楊洛婷Me time獨自到沙灘大晒火辣泳衣照身材Fit爆唔似兩孩之母

GIRLAV · 發表於 2025-8-7 13:04:15

2003年港姐亞軍楊洛婷（Rabeea）與樂隊Dear Jane主音黃天翱（Tim）於2014年結婚，婚後育有一對仔女，婚後專心相夫教子及發展KOL事業。日前藉小朋友放暑假，楊洛婷丟低老公，帶子女到加拿大溫哥華，更為仔女安排節目，例如畀囝囝Tristan上夏令營學烹飪，囝囝每日預留製成品畀媽媽品嘗，令楊洛婷表示甜到入心又入肚。

楊洛婷曾於過往多次分享性感打扮照片，被網民大讚係「索爆人妻」。今次楊洛婷就趁住小朋友去camp嘅時間，獨自到沙灘吹海風；佢就喺社交平台大晒火辣泳衣照，以英文寫道：「溫哥華的夏天意味着山景、閃閃發光的水面及在Rocky Point的海灘時光。」穿上火紅色比堅尼嘅楊洛婷身材Fit爆，完全唔似兩孩之母，唔少網民激讚楊洛婷火辣辣：「咁性感得唔得㗎」、「女神」、「索爆」、「Omg , it’s so hot」、「hot mum」等等，湯怡、關楓馨都有留言心心眼表情及大讚楊洛婷Fit，曹敏莉則留言：「So hot!」。