李麗珍罕談前夫許愿「佢唔適合我，太精明」拍三級片為供細佬讀書但近年家人冇往來

GIRLAV

李麗珍女兒許倚榕早前獲男友張明偉求婚，李麗珍更大爆準女婿求婚前有問准佢先，相當識做。女兒將步入人生新階段，唔少人戥李麗珍高興之外，亦感嘆時日如飛，當年女神都就快榮升外母了！

情史豐富嘅李麗珍日前接受曾任娛記多年嘅汪曼玲專訪，提及過去拍拖同拍三級片嘅經歷。被問到數埋有冇十幾個男友，李麗珍點頭承認，但同時都自白已經十年冇拍拖。珍妹又指自己不時同前度復合。「有時一個男朋友分手之後，五年、十年後撞返，又拍多一次」。李麗珍指最經典嗰段情畀外界講到好奇妙，後來更承認所指嘅係填詞人潘源良。李麗珍認為自己要男友好愛佢，但就對對方愛得不夠。 「曾經咩生同我講過『你可唔可以愛我多一啲？』，我好奇怪佢竟然講到出面，我覺得自己好離譜。」。同時李麗珍亦試過同男友本來感情唔錯，一星期見四五日，但有日對方突然夫出分手，然後音訊全無。

李麗珍亦罕有公開提及同前夫許愿嘅感情，明言冇考慮過復合，「因為覺得佢唔適合我，太精明，我又唔可以話人哋呃我，但是後來有少少覺得係。（計算啲？）係。」

情史以外，李麗珍經常被討論嘅係喺事業全盛時期拍三級片露點演出。李麗珍直認當年係為搵錢而拍三級片，當時屋企一家六口三代同堂，細佬又想去加拿大讀書，於是問導演高志森好唔好接啲性感戲，對方話如果放得開咪試下，高亦覺得珍妹應該得。可惜嘅係，為家人付出不少嘅珍妹指，父母離世之後「冇咗個家」，細佬移民，同妹妹亦冇見面。李麗珍當時拍《玉蒲團之玉女心經》有幾百萬片酬，一度移民去加拿大生活10個月，但因為天氣太凍又冇晒朋友而打退堂鼓。

howardwo

往事如煙！