53歲鄭秀文再晒增肌長肉新身型 自爆不再節食「快樂多了輕鬆多了」

GIRLAV

早前鄭秀文準備澳門巡迴演唱會期間，將身體鍛練嘅重點由過去嘅減重變成增肌，成果相當顯著。Sammi仲喺佢嘅facebook page post咗條演唱會片段，見到Sammi背部同手臂練出結實線條，就連下圍都圓潤不少，比起以前嘅鋼條身型有所不同。

鄭秀文再次喺Facebook 出post分享近照，見到Sami 依舊好精神，而且面頰同手臂飽滿，散發自信光芒。Sammi寫道 —

完全不再節食的mi, 快樂多了，輕鬆多了。

肉多了，健康。

Mi希望能鼓勵更多的人，不要再被體型綑綁，折騰自己。☺️

健康、快樂、更重要。」，藉自身體驗勸勉大家。

唔少fans留言大讚Sammi 「不再兩頰凹陷、瘦弱不堪，像營養不良似的，現在真的漂亮多了呢！」、「而家好過早2年啦！太瘦啦！鍾意你以前有多啲肉嘅樣，少少肥靚D。加油！」。

早前鄭秀文post過其他自拍片段，展示操肌後嘅手臂線條，膊頭練得漲卜卜，好犀利！當時佢都話「自從『成功增肌長肉』，不再體型焦慮，『不再強逼自己死瘦爛瘦』，吃得自由隨心了，人生更豁然開心。😁現在的我，肥點或瘦點，壓根兒不在意。而且，有肉的感覺實在很正！很爽！真實做自己，忠於自己的身體。就是自信。就能美。共勉之」。

howardwo

原來如此！