單文柔陳展鵬愈住愈豪 拍片意外曝光獨立屋新居環境 樓底極高擁私人花園

GIRLAV

陳展鵬與單文柔（Phoebe）婚後育有一女「小豬比」（陳諾瑤），單文柔因而淡出幕前，專注照顧家庭及轉型做KOL，亦不時於社交平台分享溫馨家庭日常。近日單文柔上傳咗一段喺屋企拍攝嘅短片，意外讓網民窺探到家居環境，被發現原來已悄悄搬離原本住所，而新居空間感更大。

陳展鵬與單文柔新居選用24小時監控拍攝嘅智能門鎖，其裝修走簡約路線，以淺色及木系元素為主，整體感覺自然溫暖。雖然影片只拍到部分室內空間，但已看到樓底極高，客廳面積相當闊落，屋內更設有樓梯，明顯屬於獨立屋設計，與以往居住嘅分層住宅相比，空間感大大提升。新屋亦設有戶外花園，陳展鵬夫妻更買咗張跳彈床畀小豬比，等佢平日可以喺花園玩樂。

陳展鵬被指係TVB愛妻號及廿四孝爸爸，亦對投資頗有心得。早喺2017年曾以母親名義用約1,280萬港元入市將軍澳日出康城「晉海」一個約700呎三房高層單位，當時外界指佢係希望讓曾經中風嘅母親有更舒適嘅居住，可見其孝心。其後陳展鵬與單文柔結婚，該單位亦成為二人婚後居所。初期佢哋仍與陳母同住，一家人互相照顧。直到小豬比出生後，為提供更大的生活及成長空間畀小朋友而決定搬離原本住所。

howardwo

全家富貴