女神配對計劃 ｜細John對Carman漠不關心反獲網民激讚？Matthew獲讚男友力強

GIRLAV

8月10日晚播出的女神配對計劃最搶焦的，除了是成功洗底的富二代林堡熙（Eddie）爆Seed，以真誠力追葉蒨文（Sophie）與曾展望（GM）一爭長短；羅毓儀（Yuki）在GM幫忙下與海淦清T.Max解開心結，關嘉敏（Carman）的組別一樣有不少Talking Point。事緣昨晚一集有隱藏任務，五位女神需根據製作組派發的指定「情況」、交戲考驗同組求愛勇者的臨場反應，而Carman的題目是「假如愛犬Two Two出事」。由於昨晚一集還同場加映了「組員大兜亂」環節，故當Carman聲稱愛犬出事兼哭成淚人後，當時同組的劉啟進（Matt）負責搞Gag嘗試舒緩Carman情緒（畀張唔恰當嘅紙巾叫Carman頂住先，但個樣好真誠），林澤謙則索性企起身為Carman抹眼淚，動作維持了好一陣子之餘，又不斷安撫Carman：「你要冷靜啲，如果連你都好唔冷靜，咁就會冇人幫到佢」、Him「使唔使睇吓佢先？」表現溫柔，令網民無限心心眼！

而原本已被調走的黃家俊（Matthew），眼見自己女神Carman出事即跨組慰問之餘，又主動幫Carman聯絡獸醫朋友詢問意見，三位勇者更夾手夾腳請求監製放人讓Carman探望愛犬，Matthew最後還陪Carman執拾細軟準備離開！與此同時，Carman組另一原組員細John卻全程對Carman置之不理，Carman亦忍不住直認失望：「Matthew好可靠、「反而我又再一次失望喇，細John佢冇行過嚟。」但原來好戲在後頭，細John雖然全程忙著透爐，但由於眼見視線範圍內，李芷晴、梁敏巧及Carman差不多同一時間出事，即明白是製作組搞鬼，故才決定繼續透爐！細John的「挑通眼眉」，令網民大為驚艷，留言盛讚他人間清醒兼醒目。「細John當時投入番本組工作都很盡責呀」、「都係細John好嘢，邊有咁巧合幾個女神都有事發生，叻仔」、「眾人皆醉，細John 獨醒」。

整件事的亮點是，Carman全程相當入戲，不但哭至雙眼通紅、而且還無助得像個小孩，獲不少網民留言大讚「演技派」，有網民更坦言明知是假的也看至很心痛：「睇到Carman你喊，我都睇到眼濕濕，好觸動…就算今次係做戲，但好真情流露」、「Carman好戲到令人心痛」、「Carman喊到慘慘豬」、「Carman超好戲！真係睇到我都想喊！！好犀利」、「好演技、投入，繼續努力」、「我都陪你喊咗」、「細John 好搞笑！Matthew 好細心！」、「Matthew男友力超强」。