吳文忻病情反覆陷低谷 胸前流膿傳異味「好似同條屍一齊瞓」好姊妹舉辦生前追思會打氣

GIRLAV

吳文忻（曾用藝名吳忻熹）2022年確診乳癌後，到前年癌細胞擴散並出現惡化。早前文忻受訪時曾表示癌細胞擴散到肝臟、淋巴等，自言對治療抱「盡做」態度。

吳文忻近日出席TVB節目《流行都市》做嘉賓，並接受TVB娛樂新聞台訪問。文忻話近一兩個月因為病情反覆而身心俱疲，更試過開直播時忍唔住落淚。文忻指嗰段時間「未試過情緖咁差，直頭日日爆喊」，而且因為胸前不時流膿發出異味，形容自己「晚晚好似同條屍一齊瞓咁」，更令佢覺得自己好接近死亡。文忻因此驚覺唔可以再咁落去，要重新振作，並透露現時嘅藥物未太有效，嚟緊將會去深圳治病。

身邊人對吳文忻盡力支持，令佢可以谷底反彈。除咗兩個愛女以外，朋友嘅支持都好緊要。吳文忻嘅小學同學彭秀慧就日日打電話關心，令佢感受到愛而變得積極。此外文忻嘅好姊妹早前更喺酒店海景房為佢舉行咗生前追思會。吳文忻自言一向百無禁忌，而且認為可以將死亡攞出嚟講，已經代表克服死亡嘅恐懼。

howardwo

加油加油！