黃美棋無預警宣布離巢TVB 出PO揭離「避風港」原因

GIRLAV

現年35歲嘅「美棋BB」黃美棋（Meiki），1993年開街頭被星探發掘成童星而入行，1998年憑電影《行運一條龍》飾演「小芬女」一角最為令人熟悉。喺8月21日佢突然喺社交網站出PO宣布離巢效力8年嘅TVB。

黃美棋喺社交網站上載自己喺將軍澳電視城門口嘅自拍照，宣布正式離巢TVB：「📢📣等我放個震撼彈先📣📢 我要正式離開呢個陪我長大再返黎追夢嘅地方lu」，佢更開始憶述過往喺TVB嘅點點滴滴，更坦言曾有唔開心及失望：「仲記得1994年，係呢度拍咗我人生第一套劇集：包青天。以前嘅tvb係清水灣，大概喺我14歲嘅時候Tvb先搬咗嚟將軍澳電視城。HKTV 開唔到台之後，我做咗幾年自由身…但係因為好想拍劇、最後決定返去TVB …繼續呢個追夢之旅☺️。喺呢度8年嘅日子當然有開心唔開心，有期待有等待有失望再期待，而我相信呢一種經歷基本上係每個藝人必經嘅階段…而我最大嘅收穫係做到幾個我好鍾意嘅節目💖包括有（香港美食一條街，大玩特玩、玩轉粵北粵東懶人包、搶食著數特攻隊等等），能夠遇到一啲欣賞我嘅監制同製作組，發掘咗我一啲綜藝喜感嘅小宇宙，仲有連續四年做到直播版歡樂滿東華嘅網上版主持，每次6個鐘頭嘅直播…成為咗我做直播節目嘅根基☺️，「救妻同學會」係我好自豪嘅劇集，雖然每星期播一集，形式太新穎…不過我依然好記得拍攝嘅點滴，多謝監製Anthony 同o San , 所有導演PA們🥰呢一切都豐富咗黃美棋嘅人生！由一個大番薯，蛻變成為今日擁有有好多唔同節目，大show +直播經驗嘅藝人～💪🏻」。

之後黃美棋表示離開嘅不捨及坦承有苦衷：「雖然心裏面都有萬般捨不得，但係聚散有時，每件事情都有終結嘅一刻，而我就選擇喺呢個時間離開呢個「避風港」，留低最美嘅回憶～......「外面風大雨大個市又唔好, 留低好d 喎, 起碼有份糧! 」係嘅… 外面的確係風大雨大（所以希望睇到呢個post 嘅PR 朋友們都多多關照小妹🤣🤣🙈，盡情搵我做野🙇🏻‍♀️）,但係我都好明白，如果宜家唔走,我驚我再無勇氣繼續去闖…要有向前嘅勇氣呀💪🏻💪🏻！同埋我嘅離開唔代表我放棄演藝嘅路🤣我更珍惜所有嘅機會～同埋有更多天大嘅空間去創作🫶🏻」

同時黃美棋亦多謝一班重要嘅人：「其實能夠喺離開前，同家燕姐有一個旅遊節目係天大嘅恩典🫶🏻好感恩係咁多年黎每一位用過我嘅監製…導演…所有幕前幕後嘅工作人員，多謝你哋出現係我嘅生命中🫡（特別係B哥、小慧姐、波爺、晴朗、肥祥、Clara 、 MR.R 等等….）仲有我所有係公司嘅經理人：Winnie , Ida , Sandy, Monica , Sherin, Sherley，要多謝嘅人真係好多 ， 請原諒我唔打哂出黎….不過有一個人係一定要多謝 @szetosifu，多謝你當年帶我見B哥！ 多謝你幫我完夢…仲有我老公@ykyray 多謝你咁多年 頂住我..撐住我…睇住我入tvb, 再睇住我返出黎🥹陪我度過每一個時刻！」最後黃美棋多謝公司給予機會：「最後多謝公司呢八年黎俾我嘅所有機會💖我拍咗條散水片㗎，過兩日有得睇🤣😆🫶🏻」。

呢個PO一出，唔少藝人紛紛留言祝福，例如關楓馨「💪🏼🔥 江湖見(其實唔係，係一齊出去玩見🤣🤣) 等緊你條散水片!!!🥰」、林盛斌「江湖見❤️」、譚永浩「江湖見！叮噹！」、羅天宇「好兄弟估唔到咁快就要離別🥹路上保重啊🙆🏽‍♂️」、鄭衍峰「all the best Meikiiiii 江湖見啦🫡❤️」、陳婉衡「All the best!👏❤️」及黃建東「好開心可以同你合作做主持，you are a wonderful partner! 江湖再見~🥰❤️💪🏼💪🏼」等等；同時亦有唔少網民留言叫佢加油，例如「加油 出面見」、「如油 支持你」、「加油小芬女你得呀👍👍👍👍💪💪💪💪撐你堅撐✌️✌️✌️❤️❤️❤️❤️」、「希望好快再睇到你嘅作品！細細個就開始睇你做戲😍繼續加油啊🔥」、「Add oil 👍🏻 😉 Support you 祝你有美好前程」、「向前衝！一切順利！❤️❤️❤️」、「恭喜脫無」及「祝你更多更改的發展！開心能夠係呢個路程遇見你！❤️」等等。

howardwo

噃撈TVB