甜心YOYO好夢幻

力王ER

唔使飛韓國! 深圳灣萬象城變身粉紅童話鎮巨型YOYO打卡一流!

一出地鐵行到去春筍草坪,遠遠就已經見到兩隻超級巨型、得意到暈嘅 YOYO 喺度同你打招呼!一隻喺粉色禮物盒度彈出嚟,另一隻就企喺雙層蛋糕上面揸住巨型波板糖,成個畫面好童話。

呢度啲佈景製作超級有誠意,完全唔係hea搞!最正係完全免費入場任影,而且戶外空間感極大,完全冇香港商場 pop-up 嗰種逼夾感!可以好舒服咁搵角度,連埋背後嘅深圳超級地標「春筍」一齊影入鏡,張相出嚟超級大氣,呃 Like 話咁易!現場仲有一架純白配粉紅嘅 Sweet House 甜品車同埋超大塊粉紅自拍鏡,打卡位多到根本影唔晒!

盲盒控注意啦!!現場仲有最新嘅 icon box 手辦盲盒展示牆,同埋限定版戴住生日帽嘅 YOYO。睇見實物真係好難忍手,分分鐘買到停唔到,準備定銀包大 出血啦!喺香港買盲盒又貴款又少,過到嚟緊係要大手入貨啦!