黃婧靈𠝹胸袋追星睇周興哲 幻想男神成日望住自己

BB29

藝人黃婧靈（波波）經歷由頭傷到落腳的不幸事件，日前終於回復做「健康寶寶」，仲有精神到紅館追星，捧台灣樂壇創作才子周興哲（Eric）演唱會尾場。早前捽傷眼角膜的她變身「四眼娘」，暫停戴隱形眼鏡保養明眸，雖然顏值稍降，但全靠其身上的斜孭「𠝹胸袋」，令其波霸身材激凸，成功搶眼球。
而在睇騷期間，她亦毫不掩飾她愛Eric之心，放下偶包跟普羅港女一樣，隔空親吻離台萬丈的音樂才子再自拍，還將男神捧於鼓掌之中，又瘋狂用手機喪拍男神，十足迷妹一樣。跟Eric「合照」完，覺得仲未夠喉，再在社交網上載演唱會的精彩短片及相片外，仲撰文歌訟Eric一番。她寫道：「白色西裝加鋼琴自彈自唱，穿西裝好看還要有肌肉，影相角度又靚又有質感，全部都係我鍾意嘅，還是一樣的溫柔，還是一樣唱着溫暖人心的歌，支持你的好好創作，為大家帶來更多治療人心的音樂」，而最搞笑是自行性幻想，跟Eric詐嬌說：「同埋叫咗你唔好成日望住我，係都唔聽」，最後又話較鍾意他的英文歌，因為他而對全世界的名叫Eric改觀咁話。另外，她又上載一輯露膊相，笑容甜美，電死隔籬。

HKtraveler

好波

howardwo

認真好波

馬甸尼

性感誘人

Bennyham

激凸睇Show