|
|
綠葉演員張國強（KK）多年來參演過無數劇集，角色性格背景多變，無論係忠角或奸角都能將角色拿捏得入木三分。直至2024年底約滿TVB，將工作重心轉向內地；張國強不僅接拍影視作品和參與商業演出，仲入駐小紅書分享工作與生活，以真誠親民形象吸引唔少粉絲關注。然而隨著影視行業進入低潮期，市場環境變得艱難，唔少藝人面臨酬勞下降和機會減少嘅困境，張國強對此看得平淡，坦言自己仍能繼續喺鏡頭前演出已十分感恩，更表示每一次開工都份外珍惜。
日前張國強喺社交平台上載一段片場「放飯」嘅短片，成為熱話。從影片所見，張國強身穿古裝戲服，手拿著飯盒坐喺片場角落用餐，邊食邊笑著說：「有葷有素確實不錯，在片場就有東西吃，也不用花心思去找東西。」又語氣輕鬆地表示：「有工作心裏就踏實。」唔少觀眾淡淡感慨，感嘆喺螢幕前默默耕耘多年嘅實力派張國強如今如此樸實，直言覺得佢值得（有）更好待遇。不過都有網民認為張國強嘅態度值得敬佩，認為佢冇怨天尤人，反而以積極嘅心態面對挑戰，腳踏實地地繼續其演藝之路，更表示喺呢個影視寒冬下能持續有工開已屬幸運。
張國強原先為甲組球員，當年與隊員一齊去應徵TVB電視劇《無花果》角色，結果無端端入咗行。對於與TVB結束合作關係，張國強曾經坦言與TVB並非不歡而散，表示TVB當時有搵佢洽談挽留，只係自己希望嘗試更多事物，直言如果TVB需要的話都會返去。 |
|
在線雷達
發表於 
廣播
置頂
超級提昇
強效提昇
推舊帖
收嗲鳥
油顏色
