郭少芸付費聘3名小鮮肉陪拍 全程甜到漏 曾做第三者現為單身隱形富婆

GIRLAV

近年唔少TVB藝人北上發展成功，當中郭少芸絕對係轉型吸金嘅代表人物之一。早於8年前，郭少芸進軍內地市場，參與商業活動以外，更投入自媒體與直播帶貨領域，吸金力不容小覷。不過事業得意嘅佢，感情方面就失意；除咗與TVB編導鍾國強嘅戀情外，為人熟識嘅就係與已婚演員劉少君嘅戀情，當時二人因拍攝《真情》動情，其婚外情鬧得滿城風雨。其後郭少芸受訪時坦言後悔做第三者，指自己當年過份投入角色，思想未夠成熟。近日郭少芸喺社交平台分享一段短片，曝光自己花費1,000元邀請三名小鮮肉擔任「陪拍」嘅體驗。

郭少芸以卡其色風衣配搭連身裙現身，造型知性又不失女人味，三位陪拍則清一色高顏值韓系型男，當中包括專業陪拍攝影師，以及專門拍攝藝人機場照嘅攝影達人。三人分工合作為郭少芸捕捉唔同角度。被小鮮肉包圍嘅郭少芸顯得心情大好，更不忘自帶幽默感，笑言：「幸好我也是明星，這個場面暫時還嚇不到我！」影片曝光後，即引來網民熱議，唔少人留言表示羨慕，更笑指她全程笑容甜到漏。

郭少芸於1992年參選港姐，過往曾拍攝《真情》、《大鬧廣昌隆》、《法證先鋒I》、《先生貴性》、《畢打自己人》等劇集。郭少芸精於投資之道，一向鍾情購買「磚頭」。近年郭少芸趁樓市回落積極入市掃貨，除咗先後喺順德和杭州置業，更於2024年合共斥資2,600萬喺香港掃入5個單位，有地產業界人士估計如所有物業放租，租金年收可達近百萬元，絕對係圈中樓后兼隱形富婆。

howardwo

原來係咁嘅