葉劉開會後不斷抹面黨友否認落淚

GIRLAV · 發表於 2025-10-17 18:44:50

立法會選舉12月7號舉行，盛傳有「七十大限」，外界關注75歲嘅新民黨主席葉劉淑儀係咪冇得參選。葉劉10月17日喺立法會內務委員會會議結束後，冇即時離開，而係多次抹面，引起揣測。

陳家珮否認葉劉落淚
今個立法會會期最後一次內會會議10月17日舉行，在場記者留意到葉劉喺會議結束之後，喺位企咗一陣，期間仲不斷抹面，令人懷疑係落淚，黨友陳家珮同黎棟國企喺側邊等待。而行過嘅選委界議員江玉歡有上前同葉劉講兩句，仲搭葉劉膊頭，跟住同73歲嘅黎棟國握手。葉劉一行人之後同立法會秘書處職員握手之後，先離開會議室。陳家珮事後向傳媒否認葉劉落淚，話大家只係傾偈。