物是人非

七條廿二

仲記得當年玩4台神州區，識左幾班人，12年開始由三沙一水轉場到沙灣，上埋東莞，由初級會員幾個月變超級元老。當時版主係車路仔，討論區平台比大家交流組團，仲有些在外國回流的朋友參與。其中有個帶退休金係向西村開左一世一茶餐廳。當年qq 掘起都轉玩群聚唔去夜場，沉船的、退引的，之後改版，變成而家初級會員。
今晚想講係當年外國回來的戰友，佢依然會每一年返香港兩星期，可以偷跳上深圳東莞之類。我地輝煌時玩過一次，唔知點解大班人唔再一齊玩時我竟然會反而同佢仲保持到友誼。可惜沙灣沙咀都無埋，唯有主打香港，我地去過新興、好時中心上面個間，最記得最貴係俏佳人，我帶左一萬蚊諗住豪一次埋左張酒錢，點知人均酒錢都要五千幾。
之後到疫情前幾年，我地保持每年返黎都會出去陪佢一晚老尖的泰吧，飲完就去發利行下。好景不常，疫情三年，再等兩年，佢終於可再返黎香港，隔左幾年佢屋企太多親戚，個次佢仲要夜晚11點先出到老尖玩到第二朝，兄弟擁抱，說好的保重身體，下年再見。。。之後，佢失蹤兩年。。。。
其實疫情過後好多野都釋懷，一萬幾千過眼雲煙。當年4台有條友玩過幾次，係好領隊，有晚佢問我度水，我事業準備去衝唔再打工，借兩萬比佢，結局唔洗講，每隔兩三年打比佢，睇佢報應左未。當年4台無一個肯幫佢，係得我戇鳩幫佢，但我都收到風佢周圍唱係佢借錢比我，原先想話個兩萬轉去比朋友以表心意，我知佢一定唔會收，甘呢條友差我十幾年，我咪當上世我欠佢，又或當破財擋災，有咩報應落佢屋企人到囉，反正我信因果，我行得正企得正，問我借過錢的加埋都廿萬，我都無催人還。
待續