放假唔想再同人迫商場

力王ER

個個週末上深圳都係飲飲食食行商場,真心悶。

今次介紹一個好地方，呢度原本係建於清朝嘅客家村落,足足有近300年歷 史!依家就活化咗做藝術社區。行入村,第一感覺係 「嘩,好靜呀!」成個環境被綠色植物包圍,爬滿藤蔓嘅斑駁古城門真係超有Feel,打卡一流!

最正嘅係佢完美融合咗「古舊」同「現代藝術」。轉個彎,會見到傳統客家排屋嘅白牆上面,畫滿咗色彩鮮艷嘅Graffiti;仲有嗰個「游藝堂」嘅七彩木 門,配埋地道嘅竹編壁畫,隨手影一張都好似雜誌封面咁,充滿視覺衝擊!最愛就係嗰個放喺國畫前面嘅月亮鞦韆,坐上去吹下風,平時返工嘅壓力真係一掃而空~

點解值得去?香港真係好難搵到一個地方有咁大片古建築,仲要免費任你行、任你影,完全無伏味!重點係無嗰種逼到唞唔到氣嘅商業味,可以舒舒服服咁慢 步,感受下真·慢活節奏。



廣東省深圳市龍華區觀瀾街道牛湖社區 「俄地吓藝術村」

howardwo

歷史文化之旅，有益有深度！