|
|
現年76歲嘅資深藝人「Benz雄」許紹雄,近年與家人移居新加坡享受半退休生活,雖然鮮有幕前演出,不過經常喺社交網站發布影片分享生活日常。10月27日驚傳許紹雄病危入院,有傳媒報道指其家人及唔少圈中好友前往醫院。
許紹雄驚傳病危入院,除咗家人之外,圈中好友亦有前往醫院,包括黎芷珊、苗僑偉夫婦、TVB監製文偉鴻及林志華等等,眾人神情嚴肅,急急腳走入醫院。
出名係「廿四孝老豆」嘅許紹雄,早年前就已經豪擲逾千萬資金支持囡囡喺新加坡創業,先後開設多間Cafe及烘焙店;同時佢亦不時與愛女許惠菁(Charmaine)拍片,好似上星期就兩父女打機,當時都未有異樣。 |
|