀、經理呀，梗係過嚟一齊猜，想快啲清酒。玩咗一個鐘頭左右，L個姊妹落到嚟，咁我梗係畀面叫佢坐埋啦，況且都係舊相識，我原本已經喺佢Line入面。先嗌咗十杯畀佢，佢應該都幾鍾意飲嘅，入面有五杯係真Tequila。

跟住都係循例嗰啲啦，媽咪、經理、知客一齊過嚟又猜又飲，兩個女仔喺身上面又跳又磨。途中隔離枱個貌似日本客又坐多兩個女仔，又叫咗唔少酒，兩邊都玩得好擾攘。

玩下玩下，兩邊啲小姐開始互相挑釁。嗰邊個客同佢啲女突然企起身，拎起成大疊單，望住我呢邊一路跳一路fing。我呢邊兩個女仔見我笑笑口冇啋佢，又捉埋我企起身，佢哋就揸住我啲單喺度fing，跟住我哋就同對面battle跳舞。

對面個大叔最後舉起杯酒向我呢邊，佢一舉，我又舉起我杯酒，遙距碰杯，大家都friendly嘅。跟住啲女話對方都係中國人，我冇特別走去問人係中國、台灣定香港。不過佢打扮得好整齊，係一個幾型仔嘅中坑。

我應該因為唔夠瞓，開始有啲虛。不過之前呢度嘅大C兄話會過嚟搵我，啱啱好佢有聯絡。嗰時都好似十二點左右，我就諗住佢落嚟碰一杯就走，點知佢去咗另外路口嗰間KC，我就等佢埋單再過嚟。

一燈大支

咁啱大C兄嚟到，佢哋又諗住閂KC3，搬晒過去KC1，我就諗住乘機走人。

大C兄入到嚟都坐唔低，唯有一齊過咗去KC1。L個好姊妹又吹話要搵夠30杯先至可以返屋企，我夾埋淨係買咗20杯畀佢。不過知我話想走，就話算啦，跟住又話如果真係想走，佢可以自己買。

咁我見都想同大C兄講兩句，就埋單過去KC1啦。

我袋咗兩萬二泰銖左右出嚟，拎埋銀行卡，諗住唔夠就去撳。找數嘅時候一望，小喇叭，帶錯卡！埋完單得返三千幾泰銖喺身。

過咗去KC1，同大師兄出去食煙寒暄幾句。大師兄堅呀，KC熟悉人物，啲媽咪都話成日見佢，又識泰文。同佢企喺門口食兩支煙，都見有兩條女係咁撲埋去攬佢，果然係食家。

跟住入返去，嗌多十杯，加一杯畀前日坐過嘅女仔。玩多半個鐘頭左右，真係攰，要走人。

今晚同L玩得好開心，聽咗佢人生嘅故事，好似都幾真心，雖然內容都係千篇一律。

最搞笑係大師兄望下我啲女，話我都玩得幾雜。所以「可食用率」呢方面，大家都係唔好信我，因為我長駐外國，半個farang，口味中西合璧。

成晚夾埋飲咗兩萬泰銖左右。

星期二約咗L同佢姊妹去食晚飯，原本諗住去坐船，而家好似改咗去乜Q天空餐廳。

咁啱星期三同六巷妹去沙美島。
Perfect timing！

yhcm

nice report , 期待下集