東張西望︳婦人被「駐港部隊」型男呃140萬仍死撐「唔係俾佢個人吸引」黃耀英豐富表情聽故仔成一大亮點

GIRLAV · 發表於 2025-9-10 16:37:37

近年《東張西望》不時報導電騙個案，早前有婦人被假冒靚仔嘅騙徒send「露鳥圖」色誘下騙去五十幾萬成為城中熱話後，前日《東張》又報導另一位阿太中招，損失140萬元。

根據《東張西望》報導，有觀眾向節目組表示化名黃太嘅媽媽上個月向佢提及，表示收到朋友打電話介紹投資，當時事主囝囝已經懷疑係騙案，但因為事主話係識咗好耐嘅朋友，於是放下戒心。但係原來呢位阿太口中嘅「朋友」，只係由一通陌生人來電而認識、自稱喺駐港部隊工作嘅男子。

同一般騙局一樣，黃太同呢位自稱叫陳建斌嘅「軍人」由錯摸對話中傾出「友誼」，又以為對方從軍，應該係正經人家。本來黃太以為同對方視像通話可以查證真偽，點知對方鏡頭後背景又真係似足軍營，令黃太開始泥足深陷。陳建斌更以甜言蜜語動攻勢，叫黃太「親愛的」、「老婆」，再向佢推銷內地一項公益基金，仲話係只賺無蝕。黃太深信不疑，7日內先後轉帳140萬元俾陳建斌，而「基金」帳戶顯示又真係賺足10倍直到「基金」嘅客服話要收百幾萬稅金先可以提取款先發現上當。不過黃太依然話係俾「基金」回報吸引，而唔係被陳建斌個人吸引。

黃太個仔得知情況後馬上報警，但黃太居然仲擔心陳建斌真係軍人的話，報警會害咗佢！黃太亦唔敢將受騙一事告知身在老人院嘅丈夫。