王喜facebook發「遺言」聲稱遭跟蹤 居留證期限將滿： 行入呢個死局

GIRLAV

曾經係TVB男一人選嘅王喜，拍過《烈火雄心》、《雷霆第一關》等劇集，後於2011年離巢。近年王喜於英國、台灣等地居住，不時拍片分享生活點滴，但係佢今朝發嘅最新帖文就以《遺言一大版》為題，令人擔心。

文中王喜提及自己嘅台灣居留證將於9月24日屆滿，並聲稱9月18日抵達台灣後一直受跟蹤，又指有人設局想陷害佢。王喜指一旦居留證過期，就無法出境、用網上銀行、工作等。王喜最後寫道「下次嚟呢度（指台灣）玩嘅時候，記得諗起我係點樣死喺呢度」。早前王喜抵達台灣後已不時喺社交平台發片，影住街上路人，聲稱嗰啲就係跟蹤佢嘅人。

王喜於今年5月在個人YouTube頻道接連發布兩條影片，先後詳述自己兩次被迷姦的經歷，更公開當時身上的傷痕。王喜最近上載嘅影片中，就大呻遇上因為電話軟件升級結果支付功能失效，身無分文之下叫咗碗麵之後更加冇錢找數，不禁高喊「救命呀！」

howardwo

有咁嘅樹？！