孫慧雪離巢TVB後生活富貴曾與老公拉頭馬兼海景屋企曝光

GIRLAV · 發表於昨天 10:40

現年43歲索爆人妻孫慧雪（Snow），喺2006年入行由無名死屍做起，直至《美女廚房》助手「飯」嘅機會而知名度稍稍上升，但之後多數都係飾演閒角、傻大姐角色，直至2016年先成為女配角。佢喺同年下嫁家族經營木材、夾板批發商富二代羅天彥（Edwin Lo），並先後誕下大仔「水哥」羅駿滐Riley及細仔「肉肉哥」Rian，一家四口幸福美滿。佢喺2023年約滿離巢效力18年嘅TVB，隨即轉型成為KOL，人氣不跌反升！

雖然孫慧雪曾表示養兩個小朋友屋企開支大，但佢嘅生活真係過得唔錯。佢喺社交網站不時大曬多個名牌手袋，更曾陪老公現身馬場拉頭馬，而日前佢仲喺IG上載屋企窗外嘅景色，並寫上：「我自己間屋，個景係咪好靚」。從照片中所見，佢屋企嘅景觀相當開揚，面向海景，而且仲望到草地足球場，感覺溫暖舒適。