黃文標自爆疑患初期帕金遜症致手震動作慢 好友游飈離世游家有經濟壓力

GIRLAV

曾經係TVB綠葉演員嘅黃文標，早前喺電影《尋秦記》中再演項少龍（古天樂飾）二弟滕翼而成為話題。不過早前有網民發現黃文標於商場內眼神空洞表現迷失，更由標哥步姿同神情估計係咪有帕金遜症，情況令人擔心。

黃文標出席活動時承認醫生初步評估佢患上柏金遜症初期，但仍未確診，而家不時會手震、平衡力弱咗同動作緩慢，左邊身情況比較明顯。黃文標話睇咗醫生一個禮拜，而家試緊藥，之後仲要做磁力共振檢查。黃文標認為生死有命，因此唔會太擔心病情，而且自己單身寡佬冇咩要安排，暫時未有諗到太長遠。

黃文標好友及生意拍檔游飈因腦出血於2月24日病逝，黃文標話游飈身後事已經籌備得七七八八，以佢所知游飈太太同女兒仍然哀傷，但亦相當堅強。

身體出毛病之餘，黃文標唔單止協助辦理游飈身後事，游飈生前嘅環保除甲醛業務而家黃文標都要打理埋。黃文標話以前公司生意由游飈主力負責，而家就由佢處理，如果病情無加重的話暫時仲OK，亦未打算搵人幫手。黃文標提到以前游飈同太太公一份婆一份撐住頭家，而家游家生計由游颷太太獨力負擔，所以都有啲經濟壓力。

howardwo

保重身體喎！