民政向區議員查詢結婚生育計劃估計當局擔心再有驚天求婚

GIRLAV · 發表於 4 天前

民建聯西貢區議員莊雅婷同城中名人鍾培生訂婚引起全城關注。據了解牽連到多區區議員被打聽未來結婚，甚至生育計劃，估計係當局驚再有類似嘅驚天大求婚，要「超前部署」。

有關方面「超前部署」
據了解多區區議員最近收到民政或者區議會秘書處查詢結婚同生育計劃，連「叔叔級」嘅資深區議員都有份。有區議員對突如其來嘅電話查詢覺得始料未及，因為喺區議員上任嗰陣已經申報婚姻狀況，對於突然被打聽私事覺得突然。今次嘅時間點令好多區議員自然聯想起最近莊雅婷鍾培生訂婚，估計有關方面係想對於再有「驚喜」求婚早啲作準備。