|
|
45歲方力申於今年情人節宣布與女友葉萱結婚，父親節自爆將成為人父，變成一家三口，日前更寫下個人游泳生涯新高峰。方力申本身係前港隊成員，亦有「飛魚王子」之稱，不過自2000年悉尼奧運後已淡出泳壇，轉戰演藝圈，直至2018年才重返泳池操練。早前方力申赴新加坡出戰世界先進游泳錦標賽，喺45-49歲男子組別接連稱霸200米背泳、200米個人四式及400米個人四式三項賽事勇奪三面金牌，實力依舊驚人。
賽事背後方力申坦言其實自己係帶病作賽，剛完成第一場比賽後火速飛到廣西工作，再趕回新加坡繼續比賽：「在飛機睡了只有兩個小時，免疫力低還得了感冒。」方力申表示因生病，對於賽事嘅信心當然有所影響，但憑藉太太與隊友嘅支持，最終喺400米個人四式刷新去年多哈世錦賽成績快7秒嘅佳績，展現超凡毅力。方力申又喺社交平台大曬與父母、弟弟，以及懷孕6個月嘅太太葉萱。照片中，葉萱穿灰色衛衣，孕肚明顯，但手腳依然纖瘦，健康狀態良好；方力申感性分享：「能在我父母，弟弟，太太，還有今年要出生的女兒一起見證我這塊金牌，真的是太完美。」同時，感謝葉萱默默守候支持，尤其喺佢頻繁奔波廣西與新加坡期間間，成為後盾。
方力申於當年20歲時急流勇退，佢就表示若當年未有加入演藝圈，本可留喺美國大學隊繼續挑戰，認為當年嘅潛力並未發揮完，只係自己冇繼續練習，亦指出爸爸對佢進步嘅見解，指香港過去缺少全職泳手，方力申以業餘身份挑戰專業嘅訓練模式，現時大家條件相似，都係業餘選手，距離拉近。 |
|
在線雷達
發表於 2025-8-20 12:58:47
廣播
置頂
超級提昇
強效提昇
推舊帖
收嗲鳥
油顏色
