黃耀明 ----- 此生，你我皆短暫燦爛

cocteau

從黃耀明《此生，你我皆短暫燦爛》到Fosca《此生，你我皆為湊夠數》

撰文 : 字裡知音人 Jansen's Here

?w=1280&ssl=1

黃耀明最近推出久違新歌《此生，你我皆短暫燦爛》，坊間大部份評論，以至創作者本人，皆主力談論歌詞意義，其他方面好似無乜人品評，呢部份就由我負責補上吧。

《此生，你我皆短暫燦爛》由明哥及老拍檔Jason蔡德才作曲，Jason同兼任編曲一職。老老實實，以歌論歌，《此生》旋律以流行曲角度而言係比較平淡，副歌部份好一點，可惜聽咗好幾次後，仍然沒有記憶點。

反而編曲就救返首歌唔少，Jason刻意加入大量懷舊電子音色，讓聽者聯想到唔少80年代Synth-Pop或新浪漫歌曲，包括達明一派嘅《新奇女俠》。Synth-Pop／新浪漫，真係聽一世都聽唔厭嘅音樂類別。

以上影片乃youtube提供,與本站無關; 若無法觀看,可查看原網址。

《此生，你我皆短暫燦爛》嘅音樂底確實唔錯，要形容為明哥回勇之作也無不可。歌詞部份不說不說還需說，其實同達明一派前作《今天世上所有地方》分別不大；但《今天》於2020年發表，有佢嘅時代意義；五年過後，《此生》仍然繼續叫我哋「前途無限暗／必須要燦爛／為存在吶喊」，那就未免太唚氣，及不合事宜了。

cocteau

五年過後今天，我哋仲需唔需要《此生，你我皆短暫燦爛》嚟激勵自己？都已經五年喇，要覺醒嘅早已覺醒，要重新出發嘅早已重新出發，更大部份嘅人，其實都係為自己。

為自己完全無問題，世界咁大，個人咁渺小，只要大家認為過到自己嗰關就得，畢竟我哋大部份人都係平庸之輩。《此生，你我皆短暫燦爛》歌名取自越南裔作家Ocean Vuong（王鷗行）同名小說，原名為《On Earth We're Briefly Gorgeous》，令我想起多年前英國Indie-Pop樂隊Fosca（已解散）一首《On Earth To Make The Numbers Up》。

以上影片乃youtube提供,與本站無關; 若無法觀看,可查看原網址。

《On Earth To Make The Numbers Up》同為充滿Synth-Pop味嘅流行曲，歌名我超譯為《此生，你我皆為湊夠數》。歌詞非常冗長，用上大量英倫俚語，透過多幕人生零碎片段畫面描寫，既談及平凡人嘅無力感，更入肉係帶出人生存喺世上，只係一個無關重要嘅存在，只係為湊夠數，可有可無。

cocteau

咁講好似好殘酷，但現實就是如此。明白到呢一點，我哋先可以再出發。不過唔明都唔緊要，啲人成日講，無知嘅人係最幸福。《此生，你我皆短暫燦爛》填詞人周耀輝，一直係我最喜歡同最敬仰嘅填詞人。佢曾經為盧巧音寫過一首《無題》，我認為更適合用來激勵平凡不過嘅大部份我們：「隨便幸福過一切／似是無謂／更像無題／懶下題目更勝上帝」。

又咁啱，《無題》都係一首Synth-Pop作品，多謝負責編曲及監製嘅前浮世繪成員梁翹柏（以及作曲嘅盧巧音），首歌真係好好聽，非常Timeless，套用在任何年代嘅平凡人身上，同樣有共鳴，正！

以上影片乃youtube提供,與本站無關; 若無法觀看,可查看原網址。

cocteau

狼在叫喚
鯨在吞吐
蛇在甦醒到遠山穿插

天多闊大
海必有風浪
沙鷗勇敢到他鄉搜索

忘掉缺憾
迎著釋放
還是聽得到你的掙扎

匆匆雪落
匆匆已初夏
此生再短都不必驚怕

生於世上
終於會怎樣
青春記得向無限出發   

前途無限暗   必須要燦爛   
明明無盡處   漸漸不返     
迷途無限次   終於一剎
   
催促我    看日月
為潮汐吶喊
多一剎    更燦爛
只要出發

雲在散聚
人在歌舞
時日親得到我的雙頰   

匆匆愛恨
匆匆卻不斷
此生再短都不必驚怕

生的脆弱
心的更堅韌
青春記得向無限出發

前途無限暗   必須要燦爛   
明明無盡處   唸著書簡
迷途無限次    終於一剎  
催促我    看日月
為潮汐吶喊

前途無限暗   必須要燦爛   
茫茫無覓處   睡在花瓣
沿途無限轉    終於一剎
叮囑你    到對岸
為存在吶喊

多一剎    更燦爛
只要出發
只要出發
出發
出發

opiumjeon

welcome back !