|
|
發表於 2009-10-25 18:48:56
|
顯示全部樓層
少少愚見, 同大家分享吓!
1. 現代足球無可避免受商業完素好大影響, 你睇曼聯車仔皇馬邊隊唔系似明星多過似運動員, 曼城俾有錢佬買左決心大搞之后而家有聲有色, 最重要系人地投資左入黎系有回報! 炒賣球員系錢, 賣贊助權又系錢, 搞隊波系一門生意, 系要黎賺錢咖! 系香港搞波而家變成個別"熱愛"足球嘅有錢佬獨力支撐, 一D都唔健康 -- 我唔系話對個球壇, 系對佢自己個荷包, 在商言商, 呢門生意無得做!
2. 足總無能, 我記得十幾年前日本搞J League, 果D宣傳鋪天蓋地, 仲搞到鬼咁潮, 同各大品牌玩crossover, 又出香水, 又出玩具,當然更唔少得TV game.....當時就算香港無得睇, 都唔少人走去買川崎讀賣, 廣島八鯨D波衫! 香港足總咁多年做過乜野? 我唯一有印象只系每年暑假果D青少年足球訓練營(冠名嘅系可口可樂).....有人或者會話每年果D賀歲杯請D外隊黎比賽, 吸引球迷入場支持足壇...晒氣! 一黎呢D只系虛火, 打完之后第日報紙睇完大家就唔記得喇! 二黎好多人入場系想睇外隊多過捧港聯.....
3. 假如香港有球星(睇清楚系球星, 唔系球員)可以打到年薪百萬, 又做代言人賣廣告, 又拍電影......到時就唔會再有家長鬧個仔淨系掛住踢波, 相反仲要自細栽培佢添, 到時除左女仔可以靠選美然後嫁入豪門之外, 男仔可以靠踢波出人頭地, 碧咸呢D鄉下仔都系靠隻黃金右腳踢到而家紅過好多明星, 搵嘅錢你打十世工都搵唔到! 點解? 因為佢系球星囉! 而"星"系靠包裝的! 系香港呢D野有咩? 當年細路仔時胡國雄系我心目中系明星黎咖, 等如李小龍咁上下咖! 當然呢D要個足壇有規模先有可能出現, 但系南華叫做班霸咁多年, 有無邊個有星味嘅人出過? 又講J league, 當年三浦知良, 川口能活等等, 唔識波嘅妹妹仔都識, 因為人地日本仔當佢地明星咁包裝! 香港嘅球會系呢方面做左幾多野呢? |
|
樓主: Wandererjc
在線雷達
外援當然有好處,而今天也不會像當年用7名外援上陣了,
註7出6....星馬華裔好似唔計tim
矛意思
當年你都捧精工,寶路華啦
下次要最後七分鐘被人入十球至得 
發表於 2009-10-25 10:36:33
