腰酸背痛纏身多年，俾小雪又㩒又踩，終於似返個人！

cheong7

日積月累，條腰硬到好似石頭咁。朝早起身成日覺得背部緊到扯住，轉身就聽到 格勒  一聲；坐耐咗想企起身，要扶住張枱慢慢先直得返條腰，成個老人家咁。

之前都有試過去其他按摩店，但多數係按下鬆一陣，第二日照樣痛返，治標唔治本。前排聽同事講觀塘有個大場紅牌叫小雪，專醫各種痛症：頭、肩、頸、腰背、坐骨神經， 好似好西利咁。 俾多次機會自己啦！

book咗時間上去， 小雪出嚟招呼我 ，紅牌真係唔係浪得虛名，成個人好精神，笑容親切，仲要好細心問我邊度唔舒服、痛咗幾耐、做開咩工。我同佢講 呢排條腰硬到爆，坐又痛企又痛，之前按完都係好一陣，想搵人認真搞返好佢。

小雪聽完點點頭，話 你放心，等我幫你睇下邊度出事 。

按摩過程 👇👇

佢叫我趴低，開始由背脊慢慢按落去。一開始用掌根推背，推咗幾下佢就話  你呢度好硬喎，成個背脊梗晒，係咪成日唔郁？..... 中！真係中！

跟住佢開始用拇指逐個位按壓，專搵我啲痛點嚟㩒 ，脊骨嘅位置、仲有條腰兩側。每㩒到一個酸爽位，佢都會停留耐少少，慢慢用陰力揉開。講真，有啲位真係痛到我想叫出聲😖，但嗰種痛係 痛完之後鬆返 嘅感覺，好似幫我整開咗啲塞咗好耐嘅結。

㩒完背脊，小雪話要針對我條腰做多啲工夫。佢叫我扶住床邊，然後成個人踩上我背脊 ，係呀，踩背！  佢好小心就住力，先用腳板按壓腰部兩側，再慢慢用腳跟壓落脊骨旁邊嘅穴位。成個過程佢一路問我受唔受到，力度可唔可以。我話 頂得住！為咗條腰，你踩啦！ 😂

踩完一輪， 跟住佢問我要唔要刮痧拔罐，話可以幫我清下啖氣同濕氣。我話好呀，做埋佢！ 刮痧嗰陣，小雪用塊刮板沾咗啲油，喺我背脊來回刮，又係一陣酸爽。佢刮到某啲位特別痛，話嗰度積聚咗好多 垃圾 ，要多刮幾下。刮完之後，成個背脊紅卜卜，但感覺輕咗好多。

最後拔罐，佢將幾個罐吸喺我背脊同腰間，吸住嗰陣有種 揪住 嘅感覺，但唔算痛。等咗十零分鐘，佢幫我起罐，話 睇下，啲印幾深，真係積咗好多濕氣。 我睇返塊鏡，成個背脊一個個圓印，好似戰績咁 但成個人鬆晒！做完之後嘅感覺，我企直條腰 真係輕鍵咗好多！ 成晚瞓得好好。
第二日返工， 以前一到下晝就開始周身唔聚財，今次竟然頂到放工都冇乜點痛！我心諗 今次終於搵到個真係識醫痛嘅師傅！

如果你同我一樣 試過好多地方都係按下鬆一陣又打回原形，真心建議你搵小雪試下。 會認真幫你搵出邊度出事，逐個位慢慢處理。雖然㩒嗰陣有啲位真係痛到想叫阿媽，但為咗條腰，呢啲酸爽算得係咩？

bob98

多謝師兄分享