漫畫店興衰、下集大結局

傲笑傻人

遲來

先來個補元『青衣島』，由長發邨開始…那裡嘅漫畫店因領匯而由商場搬往該處街市；一口氣衝上長亨邨，即使不參觀那所掛滿海布嘅漫畫店，也值得上去看看《可飽覽青衣、荃灣一帶風景》。環迴落去海悅花園亦有一所漫畫店。
荃灣．荃豐中心二樓有一間、地庫兩租、兩二手，其中二手書舖頭仔老闆，每逢動漫節都排第一、二位，想買精品可以問佢。
旺角還未有一代滙集之前，要買台版書只有到『漫畫館』(漢榮書店樓上)要隔兩個月前訂，等航運…

紅磡大致沒有變動…黃埔街那間如常，黃埔108商場上租、下二手(店主經常認為有人偷嘢，熟客都懷疑…)紅磡商場那間吊鹽水、馬頭圍道．紅磡廣場原本有五所，現剩三間租的在一樓…離開紅磡就是漫畫荒漠…

土瓜灣．偉恆昌新邨有一間、馬頭圍道德信商場(似好景)都有、其餘過往附近的覆歿…成間商場都可以執笠﹗

九龍城．龍珠商場最心痛…大家可記得那兒是PS1嘅發源地…那兒兩所租的，一所是北角嘅分店現在長關、另一所結業書賣給福榮商場嘅聾啞漫畫…二手則：一間吊鹽水、一間和原本合并嘅二手電器拆夥，搬去大埔翠屏，後來結業﹗《二手電器則遷到牛棚一帶》

九龍城廣場有另一租的，好似叫星之XX(名字又忘記)

地圖轉左何文田一帶，小弟唔太清楚…不過三、四年前是沒有漫畫店的…
石硤尾．偉智街白田商場(不是公屋商場)內有幾間二手&租漫畫，不過價錢稍貴，而且態度差…

樂富、黃大仙一帶嘅公屋商場漫畫店，又係因領匯而全軍覆歿；舊有黃大仙中心那間搬去金鳳街地舖近街市繼續營業…
另外鳳德公園旁邊豪苑商場內，超過廿年生意淺水長流、歷久不衰…
新蒲崗．以前越秀廣場、彩虹道新蒲崗大廈嘅漫畫店全歿…現在只有新蒲崗廣場一樓那間…
天馬苑、竹園邨、鳳德邨、慈雲山、鑽石山及至彩頤花園一帶從來沒有漫畫店…

彩雲邨則小弟從未涉足…轉上順利邨就有間中型的；再到秀茂坪商場亦有一所中型漫畫店，
不過她出現使曉麗苑商場那兩間蚊型的年半內結業，言而已經係三、四年前嘅事…
另一近來爭議之地『樂華邨商場』有所大漫畫店，五年前做過一次大平賣($10/一本)，清吓舊書；
現在被領匯迫害中…彩虹、坪石、麗晶一帶只有啟業邨才有一所

到九龍灣．淘大商場二樓，早三、四年前那兒可譽為東邊嘅信和，全盛時期：五所漫畫、五間玩具模型、三間GAME店…現在漫畫舖只有兩間、玩具模型三間…
牛頭角下邨有朋友提醒：那裡嘅漫畫店將結業…我沒有親身證實，現在恐怕…
順帶一提：玉皇廟曾在國際展貿中心，開展館並有少量出售；兩年前稍稍消失…

官塘．裕民中心、裕民坊、物華街、官塘廣場嘅漫畫店，三、四年前逐一消失…
藍田．滙景為該區集中地，由四間漫畫舖到現在一租、一二手…平田邨商場內亦有一所蚊型漫畫(偶有即期日漫平價二手)…再往上到德田商場．五年前廟街頭嘅合記搬到上址，並由老闆兒子打理曾有一番新景象，兩年前因人口老化、加租而歿…
油塘．鯉魚門廣場開幕時曾有一間，現在沒了…

