袁偉豪張寶兒兒子袁咕碌拜年講「傻傻地」引關注 袁偉豪發表追女宣言

GIRLAV

袁偉豪與張寶兒於2020年結婚，育有大仔袁晞祐（袁咕碌）和細仔「袁氹氹」。二人不時於社交平台大曬育兒心得和家庭生活點滴，惹網民關注。藉農曆新年，袁偉豪與張寶兒特地孩子營造節日儀式感，讓兩個兒子參與拜年禮儀，寓教於樂。近日呢段影片更被瘋傳，大仔「袁咕碌」拜年時所講嘅說話惹網民直呼太可愛。

從片中所見，兩歲多嘅袁咕碌乖巧地向爸爸袁偉豪拜年，祝願：「新年快樂、身體健康、拍多啲好戲」，令一旁嘅袁偉豪與張寶兒笑開懷。接著，袁偉豪引導兒子向媽媽祝賀，教兒子講：「祝媽媽身體健康、青春常駐。」又調皮地補上一句：「生個妹妹畀我玩。」一句「追女」宣言，逗得張寶兒當場大笑。

袁偉豪又抱起穿著賀年服嘅細仔袁氹氹，並代佢向張寶兒送出祝福：「身體健康、青春常駐、揼好多奶。」一講到「奶奶」兩字，氹氹即時咧嘴笑，相當可愛；而哥哥袁咕碌拿到大利是後更興奮得舞動手腳，全家其樂融融。不過，喺袁咕碌拿完利是轉身時，似乎再補咗一句聽唔清楚嘅說話， 有網民笑言自己聽到佢講：「傻傻地」，又有網民指出影片1分45秒左右確實聽起來似呢3個字，但亦有網民解釋指，認為可能係袁咕碌拿到綠色封包太開心，其實係講「綠綠地」，只是童音聽起來唔太清晰而引起誤會。

howardwo

原來如此