郭晶晶晒一家五口行山照 素顏狀態下面色紅潤驚艷大批網民

GIRLAV

霍啟剛與「跳水皇后」郭晶晶形象一向正面，二人於2012年結婚，育有一子兩女，雖然出身豪門，但佢哋生活作風低調，打扮貼地；郭晶晶曾被網民發現穿著價格不到一百元人民幣嘅國產品牌波鞋，親民又健康嘅公眾形象深受網民喜愛。郭晶晶與霍啟剛不時拍拖外遊，日前佢哋就帶埋子女去衞奕信徑行山，郭晶晶喺社交平台分享行山照，意外令網民將焦點放於其素顏狀態之上，其素顏驚艷大批網民。

近日郭晶晶於社交平台分享家庭日常，曝光一家人周末外出行山嘅點滴，寫道：「Family time. 周末天氣不錯，一邊爬山一邊欣賞沿途的景色，看到不同的植物和昆蟲，也會引起孩子的好奇心停下來看看研究一下。」親子互動充滿溫馨感。照片中最吸睛嘅莫過於郭晶晶嘅素顏狀態，當日佢頭戴Cap帽，身穿簡約運動裝，打扮隨性低調。從照片中睇到，郭晶晶零妝上陣，不過其皮膚依然細緻透亮，面色紅潤，整體氣色極佳，喺陽光映照下更顯精神飽滿，凍齡程度令人驚艷，完全睇唔出已為三子之母，引來大批網民留言激讚：「好喜歡晶晶的狀態呀」、「好真實的狀態，喜歡」、「好喜歡晶晶！真實又不做作，旺夫賢妻良母」、「皮膚緊致、沒斑沒痘、眼角沒下垂——素顏有這樣的狀態實在太難得！」、「我們國家的驕傲」等等。

除咗外貌備受關注，郭晶晶喺行山過程中嘅一舉一動同樣成為焦點。從照片可見，郭晶晶全程細心照顧3名子女，刻意走喺後方，留意佢哋嘅安全，展現作為母親嘅一面；整個家庭互動自然，冇刻意鋪張，反而流露出簡單而真實嘅幸福感，網民直言：「這才是家庭應有的樣子！婚姻家庭的楷模。」

howardwo

多謝分享