轉入將軍澳．慧安苑曾經興盛有四所，連大埔翠屏二手漫畫『來利』也來開分店，現在只剩舖頭仔漫畫一所，至於她和大埔、荃灣舖頭仔漫畫有無關係就不得而知…
新都城1期兩間變一間、3期三間變兩間；坑口一帶一直集中在南豐廣場，其內原有三所皆已不在…現在的『漫畫屋』原籍油麻地炮台街(睇翻D舊A-CLUB約100期前便見全動畫廣告有此寶號，店主是陀背的、近來交給妻子打理…)
調景嶺．尚德邨、彩明苑各一租書舖，將軍澳廣場雲起，經歷過當地嘅三國時代之最後勝利者…順帶一提那裡有間COSPLAY做衫店，價錢唔錯…
西貢有朋友話有漫畫店，但我始終未見過…

由西貢行往馬鞍山風景幾好(可乘巴士)，富寶花園曾有一間，現在歿…馬鞍山中心、富輝各一…海濤居、福安花園兩間漫畫店全歿…新港城3期地下有：帝國、雲起…
頌安、耀安、恆安各一，其中耀安嘅二手店由沙田好運中心搬去的，但沒有什麼新貨，可能靠賣教科書為生…
由此到第一城．銀城商場才有一所漫畫店…愉翠苑曾經有、現在無…
由禾輋邨、沙角邨至大圍一帶，開開關關左搬右遷，若剩一、兩間…依我看遲早被領匯吃掉。
沙田．希爾頓一間，其他集中在好運中心：學生書屋(二手)在旺角港鐵D3出口附近樓上帶分店；龍城三舖縮一舖，曾在銅鑼灣廣場地庫開分店；另一(二手)比較低調；租書那間以少女漫畫為主…

大埔．之前略有提及…翠屏商場未有三大二手漫畫店之前，有所對港譯日漫嘅祖師店『連環組』，她是八十年代『海豹叢書』嘅老闆，九三年版權法通過後，其結束譚臣道分店(處理補買及精品)；翠屏總店轉成租書…及後老闆淡出女兒接手，二千年前後其女兒結婚並把業務結束…
該區租書執剩四所集中在大埔廣場…以少女小說為主…
太和邨港鐵上面嘅商場有一間，其剛剛被領匯迫裝修，重開了兩個多月…

粉嶺．粉嶺中心有兩所，現剩大鳥…花都廣場倒是較旺兩租、一二手。嘉福邨的，零五年冬歿，被元朗山比高收購並大賣三天…
聯和墟．海聯廣場漫畫四、五年前已結業，不過值得介紹是附近有間模型店(其有一半是錶行，鄉村特色)，
許多絕版舊模型都有：高達&紅彗星砌開一半係機械嘅1/80版本…等等。

上水．之前略有提及…上水中心第六座地下有二手漫畫、名都有一間租的(其店主眼睛有少許問題，曾在聯和墟．帝延軒有分店)；
至於石湖墟內搬來搬去都是大鳥…最後在龍豐。

香港漫畫店大致如上述，若果閣下有志投身開舖，請聽小弟一言：
首先、三思三思…現今除了網漫外，不乏大型連鎖租書店，先有雲起、青鳥，
      還有最多分店嘅十大書坊…(以上店舖千篇一律沒有特色不作介紹)
其次、綑身﹗其中一位結業老闆透露：純利月入萬五，不過佢有五年近乎沒有放假…
第三、小心女孩，女人除了喜歡偷嘢外，還喜歡熱情地幫你手，久而久之嚴如老闆娘，
      其目的除了媾仔、打書釘外，還有禁止敵對女生來。導致生意少了…
第四、選址…(這個不用多說)
第五、以前請四、五十歲睇舖，目的人工平…故態度差…現在請青少年都係人工平…目的使他們與人客有交流…

太長氣就此擱筆…

iloveitmac

原帖由 傲笑傻人 於 2009-10-21 01:01 發表
遲來

先來個補元『青衣島』，由長發邨開始…那裡嘅漫畫店因領匯而由商場搬往該處街市；一口氣衝上長亨邨，即使不參觀那所掛滿海布嘅漫畫店，也值得上去看看《可飽覽青衣、荃灣一帶風景》。環迴落去海悅花 ...

