鍾嘉欣鍾柔美合體拍MV 打破23年年齡差距 網民大讚似兩姊妹

GIRLAV

41歲鍾嘉欣（Linda）近日強勢回歸歌壇，推出新歌《Believe In Yourself》，更搵嚟有「翻版鍾嘉欣」之稱嘅鍾柔美（Yumi）拍MV，同框場口雖然僅得兩個，包括鍾柔美挨喺鍾嘉欣膊頭以及喺草地上互相擁抱，但粉絲們見到呢個合體都相當驚喜，網民大讚鍾嘉欣和鍾柔美靚女，而二人喺畫面中宛如姐妹，打破23年年齡差距：「好似兩姊妹呀」、「簡直同一個餅印，靚靚」、「好似樣啊」、「更青春甜美，雙鍾美女」等等。

鍾嘉欣包辦新歌《Believe In Yourself》作曲部分，透露歌曲原意係寫畀女兒，但最終發覺需要聆聽歌曲嘅係自己，希望歌曲可自勉之餘，亦帶有鼓勵他人之作用。鍾嘉欣又喺社交平台分享多張與鍾柔美及7歲小演員Keri合照，感謝二人參與拍攝，大讚Keri雖然係首次出演，但演技栩栩如生：「我在找一個長得像我的小女孩，除了我親生的女兒Kelly，Keri是完美的配合。」鍾嘉欣又列出鍾柔美多項優點，包括專業、準時、友善、耐心，表示二人合作非常愉快，更幽默地表示：「我計過條數，如果我23歲生你，我就可以做你阿媽啦」。鍾柔美於社交平台貼出MV片段和與鍾嘉欣嘅合照，寫道：「能夠參與 Linda 姐姐嘅MV《Believe in Yourself》真是我嘅榮幸，Thank you for this meaningful song。」鍾嘉欣則回覆鼓勵鍾柔美：「Yumi，你真是太貼心了！我相信你。繼續加油！謝謝你參與我的MV，你為我的MV增添了不少樂趣。」

howardwo

兩個刀幾似樣噃