原来很多温柔，只是天性，并非特例

Frankqqq

故事由校內棋藝大賽開始，當時只隨便傾計幾分鐘，大家只係點頭唔太熟的同級同學。DSE完咗之後兩年嘅某一日,我心情差發ig，係她主動打一大段文字開解我，關係先慢慢熱起來。

之後我幫襯佢生意，拎嘢時順口講想周圍行下,佢二話不說主動話陪我一齊逛；有一晚我心煩打電話搵佢，傾足好耐，大家講晒平時唔同人講嘅軟弱：我細個屋企人偏心嘅經歷、佢長期失眠同低血壓嘅困擾、人際相處嘅委屈，連私密嘅夢境、心底諗法都毫無保留傾，大家諗法超夾。

佢成日會主動問我近況、分享食譜仲笑住等我煮飯俾佢食，傾計氣氛輕鬆又親密。我一直以為，呢種毫無隔閡、活潑主動嘅相處模式，淨係對我先有。

後來先見到佢同其他人相處嘅樣：面對其他熟絡嘅人，佢一樣會改可愛花名，鍾意整蠱逗人開心，但凡係身邊熟嘅男生，佢一向都係咁溫活、唔設防。

睇清楚之後唔失落，只係拆開自己一廂情願加嘅濾鏡。一場相遇唔知可以行幾耐，將來亦都控制唔到。唔再執著要做獨一無二嘅例外，唔强求專屬偏愛，放平心態順其自然一齊走落去就得。