|
|
知名導演王晶去年開設個人YouTube頻道《王晶笑看江湖》與女兒王子涵主持清談節目大爆圈中秘聞。近日王晶就喺節目中爆出謝霆鋒和張柏芝婚姻破裂嘅原因，惹起熱議。
王晶指謝霆鋒和張柏芝嘅求婚過程好浪漫：「柏芝好鍾意霆鋒，霆鋒手指受傷，夜晚柏芝趁他睡著時幫他搽藥膏，之後霆鋒在菲律賓租了一個海灘向柏芝求婚，我記得就好浪漫。」不過愛情始終敵唔過雙方性格與溝通方式嘅差異。王晶續指回憶起拍攝電影《無價之寶》嘅經歷，指當年劇組裡有好多小朋友，張柏芝展現出強烈母性為小演員們準備食物，但同時就喺好多人面前抱怨謝霆鋒：「佢一路煮嘢食時就一路罵霆鋒，我諗…咁你日日咁樣即係你有好多不滿，你喺我哋呢班人面前講，咁你哋呢段婚姻都好危危乎，咁果然冇耐真係離咗婚。」王晶透露當時有個「老公」角色都搵鄭伊健去客串，都唔敢問謝霆鋒：「總知就係兩個人係唔夾，但兩個人嗰種互相吸引力令佢哋覺得可以解決問題，我諗佢哋嗰陣係咁諗。」對於王晶今次嘅爆料，網民反應不一，部分網民認為當事人已分手多年，唔需要再翻舊帳，認為王晶抽水。 |
|
在線雷達
發表於 
廣播
置頂
推舊帖
收嗲鳥
油顏色
