福田痛樓登場

力王ER

Pop Mart 人氣 IP「星星人 (Twinkle
Twinkle)」同麥當勞搞聯乘，將成棟麥記變身做超巨型打卡位，真係靚到「嘩」一聲！

一去到門口已經俾個超吸睛嘅「巨型充氣星星人」震懾到，旁邊仲有勁可愛嘅薯條滑梯遊樂區，大小朋友見到都一定失控，成棟大廈嘅玻璃外牆都貼滿晒公仔，絕對係超有誠意嘅「痛樓」級別佈置，企喺對面馬路影埋去超級震撼。

餐廳主色調係紅、黃色，建議着白色、牛仔藍或者對比色嘅衫，影出嚟效果更 Pop 更出眾。

地點:麥當勞(深圳福田區田面店- 田面設計之都內）