龍珠, 德信商場今非昔比
my童年

淘大商場..........
轉型中

barying

原帖由 傲笑傻人 於 2009-10-21 01:01 發表
遲來

先來個補元『青衣島』，由長發邨開始…那裡嘅漫畫店因領匯而由商場搬往該處街市；一口氣衝上長亨邨，即使不參觀那所掛滿海布嘅漫畫店，也值得上去看看《可飽覽青衣、荃灣一帶風景》。環迴落去海悅花 ...

真喺辛苦晒你，帶我們返去舊時！

barying

原帖由 iloveitmac 於 2009-10-21 01:35 發表

龍珠, 德信商場今非昔比
my童年

淘大商場..........
轉型中

Ching，你都係住係土瓜灣？記唔記得美善同道27M小巴站既漫畫店？後來搬咗去橫巷。

該店主應該係一名四眼肥仔，後來就佢個妹睇鋪多。

我由細住到大，亦係果到讀書，不過近幾年搬走咗。不過問唔中都返去行下(有感情)，有一次行過才見漫畫店已經拆咗！？

barying

原帖由 傲笑傻人 於 2009-10-21 01:01 發表
遲來

土瓜灣．偉恆昌新邨有一間、馬頭圍道德信商場(似好景)都有、其餘過往附近的覆歿…成間商場都可以執笠﹗

你講嘅成間商場執笠，應該就係長城大廈既商場，再早十幾廿年前，係一間中學。依家就真係空無一物。

iloveitmac

原帖由 barying 於 2009-10-21 04:33 發表


Ching，你都係住係土瓜灣？記唔記得美善同道27M小巴站既漫畫店？後來搬咗去橫巷。

該店主應該係一名四眼肥仔，後來就佢個妹睇鋪多。

我由細住到大，亦係果到讀書，不過近幾年搬走咗。不過問唔中都返去行下(有感情)，有一次行過 ...

not 住係土瓜灣
但我婆婆係, 細個every saturday 去住
德信買以前d FC 同SFC碟的巧地方

傲笑傻人

還有新蒲崗成個彩虹商場都摺埋…

kwanyat88

辛苦晒啦師兄，多謝你詳細嘅資料

cuhung

樓主你好，我是港漫愛好者，同時亦收集50-80年代的武俠小說，想請教你在香港還有那些地方可以找到這些書，可以是出租書或二手書，全新或殘舊無所謂，只要有就可以。

barying

原帖由 cuhung 於 2009-10-27 21:23 發表
樓主你好，我是港漫愛好者，同時亦收集50-80年代的武俠小說，想請教你在香港還有那些地方可以找到這些書，可以是出租書或二手書，全新或殘舊無所謂，只要有就可以。 ...

我曾經係大角咀與深水步仲見到呢D舊式租書租書檔，詳細位置都唔係好記得了。只望ching你能縮搾範圍，易D揾到。

傲笑傻人

SORRY現在才覆
在港島灣仔就『國泰三樓』；在炮台山國都對面新時代廣場地下(入內)
深水埗鴨寮街公廁旁邊嘅二手，最空身不要帶袋…
油麻地廟街與寧波街交界嘅森記不妨問吓…
荃灣南豐地庫就一般啦…如果你口才了得可以問吓：大河道、荃興圍附近那間只係租小說的去了那裡？(約結業不足半年)
最穩陣先去大埔翠屏找…二手多特別三友嘅老闆好鐘意蓄嘢，又成日被老婆逼，睇佢肯唔肯…(記住同佢買D嘢混熟D先提出要求…)
如果都無…我睇你都不用再找‥祝你好運

henson1984

唉....領匯就快卜到全港無晒特色...
只剩下一堆連鎖店

abc123001

g00d ah.