靚到犯規！以為去咗沖繩

力王ER

有山、有海、有瀑布
呢度係位於大鵬東涌嘅馬料河,雖然有個嚇人嘅稱號叫「死亡之谷」,但其實風景絕對係天堂級別!

行到中段,一定會被眼前嗰個超巨型天然海蝕洞震撼到!企喺前面打卡,成個人變得超渺小,充滿探險電影嘅Feel,出片率絕對係100%!行到出海口,仲可以見到懸崖瀑布直接連住大海嘅絕景,望住個無敵漸層玻璃海,真係會有種「飛咗去沖繩或者布吉」嘅錯覺呀!

成條小環線雖然有13KM,但識玩一定係淨係行精華段嗰1.5KM!河床啲石頭全部露出水面,著普通波鞋去都唔怕整濕對腳。全程有山路、海岸線同溯溪路段,空間感極大,比起香港週末行山條條徑都塞滿人,呢度真係可以獨霸大自然!最過癮係沿途海岸線經常有快艇經過,行到劫仲可以隨時「截艇」走人。